ಎರಡು ಹೈ ಸ್ಪೀಡ್​ ರೈಲುಗಳ ರಭಸಕ್ಕೆ ಕುಸಿದು ಬಿತ್ತು ರೈಲ್ವೆ ನಿಲ್ದಾಣ!

ಭೋಪಾಲ್​: ಎರಡು ಹೈ ಸ್ಪೀಡ್​ ರೈಲುಗಳು ಒಂದೇ ಸಮಯದಲ್ಲಿ ಕ್ರಾಸಿಂಗ್​ ಮಾಡಿದ್ದರಿಂದಾಗಿ ರೈಲ್ವೆ ನಿಲ್ದಾಣವೇ ಮುರಿದುಬಿದ್ದಿರುವ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ.

ಇಲ್ಲಿನ ಚಾಂದ್ನಿ ರೈಲ್ವೆ ನಿಲ್ದಾಣ ಬುಧವಾರ ಸಂಜೆ ಬಿದ್ದಿದೆ. ಈ ರೈಲ್ವೆ ನಿಲ್ದಾಣದಲ್ಲಿ ಪ್ರತಿನಿತ್ಯ ಅನೇಕ ರೈಲುಗಳು ಸಂಚರಿಸುತ್ತವೆ. ಅಷ್ಟೊಂದು ಪ್ರಮುಖ ನಿಲ್ದಾಣವಲ್ಲವಾದ್ದರಿಂದ ಹೈ ಸ್ಪೀಡ್​ ರೈಲುಗಳು ಇಲ್ಲಿ ನಿಲ್ಲುವುದಿಲ್ಲವಂತೆ. ಅದೇ ರೀತಿ ಬುಧವಾರ ಕೂಡ ಹೈ ಸ್ಪೀಡ್​ ರೈಲುಗಳು ಈ ನಿಲ್ದಾಣದಲ್ಲಿ ನಿಲ್ಲದೆಯೇ ಸಂಚರಿಸಿವೆ. ಮಧ್ಯಾಹ್ನ 3.30ರ ಸಮಯಕ್ಕೆ ಖಾಂಡ್ವಾ ಇಂದ ಬರುವ ಪವನ್ ಎಕ್ಸ್​ಪ್ರೆಸ್​ ಮತ್ತು ಬರ್ಹನ್ಪುರ್ನಿಂದ ಬರುವ ಗುವಾಹಾಟಿ ಎಕ್ಸ್​ಪ್ರೆಸ್​ ರೈಲುಗಳು ಒಂದೇ ಸಮಯದಲ್ಲಿ ಈ ನಿಲ್ದಾಣವನ್ನು ಹಾದು ಹೋಗಿವೆ.

ಎರಡು ಹೈ ಸ್ಪೀಡ್​ ರೈಲುಗಳು ಒಂದೇ ಸಮಯದಲ್ಲಿ ಹಾದು ಹೋಗಿದ್ದರಿಂದಾಗಿ ನಿಲ್ದಾಣದ ಗೋಡೆಗಳು ಕುಸಿದಿವೆ. ಮಧ್ಯಾಹ್ನ 3.55ರ ಸಮಯಕ್ಕೆ ಗೋಡೆ ಕುಸಿದಿರುವುದಾಗಿ ತಿಳಿಸಲಾಗಿದೆ. ಅದೃಷ್ಟವಶಾತ್​ ಆ ಸಮಯದಲ್ಲಿ ನಿಲ್ದಾಣದಲ್ಲಿ ಸಿಬ್ಬಂದಿ ಬಿಟ್ಟು ಬೇರಾರು ಇರಲಿಲ್ಲ ಎನ್ನಲಾಗಿದೆ. ಸಿಬ್ಬಂದಿಯೂ ಕೂಡ ನಿಲ್ದಾಣದಿಂದ ಹೊರಗೆ ಓಡಿ ಪ್ರಾಣ ಉಳಿಸಿಕೊಂಡಿದ್ದಾರೆ. ಸ್ಥಳಕ್ಕೆ ಭೇಟಿ ನೀಡಿರುವ ಹಿರಿಯ ಅಧಿಕಾರಿಗಳು ಪರಿಶೀಲನೆ ನಡೆಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/pregnant-woman-held-hostage-n-front-of-her-children/

https://www.vijayavani.net/daughter-in-law-kills-mother-in-law/

https://www.vijayavani.net/ambulance-at-deserted-area-people-were-suspicious-called-police/