ಬಳ್ಳಾರಿಗೆ ನೂತನ ಜಿಲ್ಲಾಧಿಕಾರಿ ಆಯ್ಕೆ; ಕೊನೆಗೂ ಬಿತ್ತು ಶಾಸಕರ ಹಗ್ಗ-ಜಗ್ಗಾಟಕ್ಕೆ ತೆರೆ…

ಬಳ್ಳಾರಿ: ಕೆಲ ದಿನಗಳಿಂದ ಬಳ್ಳಾರಿಯ ಜಿಲ್ಲಾಧಿಕಾರಿ ಆಯ್ಕೆ ವಿಚಾರವಾಗಿ ಗೊಂದಲ ಉಂಟಾಗಿದ್ದು ಇದೀಗ ನೂತನ ಡಿ.ಸಿ ಆಗಿ ಪ್ರಶಾಂತ್ ಕುಮಾರ್ ಮಿಶ್ರ ನೇಮಕವಾಗಿದ್ದಾರೆ.

ಪ್ರಶಾಂತ್ ಕುಮಾರ್ ಮಿಶ್ರ 2014ರ ಬ್ಯಾಚ್​ನ ಐಎಎಸ್ ಅಧಿಕಾರಿಯಾಗಿದ್ದು ಈ ಹಿಂದೆ ಕೆಎಸ್ಆರ್​ಟಿಸಿ ನಿರ್ದೇಶಕರಾಗಿದ್ದರು. ಅವರು ಇಂದಿನಿಂದ ಬಳ್ಳಾರಿ ನೂತನ ಡಿಸಿಯಾಗಿ ನೇಮಕವಾಗಿದ್ದು ಅಧಿಕಾರ ಸ್ವೀಕರಿಸಿದ್ದಾರೆ. ಇದಕ್ಕೂ ಮೊದಲು ಪವನ್ ಕುಮಾರ್ ಮಾಲಪಾಟಿ ಬಳ್ಳಾರಿ ಜಿಲ್ಲಾಧಿಕಾರಿಯಾಗಿದ್ದರು.

ಇದನ್ನೂ ಓದಿ: ಮೂಲಸೌಲಭ್ಯ ಕೊರತೆಯಿಂದ ಕಲಿಕೆಗೆ ಹಿನ್ನಡೆ: ಜಿಲ್ಲಾಧಿಕಾರಿಗೆ ಮನವಿ

ಕಳೆದ ಸೋಮವಾರ ಪವನ್ ಕುಮಾರ್ ವರ್ಗಾವಣೆಯಾಗಿದ್ದು, ಅವರ ಜಾಗಕ್ಕೆ ಸರ್ಕಾರ ವಿಜಯನಗರ ಜಿಲ್ಲೆಯ ಮಾಜಿ ಡಿಸಿ ಟಿ.ವೆಂಕಟೇಶ್ ನೇಮಕ ಮಾಡಿತ್ತು. ಆದರೆ ವೆಂಕಟೇಶ್ ನೇಮಕದ ಬಗ್ಗೆ ಸಚಿವ ನಾಗೇಂದ್ರ ಹಾಗೂ ಸಂಡೂರು ಶಾಸಕರ ನಡುವೆ ಹಗ್ಗ ಜಗ್ಗಾಟ ನಡೆದಿತ್ತು. ಈ ಕಾರಣದಿಂದಾಗಿ ಬಳ್ಳಾರಿಯ ಡಿ.ಸಿ ಯಾರಾಗುತ್ತಾರೆ ಎನ್ನುವ ಗೊಂದಲ ಉಂಟಾಗಿತ್ತು.

ಈ ಸಂದರ್ಭ, ವೆಂಕಟೇಶ್ ಪರ ನಾಗೇಂದ್ರ ಹಾಗೂ ವಿರುದ್ಧವಾಗಿ ಸಂಡೂರು ಶಾಸಕ ತುಕಾರಾಂ ಪಟ್ಟು ಹಿಡಿದಿದ್ದರು. ಕೊನೆಗೆ ಅಳೆದು ತೂಗಿ ವೆಂಕಟೇಶ್ ಬದಲಿಗೆ ಪ್ರಶಾಂತ್ ಕುಮಾರ್ ಮಿಶ್ರ ಅವರನ್ನು ಬಳ್ಳಾರಿ ಡಿಸಿ ಆಗಿ ಸರ್ಕಾರ ನೇಮಿಸಿದೆ.

https://www.vijayavani.net/indians-do-panic-buying-of-rice-in-usa

https://www.vijayavani.net/woman-has-dinner-with-lion-makes-internet-go-crazy

https://www.vijayavani.net/man-tries-to-kill-his-friend-over-money-issue-in-sulibele-village