ಇಂಥಾ ಕೃತ್ಯ ಹಿಂದೆಂದೂ ನಾನು ನೋಡಿಯೇ ಇಲ್ಲ: ಸಚಿವರಿಗೆ ಎಚ್ಚರಿಕೆ ಕೊಟ್ಟ ಸಿಎಂ ಹೇಳಿದ್ದಿಷ್ಟು

ಬೆಂಗಳೂರು: ಇಂದು ರಾಜ್ಯ ಸಂಪುಟ ಸಭೆಯಲ್ಲಿ ರೇಣುಕಸ್ವಾಮಿ ಕೊಲೆ ಪ್ರಕರಣದ ಆರೋಪಿಗಳಾದ ನಟ ದರ್ಶನ್ ಮತ್ತು ಇತರೆ ಆರೋಪಿಗಳ ವಿಚಾರ ಬಲು ಜೋರಾಗಿ ಸದ್ದು ಮಾಡಿದ್ದು, ಇಂತಹ ಕ್ರೌರ್ಯವನ್ನು ಹಿಂದೆಂದೂ ನಾನು ನೋಡಿರಲಿಲ್ಲ ಎಂದು ಸಿಎಂ ಸಿದ್ದರಾಮಯ್ಯ ಹೇಳಿದ್ದಾರೆ. ಈ ವೇಳೆ ಸಭೆಗೆ ಹಾಜರಾದ ಸಚಿವರಿಗೆ ಮುಖ್ಯಮಂತ್ರಿಗಳು ಎಚ್ಚರಿಕೆಯ ಸಂದೇಶ ಕೂಡ ರವಾನಿಸಿದ್ದಾರೆ.

ಇದನ್ನೂ ಓದಿ: ಪವಿತ್ರಾಗೌಡ ಜೈಲುಪಾಲು? ಅಜ್ಜಿ ಜತೆ ಕೋರ್ಟ್​ಗೆ ಆಗಮಿಸಿದ ಪುತ್ರಿ ಖುಷಿಗೌಡ

ಸಚಿವ ಸಂಪುಟ ಸಭೆ ನಡೆಯುವ ಮುನ್ನವೇ ಸಚಿವರಿಗೆ ತಾಕೀತು ಮಾಡಿದ ಸಿಎಂ, "ಇಂತಹ ಪ್ರಕರಣ ಕಂಡು ಭಾರೀ ಅಚ್ಚರಿಗೆ ಒಳಗಾಗಿದ್ದೇನೆ. ಇಂಥಾ ಕೃತ್ಯ ಹಿಂದೆಂದೂ ನೋಡಿಯೇ ಇರಲಿಲ್ಲ. ಈ ಪ್ರಕರಣದ ಬಗ್ಗೆ ಶಾಸಕರು ಅಥವಾ ಸಚಿವರು, ಯಾರೇ ಆಗಲಿ ತುಟಿ ಬಿಚ್ಚಬೇಡಿ. ಪರ-ವಿರೋಧದ ಚರ್ಚೆಗಳು ಬೇಡ" ಎಂದು ಸಚಿವರಿಗೆ ಎಚ್ಚರಿಕೆ ಸಂದೇಶ ಕೊಟ್ಟಿದ್ದಾರೆ.

ಸಿಎಂ ಆದೇಶಿಸುತ್ತಿದ್ದಂತೆ ಎಚ್ಚೆತ್ತುಕೊಂಡ ಸಚಿವರು ಪ್ರಕರಣದ ಬಗ್ಗೆ ತುಟಿಕ್-ಪಿಟಿಕ್ ಎನ್ನದೆ ಸುಮ್ಮನೆ ಕುಳಿತು, ಸಿದ್ದರಾಮಯ್ಯ ಅವರ ಮುಂದಿನ ಮಾತುಗಳನ್ನು ಆಲಿಸಿದ್ದಾರೆ.

https://www.vijayavani.net/producer-umapathy-speaks-about-darshan-arrest

https://www.vijayavani.net/babar-azam-should-immediately-resign-from-captaincy