ಭೀಕರ ಅಪಘಾತ: ನಾಲೆಗೆ ಬಿದ್ದ ಕಾರು, ನಾಲ್ವರ ಸಾವು, ಚಾಲಕನೊಬ್ಬನೇ ಬಚಾವ್!

ಮಂಡ್ಯ: ಕಾರೊಂದು ನಾಲೆಗೆ ಬಿದ್ದು ಭೀಕರ ಅಪಘಾತ ಸಂಭವಿಸಿದ್ದು, ಕಾರಿನಲ್ಲಿದ್ದ ಐವರ ಪೈಕಿ ನಾಲ್ವರು ಸಾವಿಗೀಡಾಗಿದ್ದಾರೆ. ಮಂಡ್ಯ ಜಿಲ್ಲೆಯಲ್ಲಿ ಇಂದು ಈ ಭೀಕರ ಅಪಘಾತ ಸಂಭವಿಸಿದೆ.

ಮಂಡ್ಯ ಜಿಲ್ಲೆಯ ಶ್ರೀರಂಗಪಟ್ಟಣ ತಾಲೂಕಿನ ಗಾಮನಹಳ್ಳಿ ಬಳಿ ಚಾಲಕನ ನಿಯಂತ್ರಣ ತಪ್ಪಿದ ಕಾರು ಸೀದಾ ನಾಲೆಗೆ ಹೋಗಿ ಬಿದ್ದಿದೆ. ಕಾರಿನಲ್ಲಿ ಐವರು ಇದ್ದಿದ್ದು, ಚಾಲಕ ಹೊರತುಪಡಿಸಿ ಎಲ್ಲರೂ ಸಾವಿಗೀಡಾಗಿದ್ದಾರೆ.

ಇದನ್ನೂ ಓದಿ: ಹಬ್ಬದ ಸಂಭ್ರಮದಲ್ಲಿ ಹೆಜ್ಜೆ ಹಾಕುತ್ತ ಕುಸಿದು ಬಿದ್ದ ವ್ಯಕ್ತಿ; ಹೃದಯಾಘಾತಕ್ಕೀಡಾಗಿ ಸಾವು

ಸಂಜನಾ (17), ಮಮತಾ (45), ಮಹದೇವ (55), ರೇಖಾ (36) ಸಾವಿಗೀಡಾದವರು. ಮೃತಪಟ್ಟವರೆಲ್ಲರೂ ಗಾಮನಹಳ್ಳಿ ಗ್ರಾಮದವರು. ಇವರು ದೇವತಾಕಾರ್ಯಕ್ಕೆ ಸಂಬಂಧಿಕರನ್ನು ಆಹ್ವಾನಿಸಲು ಹೋಗಿದ್ದಾಗ ಈ ಅಪಘಾತ ಸಂಭವಿಸಿದೆ.

ಇವರು ಗೊರವನಹಳ್ಳಿಯಿಂದ ದೊಡ್ಡ ಮಲಗೂಡಿಗೆ ತೆರಳುತ್ತಿದ್ದಾಗ ಇಂಡಿಕಾ ಕಾರು ತಡೆಗೋಡೆಗೆ ಡಿಕ್ಕಿ ಹೊಡೆದು ನಾಲೆಗೆ ಬಿದ್ದಿದೆ. ಮಮತಾ ಎಂಬಾಕೆಯ ಪುತ್ರ ಮನೋಜ್ ಕಾರು ಚಲಾಯಿಸುತ್ತಿದ್ದು, ಆತ ಮಾತ್ರ ಬಚಾವಾಗಿದ್ದು, ಮತ್ತೆಲ್ಲರೂ ಸಾವಿಗೀಡಾದರು.

https://www.vijayavani.net/man-transforms-into-human-dog-by-spending-20000-dollars

https://www.vijayavani.net/missing-kerala-man-found-after-1-5-years-says-was-scared-of-wife