ಅಂದಹಾಗೆ ಚಂದ್ರಯಾನ 3 ಭಾರತದ ಮಹತ್ವಾಕಾಂಕ್ಷಿ ಯೋಜನೆಯಾಗಿದೆ. ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) 15 ವರ್ಷದಲ್ಲಿ ಚಂದ್ರನ ಅಧ್ಯಯನಕ್ಕೆ ಕಳುಹಿಸುತ್ತಿರುವ ಮೂರನೇ ನೌಕೆ ಇದಾಗಿದ್ದು, ‘ಬಾಹುಬಲಿ’ ಎಂದು ಕರೆಯಲಾಗುವ ಎಲ್ವಿಎಂ3-ಎಂ4 (ಜಿಎಸ್ಎಲ್ವಿಎಂಕೆ-3) ರಾಕೆಟ್ ಇದನ್ನು ಹೊತ್ತೊಯ್ದಿದೆ. ಇದರಲ್ಲಿ ಮೂರು ಭಾಗಗಳಿದ್ದು, ರಾಕೆಟ್ಗೆ ಅಗತ್ಯ ಇಂಧನ ಒದಗಿಸುವ ಪ್ರಪಲ್ಶನ್, ಗಗನನೌಕೆಯಲ್ಲಿ ಮಹತ್ವದ್ದಾದ ಲ್ಯಾಂಡರ್ ಮತ್ತು ರೋವರ್ಗಳು ಸೇರಿ 3,900 ಕೆ.ಜೆ. ತೂಕ ಹೊಂದಿತ್ತು. ಉಡಾವಣೆಯಾದ 16 ನಿಮಿಷದಲ್ಲಿ ರಾಕೆಟ್ನಿಂದ ನೌಕೆ ಬೇರ್ಪಟ್ಟಿದೆ. ಆಗಸ್ಟ್ 23ರಂದು ಚಂದ್ರನ ದಕ್ಷಿಣ ಧ್ರುವದಲ್ಲಿ ಲ್ಯಾಂಡರ್ ಮೃದುವಾಗಿ ಇಳಿಯಲಿದೆ (ಸಾಫ್ಟ್ ಲ್ಯಾಂಡಿಂಗ್). 2019ರಲ್ಲಿ ಚಂದ್ರಯಾನ-2 ಈ ರೀತಿಯ ಲ್ಯಾಂಡಿಂಗ್ನಲ್ಲಿ ವಿಫಲವಾಗಿತ್ತು. (ಏಜೆನ್ಸೀಸ್)
