Axiom-4 ಬಾಹ್ಯಾಕಾಶ ಮಿಷನ್​ಗೆ ದಿನಾಂಕ ಫಿಕ್ಸ್​​; ಭಾರತೀಯ ಗಗನಯಾತ್ರಿ ಸುಭಾನ್ಶು ಶುಕ್ಲಾ ಪಯಣಕ್ಕೆ ಸಕಲ ಸಿದ್ಧತೆ

Axiom-4 Mission: ಭಾರತೀಯ ಗಗನಯಾತ್ರಿ ಮತ್ತು ಗ್ರೂಪ್ ಕ್ಯಾಪ್ಟನ್ ಸುಭಾನ್ಶು ಶುಕ್ಲಾ ಸೇರಿದಂತೆ ನಾಲ್ವರು ಸದಸ್ಯರ ಸಿಬ್ಬಂದಿಯನ್ನು ಅಂತಾರಾಷ್ಟ್ರೀಯ ಬಾಹ್ಯಾಕಾಶ ಮಿಷನ್‌ಗೆ ಕರೆದೊಯ್ಯುವ ಆಕ್ಸಿಯಮ್ -4 ಯಾನವನ್ನು ಇತ್ತೀಚೆಗಷ್ಟೇ ತಾತ್ಕಾಲಿಕವಾಗಿ ತಡೆಹಿಡಿಯಲಾಗಿತ್ತು. ಇದೀಗ ಹೊಸ ದಿನಾಂಕವನ್ನು ಸುದೀರ್ಘ ಚರ್ಚೆ ಬಳಿಕ ಅಧಿಕೃತಗೊಳಿಸಲಾಗಿದ್ದು, ಇದೇ ಜೂನ್ 19ರಂದು ಉಡಾವಣೆಯಾಗಲಿದೆ ಎಂದು ಸುದ್ದಿ ಸಂಸ್ಥೆಗಳು ತಿಳಿಸಿವೆ.

ಇದನ್ನೂ ಓದಿ: ರಸ್ತೆ ಒತ್ತುವರಿ ತೆರವುಗೊಳಿಸಲು ನಿರ್ಲಕ್ಷ್ಯ: ಪ್ರಾಂತ ರೈತ ಸಂಘದ ಜಿಲ್ಲಾ ಸಂಚಾಲಕ ಭರತ್‌ರಾಜ್ ಆರೋಪ

ಭಾರತೀಯ ಗಗನಯಾತ್ರಿ ಶುಭಾಂಶು ಶುಕ್ಲಾ ಅವರ ಬಾಹ್ಯಾಕಾಶ ಯಾನಕ್ಕೆ ಕಡೆಗೂ ಹೊಸ ದಿನಾಂಕವನ್ನು ಅಧಿಕೃತಪಡಿಸಿದ್ದು, ಜೂನ್ 19ರಂದು ಶುಭಾಂಶು ಶುಕ್ಲಾ ಅವರ ಆಕ್ಸಿಯಮ್ -4 ಮಿಷನ್​ ಉಡಾವಣೆಯಾಗಲಿದೆ. ಆದಾಗ್ಯೂ, ಆರಂಭದಲ್ಲಿ ಉಡಾವಣೆಯನ್ನು ಮೇ.29ಕ್ಕೆ ನಿಗದಿಪಡಿಸಲಾಗಿದ್ದರೂ, ತಾಂತ್ರಿಕ ಕಾರಣಗಳಿಂದಾಗಿ ಉಡಾವಣೆಯನ್ನು ಹಲವಾರು ಬಾರಿ ಮುಂದೂಡಲಾಯಿತು ಎಂದು ತಿಳಿದುಬಂದಿದೆ.

ಈ ಹಿಂದೆ ಬಾಹ್ಯಾಕಾಶ ಮಿಷನ್ ಅನ್ನು ಜೂನ್ 11ಕ್ಕೆ ಮುಂದೂಡಿಕೆ ಮಾಡಲಾಗಿದೆ ಎಂದು ಸ್ಪೇಸ್‌ಎಕ್ಸ್ ತನ್ನ ಪ್ರಕಟಣೆಯಲ್ಲಿ ತಿಳಿಸಿತು. ಮಂಗಳವಾರ (ಜೂನ್ 10) ಸಂಜೆ 5:52ಕ್ಕೆ ನಡೆಯಬೇಕಿದ್ದ ಸ್ಪೇಸ್‌ಎಕ್ಸ್ ಡ್ರ್ಯಾಗನ್ ಬಾಹ್ಯಾಕಾಶ ನೌಕೆಯ ಉಡಾವಣೆಯನ್ನು ಒಂದು ದಿನದ ಮಟ್ಟಿಗೆ ತಡೆ ಹಿಡಿಯಲಾಯಿತು. ಬುಧವಾರ ಭಾರತೀಯ ಕಾಲಮಾನ ಸಂಜೆ 5:30ಕ್ಕೆ ನಡೆಯಲಿದೆ ಎಂದು ಸಂಸ್ಥೆ ಸ್ಪಷ್ಟಪಡಿಸಿದೆ. ಆಮ್ಲಜನಕ ಸೋರಿಕೆಯ ಹಿನ್ನಲೆ ಉಡಾವಣೆ ದಿನಾಂಕವನ್ನು ಮುಂದೂಡಲಾಗಿತ್ತು. ಆದರೆ, ಈಗ ಜೂ.19ರಂದು ಉಡಾವಣೆ ಮಾಡುವುದಾಗಿ ಅಧಿಕೃತ ಘೋಷಣೆ ಹೊರಬಿದ್ದಿದೆ.

ಇದನ್ನೂ ಓದಿ: ಕಮಲ್ ‘ಥಗ್​ ಲೈಫ್’​ಗಿಲ್ಲ ಬೆಲೆ! 130 ಕೋಟಿ ರೂ. ಕೊಡಲು ರೆಡಿಯಿಲ್ಲ ನೆಟ್​ಫ್ಲಿಕ್ಸ್, ಮತ್ತೇ ಮಾತುಕತೆ | Thug Life

ಹಲವು ಬಾರಿ ಮುಂದೂಡಿಕೆ

ಅಸಲಿಗೆ ಮೇ.29ರಂದು ಕಾರ್ಯಾಚರಣೆಗಾಗಿ ಬಾಹ್ಯಾಕಾಶಕ್ಕೆ ಹೋಗಬೇಕಿದ್ದ ಆಕ್ಸಿಯಮ್-4 ಮಿಷನ್​ ಅನ್ನು ಈ ತಿಂಗಳ 8ಕ್ಕೆ ನಿಗದಿಪಡಿಸಲಾಗಿತ್ತು. ಇದಾದ ಬಳಿಕ ಮತ್ತೆ 10ಕ್ಕೆ ಮುಂದೂಡಲಾಗಿತ್ತು. ಇದೆಲ್ಲದರ ನಂತರವೂ ಮೂರನೇ ಬಾರಿಗೆ ದಿನಾಂಕದಲ್ಲಿ ಬದಲಾವಣೆ ಮಾಡಿದ್ದು ಹಲವರ ಬೇಸರ, ಗೊಂದಲಕ್ಕೆ ಕಾರಣವಾಯಿತು. ಅಮೆರಿಕದ ಖಾಸಗಿ ಬಾಹ್ಯಾಕಾಶ ಕಂಪನಿ ‘ಆಕ್ಸಿಯಮ್ ಸ್ಪೇಸ್’ ನಡೆಸುತ್ತಿರುವ ಮಾನವಸಹಿತ ಬಾಹ್ಯಾಕಾಶ ಪ್ರಯೋಗ ‘AX-4’ ಕಾರ್ಯಾಚರಣೆಯ ಭಾಗವಾಗಿ ಶುಭಾಂಶು ಶುಕ್ಲಾ ಬಾಹ್ಯಾಕಾಶಕ್ಕೆ ಹೆಜ್ಜೆಯಿಡಲಿದ್ದಾರೆ ಎಂಬುದು ಹೆಮ್ಮೆಯ ಸಂಗತಿ.

ಈ ಸ್ಪೇಸ್​ ಮಿಷನ್ ಮೂಲಕ ಶುಭಾಂಶು ಶುಕ್ಲಾ ಬಾಹ್ಯಾಕಾಶಕ್ಕೆ ಪ್ರವೇಶಿಸಿದ ಎರಡನೇ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾಗುವ ಮೂಲಕ ಇತಿಹಾಸ ಸೃಷ್ಟಿಸಲು ಸಜ್ಜಾಗಿದ್ದಾರೆ. 1984ರಲ್ಲಿ ರಷ್ಯಾದ ಸೋಯುಜ್ ರಾಕೆಟ್ ಬಳಸಿ ಬಾಹ್ಯಾಕಾಶಕ್ಕೆ ಪ್ರಯಾಣಿಸಿದ ಮೊದಲ ಭಾರತೀಯ ರಾಕೇಶ್ ಶರ್ಮಾ ಎಂಬುದು ಗಮನಾರ್ಹ,(ಏಜೆನ್ಸೀಸ್​).

https://www.vijayavani.net/netflix-seeks-price-cut-to-accept-thug-life