ಅತಿಯಾದ ದೇಹ ತೂಕದಿಂದ ಬಳಲುತ್ತಿದ್ದೀರಾ? ಕೈಗೆಟುಕುವ ದರದಲ್ಲಿ ಲಭ್ಯವಿದೆ ಪರಿಹಾರ....

ನವದೆಹಲಿ : ಆರೋಗ್ಯಕ್ಕೆ ಸಂಬಂಧಿಸಿದಂತೆ ಈ ದಿನಗಳು ಅತಿ ಸೂಕ್ಷ್ಮ ಕಾಲ ಎನ್ನಬಹುದು. ಆದರೆ ಆರೋಗ್ಯ ಸುಧಾರಣೆಗೆ ಹಲವು ಮನೆಮದ್ದುಗಳು ಮತ್ತು ನೈಸರ್ಗಿಕ ಔಷಧಗಳಿವೆ.

ಅವು ದೀರ್ಘಕಾಲದಿಂದಲೂ ಭಾರತೀಯ ಸಂಸ್ಕೃತಿಯ ಭಾಗವೇ ಆಗಿವೆ. ಕೆಲವು ಮನೆಮದ್ದುಗಳು ವಾಸ್ತವವಾಗಿ ತಂತ್ರದಂತೆ ಕಾರ್ಯನಿರ್ವಹಿಸುತ್ತವೆ ಎಂದು ಹೇಳಿದರೆ ತಪ್ಪಾಗಲಿಕ್ಕಿಲ್ಲ.

ಅಂತಹ ಒಂದು ಪ್ರಮುಖ ಅಡುಗೆ ಅಂಶವೆಂದರೆ ಅಡುಗೆ ಸೋಡಾ ಅಥವಾ ಬೇಕಿಂಗ್‌ ಸೋಡಾ. ಇದನ್ನು ಕೆಲವು ಆರೋಗ್ಯ ಸಮಸ್ಯೆಗಳಿಗೆ ಮನೆಮದ್ದಾಗಿ ವಿವಿಧ ರೀತಿಯಲ್ಲಿ ಬರಬಹುದು. ಅಡಿಗೆ ಸೋಡಾದ ಕೆಲವು ಉಪಯೋಗಗಳು ಇಲ್ಲಿವೆ, ಅದು ಆರೋಗ್ಯವಾಗಿರಲು, ಆರೋಗ್ಯ ಸಮಸ್ಯೆಗಳನ್ನು ತಡೆಗಟ್ಟಲು ಮತ್ತು ಚಿಕಿತ್ಸೆ ನೀಡಲು ಸಹಾಯ ಮಾಡುತ್ತದೆ.

ಆರೋಗ್ಯವನ್ನು ಸುಧಾರಿಸಲು ಅಡಿಗೆ ಸೋಡಾದ 5 ಉಪಯೋಗಗಳು ಇಂತಿವೆ.

ಇದನ್ನೂ ಓದಿ : ಶುಲ್ಕ ಸಂಗ್ರಹಕ್ಕೆ ಶಿಕ್ಷಣ ಸಂಸ್ಥೆಗಳಿಗೆ ಅನುಮತಿ; ಸರ್ಕಾರದ ಕ್ರಮ ಪ್ರಶ್ನಿಸಿ ಹೈಕೋರ್ಟ್​ ಮೊರೆ ಹೋದ ಪಾಲಕರು

ಹಲ್ಲುಗಳನ್ನು ಶುಭ್ರಗೊಳಿಸಲು - ಹಲವರು ಅಡುಗೆ ಸೋಡಾವನ್ನು ಹಲ್ಲುಗಳ ಶ್ವೇತವರ್ಣಕ್ಕಾಗಿ ಬಳಸುತ್ತಾರೆ. ಕಾಫಿ ಅಥವಾ ಚಹಾದ ಸೇವನೆಯಿಂದಾಗಿ ಹಲ್ಲು ಹಳದಿ ಅಥವಾ ಕಂದು ಬಣ್ಣದ್ದಾಗಿದ್ದರೆ, ಹಲ್ಲುಜ್ಜಲು ಒಂದು ಚಿಟಿಕೆ ಅಡುಗೆ ಸೋಡಾವನ್ನು ಬಳಸಬಹುದು. ಸೋಡಾ ಬ್ಲೀಚಿಂಗ್ ಗುಣಲಕ್ಷಣಗಳನ್ನು ಹೊಂದಿದೆ ಮತ್ತು ಇದು ಉತ್ತಮ ಶುಚಿಗೊಳಿಸುವ ಏಜೆಂಟ್ ಆಗಿದೆ. ಇದು ಕೈಗೆಟುಕುವ ದರದಲ್ಲಿ ನಿಮ್ಮ ಹಲ್ಲುಗಳನ್ನು ಬಿಳುಪುಗೊಳಿಸಲು ಸಹಾಯ ಮಾಡುತ್ತದೆ.

ದೇಹದ ತೂಕ ಕಡಿಮೆ ಮಾಡಲು- ಆಪಲ್ ಸೈಡರ್ ವಿನೆಗರ್ ಜೊತೆಗೆ ಅಡುಗೆ ಸೋಡಾ ಮಿಶ್ರಣ ದೇಹದ ತೂಕ ಕಡಿಮೆ ಮಾಡಿಕೊಳ್ಳಲು ಅತ್ಯಂತ ಜನಪ್ರಿಯ ಮನೆಮದ್ದಾಗಿದೆ. ಸಂಶೋಧನೆಯಿಂದ ಇದು ಸಾಬೀತಾಗಿದೆ. ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಕೂಡ ಸಹಾಯ ಮಾಡುತ್ತದೆ ಎಂದು ಸಾಬೀತಾಗಿದೆ.

ಇದನ್ನೂ ಓದಿ: ವಾಯುಪಡೆಗೆ ಹೆಚ್ಚಿನ ಬಲ ತುಂಬಲು ಬಂದವು ಬೋಯಿಂಗ್​ನ ಅಪಾಚೆ ಹೆಲಿಕಾಪ್ಟರ್​

ಎದೆಯುರಿತಕ್ಕೆ ಮನೆಯ ಮದ್ದಾಗಿ - ಎದೆಯುರಿತ ಅಥವಾ ಆಮ್ಲೀಯತೆಯು ಜನರಲ್ಲಿ ಸಾಮಾನ್ಯವಾಗಿ ಕಂಡುಬರುವಂಥದ್ದಾಗಿದೆ. ಅಡುಗೆ ಸೋಡಾವನ್ನು ಇದಕ್ಕೆ ಪರಿಣಾಮಕಾರಿ ಪರಿಹಾರವಾಗಿ ಬಳಸಬಹುದು. ಅದು ಹೊಟ್ಟೆಯ ಆಮ್ಲವನ್ನು ತಟಸ್ಥಗೊಳಿಸಲು ಸಹಾಯ ಮಾಡುತ್ತದೆ, ಎದೆಯುರಿ ನಿವಾರಣೆಗೆ ಸಹಾಯ ಮಾಡುತ್ತದೆ.

ಬಾಯಿ ಸ್ವಚ್ಛಗೊಳಿಸಲು - ಇದು ಸ್ವಚ್ಛಗೊಳಿಸುವ ಗುಣಗಳನ್ನು ಹೊಂದಿದೆ ಮತ್ತು ಸೂಕ್ಷ್ಮಜೀವಿ ನಿರೋಧಕ ಗುಣಗಳನ್ನು ಸಹ ಹೊಂದಿದೆ. ಇದು ಬಾಯಿಯನ್ನು ಪರಿಣಾಮಕಾರಿಯಾಗಿ ಸ್ವಚ್ಛಗೊಳಿಸಲು ಸಹಾಯ ಮಾಡುತ್ತದೆ ಮತ್ತು ದುರ್ವಾಸನೆಗೆ ಕಾರಣವಾಗುವ ಬ್ಯಾಕ್ಟೀರಿಯಾವನ್ನು ತೊಡೆದುಹಾಕಲು ಅಥವಾ ಬಾಯಿಯಲ್ಲಿ ರೋಗಾಣುಗಳ ಬೆಳವಣಿಗೆ ನಿಲ್ಲಿಸಲು ಸಹಾಯ ಮಾಡುತ್ತದೆ.

ಚರ್ಮದ ಚಿಕಿತ್ಸೆಯಾಗಿ - ತುರಿಕೆಯುಂಟಾಗುತ್ತಿದ್ದರೆ, ಅಡುಗೆ ಸೋಡಾವನ್ನು ಚರ್ಮದ ಚಿಕಿತ್ಸೆಯಾಗಿ ಬಳಸಬಹುದು. ಸನ್ ಬರ್ನ್ಸ್ ಹೋಗಲಾಡಿಸಲು ಮತ್ತು ವಿಶೇಷವಾಗಿ ಬೇಸಿಗೆಯ ಅವಧಿಯಲ್ಲಿ ಪರಿಣಾಮಕಾರಿ ಪರಿಹಾರವಾಗಿ ಇದನ್ನು ಬಳಸಬಹುದು.

https://www.vijayavani.net/security-officer-of-mahakal-temple-remove-for-helping-to-nab-dubey/