ಬಿಗ್ ಮನೆಗೆ ಎಂಟ್ರಿಕೊಟ್ಟ ಮೊದಲ ದಿನದಿಂದಲೂ 16 ಸ್ಪರ್ಧಿಗಳ ಜತೆ ತೀರ ವಾಗ್ವಾದಕ್ಕಿಳಿದ ಲಾಯರ್ ಜಗದೀಶ್, ಆಟದ ಮೂಲ ನಿಯಮಗಳನ್ನೇ ಮರೆತು ಮಾತನಾಡಿದ್ದಾರೆ. ಈ ವಿಷಯ ವೀಕ್ಷಕರಲ್ಲಿ ಭಾರೀ ಬೇಸರ ಮೂಡಿಸಿದೆ. ಇರಲಿ ಪರವಾಗಿಲ್ಲ ಬಿಗ್ಬಾಸ್ ಮನೆ ಅಂದಮೇಲೆ ಅಲ್ಲಿ ಇಂತಹ ಜಟಾಪಟಿ, ವಿರೋಧ, ವ್ಯಂಗ್ಯಗಳು ಇರುತ್ತವೆ ಎಂದು ವೀಕ್ಷಕರು ಪ್ರಾರಂಭದಲ್ಲಿ ಸುಮ್ಮನಾಗಿದ್ದರು. ಆದ್ರೆ, ಯಾವಾಗ ಜಗದೀಶ್ ಬಿಗ್ ಬಾಸ್ಗೆ ನೇರ ಸವಾಲು ಎಸೆದರೋ ಅಲ್ಲಿಗೆ ಎಲ್ಲಾ ಲೆಕ್ಕಾಚಾರಗಳು ಇಲ್ಲಿಗೆ ಮುಗಿಯಿತು ಎಂದೇ ನೋಡುಗರು ಭಾವಿಸಿದರು. ಬಿಗ್ಬಾಸ್ ಶೋ ಏನು ಎಂಬುದನ್ನು ಇಡೀ ರಾಜ್ಯದ ಮುಂದೆ ಬಿಚ್ಚಿಡುತ್ತೇನೆ ಎಂದು ಸವಾಲಿನ ಮಾತುಗಳನ್ನಾಡಿದ್ದ ವಕೀಲ ಜಗದೀಶ್ಗೆ ಇದೀಗ ಮೊದಲ ವಾರದ ಕಥೆ ಕಿಚ್ಚ ಜತೆ ಪಂಚಾಯಿತಿಯಲ್ಲಿ ನಟ, ನಿರೂಪಕ ಸುದೀಪ್ ಬೆವರಿಳಿಸಿದ್ದಾರೆ.
