ಬಳಿಕ ಈ ವಿಚಾರವನ್ನು ನಿಮ್ಮ ಪೋಷಕರಿಗೆ ತಿಳಿಸುವುದಾಗಿ ಹೆದರಿಸಿದ ಅಧಿಕಾರಿಯು ಆ ಬಳಿಕ ನನ್ನೊಬ್ಬಳಿಗೆ ತೆರಳುವಂತೆ ಸೂಚಿಸಿದರು. ಪೊಲೀಸ್ ಅಧಿಕಾರಿಯ ಎದುರೇ ಬೈಕಿನಲ್ಲಿ ಬಂದ ಯುವಕನೋರ್ವ ನನ್ನನ್ನು ಅವರ ಮುಂದೆಯೇ ರೇಗಿಸಿದ. ನನಗೆ ಸಿಟ್ಟು ಬಂದು ನಾನು ಆತನಿಗೆ ಬೈದೆ. ಇದನ್ನು ನೋಡಿ ಕೂಡ ಪೊಲೀಸ್ ಅಧಿಕಾರಿ ರೇಗಿಸಿದವನಿಗೆ ಏನು ಮಾಡದೆ ಸುಮ್ಮನೇ ನಿಂತಿದ್ದರು. ನಾನು ನನ್ನ ಬಾಯ್ಫ್ರೆಂಡ್ ಕೈ ಹಿಡಿದಿದ್ದಕ್ಕೆ ದೊಡ್ಡ ಸೀನ್ ಕ್ರಿಯೇಟ್ ಮಾಡಿದ ಪೊಲೀಸರು ಯಾರೋ ಒಬ್ಬ ನನ್ನನ್ನು ಅವರ, ಮುಂದೆ ರೇಗಿಸಿದಾಗ ಯಾಕೆ ಸುಮ್ಮನಿದ್ದರು ಎಂಬುದು ನನಗೆ ಅರ್ಥವಾಗುತ್ತಿಲ್ಲ. ಆ ಬಳಿಕ ಬಾಯ್ಫ್ರೆಂಡ್ನನ್ನು ಹಣ ಪಡೆದು ಬಿಟ್ಟು ಕಳುಹಿಸಿದ್ದಾರೆ. ನಾನು ಒಳ್ಳೆಯ ಪೊಲೀಸರನ್ನು ನೋಡಿದ್ದೇನೆ. ಆದರೆ, ಈ ಅಧಿಕಾರಿ ಮಾಡಿದ್ದನ್ನು ನೋಡಿದರೆ ಜನರು ಏಕೆ ಪೊಲೀಸರನ್ನು ದ್ವೇಷಿಸುತ್ತಾರೆ ಎಂಬುದು ಅರ್ಥವಾಯಿತು ಎಂದು ಮಹಿಳೆ ಬರೆದುಕೊಂಡಿದ್ದಾರೆ.
