ದೇವರಾಜೇಗೌಡ ಸ್ಪೋಟಕ ಹೇಳಿಕೆ: ಬೀದಿ ಬೀದಿಗಳಲ್ಲಿ ಡಿಕೆಶಿ ಮತ್ತು ಸಿಎಂ ಪೋಸ್ಟರ್​ ಪ್ರತ್ಯಕ್ಷ​!

ಬೆಂಗಳೂರು: ಸದ್ಯ ವಿದೇಶಕ್ಕೆ ಹಾರಿರುವ ಹಾಲಿ ಸಂಸದ ಪ್ರಜ್ವಲ್ ರೇವಣ್ಣಗೆ ಸಂಬಂಧಿಸಿದ ರಾಸಲೀಲೆ ಪ್ರಕರಣದ ವಿಡಿಯೋಗಳು ವ್ಯಾಪಕವಾಗಿ ವೈರಲ್ ಆದ ಬೆನ್ನಲ್ಲೇ ಇದು ಆ ಪಕ್ಷದ ನಾಯಕರು ಹರಿಬಿಟ್ಟಿದ್ದು, ಈ ಪಕ್ಷದವರಿಂದಲೇ ಹೊರಬಂದಿದ್ದು ಎಂಬ ಆರೋಪಗಳು ಕೇಳಿಬರುತ್ತಿವೆ. ಇನ್ನು ನಿನ್ನೆಯಷ್ಟೇ ಬಿಜೆಪಿ ಮುಖಂಡ ದೇವರಾಜೇಗೌಡ ಸುದ್ದಿಗೋಷ್ಠಿ ನಡೆಸಿ, ಪೆನ್‌ಡ್ರೈವ್ ಹಗರಣದ ಹಿಂದೆ ಡಿಸಿಎಂ ಡಿಕೆ ಶಿವಕುಮಾರ್​ ಕೈವಾಡವಿದೆ ಎಂದು ಆರೋಪಿಸಿದ್ದರು.

ಇದನ್ನೂ ಓದಿ: ಪ್ರಜ್ವಲ್ ರೇವಣ್ಣ ಮಾತ್ರವಲ್ಲ! ಈ ಹೆಸರಾಂತ ನಾಯಕರು ಕೂಡ ಹಿಂದೊಮ್ಮೆ ಇದೇ ಪ್ರಕರಣದಡಿ ಸಿಲುಕಿದ್ರು

ಈ ಆರೋಪ ವ್ಯಕ್ತವಾಗುತ್ತಿದ್ದಂತೆ ರಾತ್ರೋ ರಾತ್ರಿ ಬೆಂಗಳೂರಿನ ಬೀದಿ ಬೀದಿಗಳಲ್ಲಿ ಡಿಕೆ ಶಿವಕುಮಾರ್​ ಮತ್ತು ಸಿದ್ದರಾಮಯ್ಯ ಅವರನ್ನು ಒಳಗೊಂಡ ಬಿತ್ತಿಪತ್ರಗಳು ಪತ್ತೆಯಾಗಿವೆ. ನಗರದ ಪ್ರಮುಖ ಸ್ಥಳಗಳಲ್ಲಿ ಈ ಫೋಟೋಗಳು ಕಂಡುಬಂದಿದ್ದು, ಅಪರಿಚಿತರು ಉದ್ದೇಶಪೂರ್ವಕವಾಗಿ ಇಂತಹ ಕೆಲಸಕ್ಕೆ ಕೈಹಾಕಿದ್ದಾರೆ ಎಂಬುದು ತಿಳಿದುಬಂದಿದೆ. ಸದ್ಯ ಅಸಭ್ಯ ಹೇಳಿಕೆಯ ಪೋಸ್ಟರ್​ಗಳು ದಿಢೀರ್​ ಪ್ರತ್ಯಕ್ಷವಾಗಿದ್ದು, ಈ ಕುರಿತು ದೂರು ದಾಖಲಾಗುವ ನಿರೀಕ್ಷೆಯಿದೆ.

ಇನ್ನು ಡಿಕೆ ಶಿವಕುಮಾರ್​ ವಿರುದ್ಧ ದೇವರಾಜೇಗೌಡರು ಮಾಡಿದ ಆರೋಪ ಮತ್ತು ಆಡಿಯೋ ರೆಕಾರ್ಡ್​ ಬಿಡುಗಡೆಗೊಳಿಸಿದ ಬೆನ್ನಲ್ಲೇ ಸ್ಪಷ್ಟನೆ ನೀಡಿದ ಡಿಸಿಎಂ, "ದೇವರಾಜೇಗೌಡ ನನ್ನ ವಿರುದ್ಧ ಮಾಡಿರುವ ಆರೋಪಗಳು ಅಪ್ಪಟ ಸುಳ್ಳು. ಇದರ ಹಿಂದೆ ಬಿಜೆಪಿ-ಜೆಡಿಎಸ್ ನಾಯಕರ ಕೈವಾಡವಿದೆ" ಎಂದು ಹೇಳಿದ್ದಾರೆ.

https://www.vijayavani.net/this-politicians-too-were-got-stuck-in-sex-scandal-issues

https://www.vijayavani.net/he-is-the-most-dangerous-batter-in-ipl