ಭಾರತ-ಪಾಕಿಸ್ತಾನ ನಡುವಿನ ಕ್ರಿಕೆಟ್ ಪಂದ್ಯ ಎಂದರೆ ಈ ಎರಡು ರಾಷ್ಟ್ರಗಳ ಅಭಿಮಾನಿಗಳು ಮಾತ್ರವಲ್ಲ, ಇಡೀ ಜಗತ್ತೇ ಕುತೂಹಲದಿಂದ ಎದುರುನೋಡುತ್ತದೆ. ಇದಕ್ಕೆ ಕಾರಣ- ಎರಡೂ ತಂಡಗಳ ಮಧ್ಯೆ ಏರ್ಪಡುವ ಅತ್ಯುಗ್ರ ಸ್ಪರ್ಧೆ. 1947ರಲ್ಲಿ ಭಾರತ ವಿಭಜನೆಯಾಗಿ ಪಾಕಿಸ್ತಾನ ಜನ್ಮ ತಳೆಯುವುದರೊಂದಿಗೆ ಆರಂಭವಾದ ಉಭಯ ದೇಶಗಳ ನಡುವಿನ ಮನಸ್ತಾಪ ಈಗಲೂ ಎಲ್ಲ ಕ್ಷೇತ್ರಗಳಲ್ಲಿಯೂ ಮುಂದುವರಿದಿದೆ. ಭಾರತದೊಳಗೆ ನುಸುಳಿ ವಿಧ್ವಂಸಕ ಕೃತ್ಯ ನಡೆಸುವ ಭಯೋತ್ಪಾದಕರಿಗೆ ಪಾಕಿಸ್ತಾನ ಕುಮ್ಮಕ್ಕು ನೀಡುತ್ತಿರುವುದೇ ಸಮಸ್ಯೆಯ ಮೂಲ. ಹತ್ತುಹಲವು ಬಾರಿ ಭಾರತವೇ ಸ್ನೇಹಹಸ್ತ ಚಾಚಿದರೂ, ಮರುಘಳಿಗೆಯಲ್ಲೇ ಪಾಕಿಸ್ತಾನ ಉಗ್ರಕೃತ್ಯ ನಡೆಸಿ ವಿಶ್ವಾಸಘಾತಕತನ ತೋರಿದ ಘಟನೆಗಳು ಅಸಂಖ್ಯ.
