ನಿನ್ನೆ (ಮೇ 12) ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಮಣಿಸಿತು. ಈ ಪಂದ್ಯಕ್ಕೂ ಮುನ್ನ ಮಾತನಾಡಿದ ಆಸ್ಟ್ರೇಲಿಯಾದ ದಿಗ್ಗಜ ಆಟಗಾರ ಮ್ಯಾಥ್ಯೂ ಹೇಡನ್, ಕೊಹ್ಲಿ ಹಾಗೂ ಅವರ ಆಟದ ಶೈಲಿಯ ವಿರುದ್ಧ ಕೇಳಿಬರುತ್ತಿರುವ ಟೀಕೆಗಳಿಗೆ ಖಡಕ್ ಉತ್ತರ ನೀಡಿದರು. ಕಳೆದ ಕೆಲವು ದಿನಗಳಿಂದ ಕೊಹ್ಲಿ ವಿರುದ್ಧ ಕೇಳಿ ಬರುತ್ತಿರುವ ಟೀಕೆಗಳನ್ನು ನಿರ್ಲಕ್ಷಿಸಲಾಗದು. ಎಲ್ಲ ಮಾದರಿಯ ಕ್ರಿಕೆಟ್ನಲ್ಲಿ ಶ್ರೇಷ್ಠ ಆಟಗಾರನಾಗುವುದು ಸಣ್ಣ ಸಾಧನೆಯಲ್ಲ. ಇದಲ್ಲದೆ, ಕೊಹ್ಲಿ ತಾಂತ್ರಿಕವಾಗಿ ಅತ್ಯುತ್ತಮ ಆಟಗಾರ. ಪಂದ್ಯ ಗೆಲ್ಲುವವರೆಗೂ ಹೋರಾಡುವ ಸಾಮರ್ಥ್ಯ ಕೊಹ್ಲಿಗಿದೆ. ನಾನು ಅದನ್ನು ಹಲವು ಪಂದ್ಯಗಳಲ್ಲಿ ನೋಡಿದ್ದೇನೆ. ಅಂತಹ ಆಟಗಾರನನ್ನು ನೀವು ಟೀಕಿಸಿದರೆ, ಅವರು ತಮ್ಮ ಬ್ಯಾಟ್ನಿಂದಲೇ ಉತ್ತರಿಸುತ್ತಾರೆ. ಮೇಲಾಗಿ, ನೀವು ಕೊಹ್ಲಿಯನ್ನು ಕೆಣಕಿದರೆ, ಅವರು ಇನ್ನಷ್ಟು ಅಪಾಯಕಾರಿಯಾಗುತ್ತಾರೆ ಎಂದು ಕಿಂಗ್ ಕೊಹ್ಲಿಯನ್ನು ಟೀಕಿಸುವವರಿಗೆ ಮ್ಯಾಥ್ಯೂ ಹೇಡನ್ ಎಚ್ಚರಿಕೆ ಕೊಟ್ಟರು.
