ಬಾಕ್ಸ್​ ಆಫೀಸ್​ನಲ್ಲಿ ಮುಗ್ಗರಿಸಿದ 'ಚಂದ್ರಮುಖಿ 2' ಈಗ ಒಟಿಟಿಗೆ

ತಮಿಳುನಾಡು: ಕಾಲಿವುಡ್​ ಸ್ಟಾರ್, ನೃತ್ಯ ಸಂಯೋಜಕ ನಟ ರಾಘವ್​ ಲಾರೆನ್ಸ್ ಮತ್ತು ಬಾಲಿವುಡ್​ ಬೆಡಗಿ ನಟಿ ಕಂಗನಾ ರಣಾವತ್​ ಮುಖ್ಯಭೂಮಿಕೆಯಲ್ಲಿ ಅಭಿನಯಿಸಿದ 'ಚಂದ್ರಮುಖಿ 2' ಇದೀಗ ಒಟಿಟಿ ಪ್ಲಾಟ್​ಫಾರ್ಮ್​ನಲ್ಲಿ ಬಿಡುಗಡೆಯಾಗಲಿದ್ದು, ದಿನಾಂಕ ಕೂಡ ನಿಗದಿಯಾಗಿದೆ.

ಇದನ್ನೂ ಓದಿ: ಇಸ್ರೇಲ್-ಹಮಾಸ್ ಯುದ್ಧ: ಈ ಕಾರಣದಿಂದಾಗಿ ಇಸ್ರೇಲಿ ಪೊಲೀಸರಿಗೆ ಸಮವಸ್ತ್ರ ಪೂರೈಕೆ ನಿಲ್ಲಿಸಿದ ಕೇರಳ ಕಂಪನಿ

ಪಿ. ವಾಸು ನಿರ್ದೇಶನದಲ್ಲಿ ಮೂಡಿಬಂದ ಹೈ ಬಜೆಟ್​ನ ಹಾರರ್-ಥ್ರಿಲ್ಲರ್ 'ಚಂದ್ರಮುಖಿ 2' ಸೆಪ್ಟೆಂಬರ್ 28 ರಂದು ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡಿತು. ನಿರೀಕ್ಷಿಸಿದಂತೆ ಕಮಾಲ್ ಮಾಡದ ಚಿತ್ರವು ಬಾಕ್ಸ್​ ಆಫೀಸ್​ ಗಳಿಕೆಯಲ್ಲಿ ಮುಗ್ಗರಿಸಿತು.

ಇತ್ತೀಚಿನ ವರದಿಗಳ ಪ್ರಕಾರ, 'ಚಂದ್ರಮುಖಿ 2' ಚಿತ್ರದ ಡಿಜಿಟಲ್ ಪ್ರೀಮಿಯರ್ ಪ್ರಮುಖ ಒಟಿಟಿ ಪ್ಲಾಟ್‌ಫಾರ್ಮ್ ಆದ ನೆಟ್‌ಫ್ಲಿಕ್ಸ್‌ನಲ್ಲಿ ಅಕ್ಟೋಬರ್ 26 ರಂದು ಬಿಡುಗಡೆಯಾಗಲಿದೆ. ಸಿನಿಮಾವನ್ನು ಚಿತ್ರಮಂದಿರಗಳಲ್ಲಿ ವೀಕ್ಷಿಸದ ಪ್ರೇಕ್ಷಕರು ಇದೀಗ 28 ರಂದು ಒಟಿಟಿಯಲ್ಲಿ ನೋಡಬಹುದಾಗಿದೆ.

ಇದನ್ನೂ ಓದಿ: ಹಮಾಸ್ ಇಸ್ರೇಲ್ ಮೇಲೆ ಏಕೆ ದಾಳಿ ಮಾಡಿತು?, ಇಬ್ಬರು ಅಮೆರಿಕನ್ ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಿದ ನಂತರ ಈ ರೀತಿ ಹೇಳಿಕೆ ನೀಡಿದ ಬೈಡನ್

'ಚಂದ್ರಮುಖಿ 2' ಸೂಪರ್‌ಸ್ಟಾರ್ ರಜನಿಕಾಂತ್ ಮತ್ತು ಜೋತಿಕಾ ಅಭಿನಯದ 'ಚಂದ್ರಮುಖಿ 1'ರ ಮುಂದುವರಿದ ಭಾಗವಾಗಿದೆ. ಲೈಕಾ ಪ್ರೊಡಕ್ಷನ್ಸ್ ಬ್ಯಾನರ್‌ನಲ್ಲಿ ನಿರ್ಮಾಣಗೊಂಡ ಈ ಚಿತ್ರದಲ್ಲಿ ರಾಘವ್​ ಲಾರೆನ್ಸ್​, ಕಂಗನಾ ರಣಾವತ್​, ಮಹಿಮ ನಂಬಿಯಾರ್​, ಸುಭಿಕ್ಷಾ, ಲಕ್ಷ್ಮಿ ಮೆನನ್​, ಸೃಷ್ಟಿ ದಂಗೆ ಮುಂತಾದವರ ತಾರಾಗಣವಿದೆ,(ಏಜೆನ್ಸೀಸ್).

https://www.vijayavani.net/bbks10-sudeep-sir-brought-a-change-in-my-life-says-prathap