ಹೀಗೂ ಮಾಡ್ತೀರಾ? ದಯವಿಟ್ಟು ನಮ್ಮ ಭಾವನೆಗಳ ಜತೆ ಆಟ ಆಡಬೇಡಿ! ವೈರಲ್ ವಿಡಿಯೋಗೆ ನೆಟ್ಟಿಗರು ಕಿಡಿ

ಸಾಮಾನ್ಯವಾಗಿ ಜನಸಾಮಾನ್ಯರಿಗೆ ಈ ಬಗೆಬಗೆಯ ತಿಂಡಿ-ತಿನಿಸು ಅಂದ್ರೆ ಬಹಳ ಇಷ್ಟ. ಅದರಲ್ಲೂ ರಸ್ತೆಬದಿ ಮಾಡುವ ವಿಧವಿಧವಾದ ಆಹಾರಗಳು, ಅವರು ಮಾಡುವ ಶೈಲಿ, ವಿಭಿನ್ನತೆಗೆ ಫಿದಾ ಆಗುವ ತಿಂಡಿ ಪ್ರಿಯರು, ಅದೆಷ್ಟೇ ವಿಚಿತ್ರ ಎನಿಸಿದರು ಒಮ್ಮೆಯಾದರು ಪ್ರಯತ್ನಿಸಿ, ನಂತರ ಇತರರಿಗೂ ಟೇಸ್ಟ್​ ಮಾಡುವಂತೆ ಸಲಹೆ ನೀಡುತ್ತಾರೆ. ಆದ್ರೆ, ಇಲ್ಲೊಂದು ವಿಡಿಯೋ ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ವ್ಯಾಪಕ ವೈರಲ್ ಆಗಿದ್ದು, ದೃಶ್ಯ ನೋಡಿದ ನೆಟ್ಟಿಗರು ಮಾತ್ರ ಭಾರೀ ಅಸಮಾಧಾನ ಹೊರಹಾಕಿದ್ದಾರೆ.

ಇದನ್ನೂ ಓದಿ: VIDEO | ಪಾಟ್ನಾ ಸಾಹಿಬ್‌ಗೆ ಮೋದಿ ಭೇಟಿ; ಅಡುಗೆ ತಯಾರಿಸಿ, ಭಕ್ತರಿಗೆ ಊಟ ಬಡಿಸಿದ ಪ್ರಧಾನಿ

ಇತ್ತೀಚಿನ ದಿನಗಳಲ್ಲಿ ಸಿಹಿಯೊಂದಿಗೆ ಖಾರ ಮತ್ತು ಉಳಿಯಿರುವ ಆಹಾರಗಳನ್ನು ಮಿಶ್ರಿಸಿ, ಜನರಿಗೆ ಉಣಬಡಿಸುವ ಆಹಾರ ಮಳಿಗೆಗಳು ನಗರಗಳಲ್ಲಿ ತಲೆಎತ್ತಿವೆ. ಅದೇ ರೀತಿ ಇಲ್ಲೊಬ್ಬರು ಮಹಿಳೆ ತಮ್ಮ ಸ್ಟ್ರೀಟ್​ ಫುಡ್​ ಅಂಗಡಿಗೆ ಬರುವ ಗ್ರಾಹಕರಿಗೆ ಚಾಕೋಲೆಟ್​ ಮತ್ತು ಚೀಸ್​ ಅನ್ನು ಕೇಳಿದ ಆಹಾರಕ್ಕೆಲ್ಲಾ ಹಾಕಿ ಕೊಡುವುದು ಮಾತ್ರವಲ್ಲದೇ, ಮುಂಬೈನ ಹೆಸರುವಾಸಿ ವಡಾ ಪಾವ್​ಗೂ ಸಹ ಚಾಕೋಲೆಟ್​ ಹಾಗೂ ಚೀಸ್ ಹಾಕಿ ಕೊಡುತ್ತಿದ್ದಾರೆ.

ಇದನ್ನೂ ಓದಿ:  ಯಾರಾದ್ರೂ ಕೊಹ್ಲಿಯನ್ನು ಕೆಣಕಿದ್ರೆ… ಟೀಕಾಕಾರರಿಗೆ ಖಡಕ್​ ಎಚ್ಚರಿಕೆ ನೀಡಿದ ಆಸಿಸ್​ ಲೆಜೆಂಡರಿ ಕ್ರಿಕೆಟಿಗ!

ಕೇಳಲು, ನೋಡಲು ವಿಚಿತ್ರ ಎನಿಸಿದರೂ ಇದೇ ಸತ್ಯ. ಮಧ್ಯಪ್ರದೇಶದ ಇಂದೋರ್​ನಲ್ಲಿ ಫುಡ್​ ಸ್ಟಾಲ್ ನಡೆಸುತ್ತಿರುವ ಈ ಮಹಿಳೆ, ಮುಂಬೈನ ಸಾಂಪ್ರದಾಯಿಕ ವಡಾಪಾವ್​ ತಯಾರಿಕೆಯ ಶೈಲಿಯನ್ನೇ ಬದಲಿಸಿದ್ದು, ಅದನ್ನು "ಚಾಕೋಲೆಟ್ ಚೀಸ್​ ವಡಾ ಪಾವ್" ಎಂದು ಹೆಸರಿಸಿ, ಮಾರಾಟ ಮಾಡುತ್ತಿದ್ದಾರೆ. ಇದು ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದ್ದು, ​ಇದೇನಿದು ವಿಚಿತ್ರ? ಯಾಕೆ ನಮ್ಮ ಭಾವನೆಗಳಿಗೆ ಧಕ್ಕೆ ತರುತ್ತೀರಾ ಎಂದು ಮಹಿಳೆಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

ವಡಾ ಪಾವ್​ ಅನ್ನು ರೌಂಡ್​ ಬನ್​​ನಿಂದ ಮಾಡುತ್ತಿರುವ ಮಹಿಳೆ ಅದಕ್ಕೆ ಚೀಸ್​ ತುರಿದು, ಚಾಕೋಲೆಟ್​ ಹಾಕಿಕೊಡುತ್ತಾರೆ. ಇದರ ಜತೆಗೆ ಸಿಹಿ ಸಿಹಿ ಬಿಸ್ಕತ್ ಅನ್ನು ಕಡ್ಲೇಹಿಟ್ಟಿನ ಜತೆಗೆ ಬೆರಸಿ, ಬಾಣಲಿಯಲ್ಲಿ ಕರಿದು ಬಜ್ಜಿಯಾಗಿ ನೀಡ್ತಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ವೈರಲ್ ಆಗಿದೆ,(ಏಜೆನ್ಸೀಸ್).

https://www.vijayavani.net/will-jacks-prediction-about-rcb-playoffs

https://www.vijayavani.net/sunil-gavaskar-demands-action-against-cricketers