ಅಂದು ಅಪ್ಪು ಮತ್ತು ಸುದೀಪ್​ ಸರ್​​ ಹಲ್ಲುಕಚ್ಚಿಕೊಂಡು ಸುಮ್ಮನಿದ್ರು: ನಿರ್ಮಾಪಕ ಉಮಾಪತಿ ಸ್ಪೋಟಕ ಹೇಳಿಕೆ

ಬೆಂಗಳೂರು: 'ಅಯ್ಯೋ ತಗಡೇ' ಎಂಬ ನಟ ದರ್ಶನ್​ ಹೇಳಿಕೆಗೆ ಗುರಿಯಾಗಿದ್ದ 'ರಾಬರ್ಟ್'​ ಚಿತ್ರದ ನಿರ್ಮಾಪಕ ಉಮಾಪತಿ ಶ್ರೀನಿವಾಸ್​, ಇಂದು ಚಿತ್ರದುರ್ಗದ ರೇಣುಕಸ್ವಾಮಿ ಹತ್ಯೆ ಪ್ರಕರಣದಲ್ಲಿ ಆರೋಪಿ ದರ್ಶನ್​ ಮತ್ತು ಪವಿತ್ರಾ ಗೌಡ ಸೇರಿದಂತೆ 17 ಆರೋಪಿಗಳು ಪೊಲೀಸರ ಕಸ್ಟಡಿಯಲ್ಲಿರುವ ವಿಷಯಕ್ಕೆ ಸಂಬಂಧಿಸಿದಂತೆ ಕಡೆಗೂ ಪ್ರತಿಕ್ರಿಯೆ ನೀಡಿದ್ದಾರೆ. ಖಾಸಗಿ ಸುದ್ದಿವಾಹಿನಿಯೊಂದರಲ್ಲಿ ಈ ಬಗ್ಗೆ ಹಲವು ವಿಷಯ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ಆಸ್ಪತ್ರೆಯಿಂದ ಮನೆಗೆ ಬಂದ ವಿನೋದ್ ರಾಜ್​ಗೆ ದೃಷ್ಟಿ ತೆಗೆದ ಮನೆಮಂದಿ

"ಅಂದು ಮೈಸೂರಿನ ಒಂದು ಪ್ರಕರಣವೊಂದರಲ್ಲಿ ನನ್ನನ್ನು ಕೂರಿಸಿ, ಟೇಬಲ್​ ಮೇಲೆ ವೆಪನ್ ಇಟ್ಟು ಬೆದರಿಸಿದ್ದರು. ಅವತ್ತು ನನ್ನ ಸುತ್ತಮುತ್ತ ಇದದ್ದು, ಬರೋಬ್ಬರಿ 10ರಿಂದ 20 ಜನರು. ಅಂದು ನಾನು ಸತ್ತು ಬದುಕಿದ್ದೇನೆ. ಆ ಕೇಸ್​ನಲ್ಲಿ ನನ್ನನ್ನು ಸಿಲುಕಿಸುವ ಹುನ್ನಾರ ಮಾಡಿದ್ರು. 'ರಾಬರ್ಟ್'​ ಚಿತ್ರದ ವೇಳೆ ಕೂಡ ಬಹಳ ಹಿಂಸೆ ಕೊಟ್ಟರು" ಎಂದು ಹೇಳಿಕೊಂಡಿದ್ದಾರೆ.

"ಒಬ್ಬ ಅಮಾಯಕನನ್ನು ಮೈಸೂರು ಕೇಸ್​ನಲ್ಲಿ ಸಿಲುಕಿಸಲು ಪ್ರಯತ್ನಿಸಿದ್ರು. ಅಂದು ನಾನು ಮನೆಗೆ ಹೋದಾಗ ನನ್ನ ಮಕ್ಕಳು ನನ್ನನ್ನು ತಬ್ಬಿಕೊಂಡು, ಅತ್ತಿದ್ದರು. ಆ ದೃಶ್ಯವನ್ನು ಇಂದಿಗೂ ನನ್ನಿಂದ ಮರೆಯಲು ಸಾಧ್ಯವೇ ಇಲ್ಲ. ನಾನು ಎಲ್ಲಿ ಕೊಡಬೇಕೋ ಅಲ್ಲಿಯೇ ಕೊಡುತ್ತೀನಿ. ಆದ್ರೆ, ಕಾನೂನಿನ ಚೌಕಟ್ಟಿನಲ್ಲಿಯೇ ಕೊಡುತ್ತೀನಿ ಅದು ನಾನು. ನಮ್ಮಪ್ಪ ನನಗೆ ಹೇಳಿಕೊಟ್ಟಿದ್ದು, 'ಕಾಲ ಕಾಯ್ದು, ಬಾಲ ಕುಯ್ಯಬೇಕು" ಅಂತ ಎಂದರು.

ಇದನ್ನೂ ಓದಿ: ಆ ದಿನವೇ ದರ್ಶನ್ ಎಚ್ಚೆತ್ತುಕೊಂಡಿದ್ದರೆ ಈ ರೀತಿ ಅನಾಹುತ ಆಗುತ್ತಿರಲಿಲ್ಲ: ಇಂದ್ರಜಿತ್​ ಲಂಕೇಶ್​ ಹೇಳಿಕೆ

"ನಾನು ಕೆಟ್ಟ ಕೆಲಸ ಮಾಡಿದ್ರೆ, ಯಾರಾದ್ರೂ ಸುಮ್ಮನೆ ಬಿಡುತ್ತಾರಾ? ನೀವೆಲ್ಲಾ ಅವತ್ತು ಕ್ಷಮಿಸಿ ಸುಮ್ಮನಾದ ಕಾರಣಕ್ಕೆ ಇವತ್ತು ಇಷ್ಟೆಲ್ಲಾ ಆಗಿದೆ. ಅಂದೇ ಇದೆಲ್ಲವನ್ನೂ ಚಿವುಟಿ ಹಾಕಬೇಕಿತ್ತು. ಈ ಕುರಿತು ಅಂದು ನಾನು, ನಟ ಜಗ್ಗೇಶ್ ಮತ್ತು ಧೃವ ಸರ್ಜಾ ಕುಳಿತು ಚರ್ಚೆ ಮಾಡಿದ್ದೆವು. ಸುದೀಪ್ ಮತ್ತು ಪುನೀತ್ ರಾಜ್​ಕುಮಾರ್​ ಸರ್ ಕೂಡ ಹಲ್ಲುಕಚ್ಚಿಕೊಂಡು ಸುಮ್ಮನಿದ್ದರು" ಎಂದು ಉಮಾಪತಿ ಸ್ಪೋಟಕ ಸಂಗತಿಯನ್ನು ಇದೀಗ ಎಲ್ಲರ ಮುಂದೆ ಬಹಿರಂಗಪಡಿಸಿದ್ದಾರೆ.

https://www.vijayavani.net/come-to-team-india-as-coach-says-harbhajan-singh