ರಾಜ್ಯ ಬಿಜೆಪಿ ಶಾಸಕರ ಕಾರು ಪಲ್ಟಿ! ತಪ್ಪಿದ ಭಾರೀ ದುರಂತ

ಕಲಬುರ್ಗಿ: ಕಲಬುರ್ಗಿಯ ಬಿಜೆಪಿ ಶಾಸಕ ಬಸವರಾಜ ಮಟ್ಟಿಮುಡ ಅವರು ಪ್ರಯಾಣಿಸುತ್ತಿದ್ದ ಫಾರ್ಚುನರ್​ ಕಾರು ಪಲ್ಟಿಯಾಗಿದ್ದು, ಭಾರೀ ಅನಾಹುತದಿಂದ ಪಾರಾಗಿದ್ದಾರೆ. ಅಪಘಾತ ಸಂಭವಿಸಿದ ಕೂಡಲೇ ಬಸವರಾಜ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅಗತ್ಯ ಚಿಕಿತ್ಸೆ ಕೊಡಿಸಲಾಗಿದೆ.

ಇದನ್ನೂ ಓದಿ: ‘ಮೊದಲು ಕೈ ನಾಯಕರಿಗೆ ನ್ಯಾಯ ಒದಗಿಸಿ’: ರಾಹುಲ್​ ಗಾಂಧಿಗೆ ಬಿಜೆಪಿ ಸಲಹೆ

ಕಾರಿನೊಳಗೆ ಐದು ಜನರು ಪ್ರಯಾಣಿಸುತ್ತಿದ್ದು, ಐವರಲ್ಲಿ ಶಾಸಕ ಬಸವರಾಜ ಕಾರಿನ ಮುಂದಿನ ಸೀಟಿನಲ್ಲಿ ಕುಳಿತಿದ್ದರು. ಅಪಫಾತದಲ್ಲಿ ಮೂವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ವರದಿಯಾಗಿದೆ.

ಶಾಸಕ ಮತ್ತಿಮೂಡ ಶಹಾಬಾದ್ ಕ್ಷೇತ್ರಕ್ಕೆ ಭೇಟಿ ನೀಡಿದ್ದ ವೇಳೆ ಈ ಅವಘಡ ಸಂಭವಿಸಿದೆ. ಕಿರಿದಾದ ರಸ್ತೆಯಲ್ಲಿ ವಿರುದ್ಧ ದಿಕ್ಕಿನಿಂದ ದ್ವಿಚಕ್ರ ವಾಹನ ಬಂದಾಗ, ಚಾಲಕ ಕಾರನ್ನು ಎಡಭಾಗಕ್ಕೆ ತಿರುಗಿಸಿದ್ದರಿಂದ ವಾಹನ ಪಲ್ಟಿ ಹೊಡೆದು ಅಪಘಾತಕ್ಕೀಡಾಗಿದೆ.

https://www.vijayavani.net/bbks10-santhosh-gets-eliminated-from-the-house