ತಂದೆ-ತಾಯಿಗಳನ್ನು ಮಕ್ಕಳು ಸದಾ ಪೂಜ್ಯ ಭಾವನೆಯಿಂದ ನೋಡುವುದು ಭಾರತೀಯ ಸಂಸ್ಕೃತಿಯ ತಿರುಳೇ ಆಗಿದೆ. ತಾವೂ ಮುಂದೊಂದು ದಿನ ವೃದ್ಧರಾಗಲಿದ್ದು, ಆಗ ತಮ್ಮ ಮಕ್ಕಳು ತಮ್ಮೊಂದಿಗೆ ಇದೇ ತೆರನಾಗಿ ವರ್ತಿಸಬಾರದು ಎಂಬುದನ್ನು ಮಕ್ಕಳು ಮನವರಿಕೆ ಮಾಡಿಕೊಳ್ಳಬೇಕು.‘ಹೊಸ ಬೇರು ಹಳೇ ಚಿಗುರು ಕೂಡಿರಲು ಮರ ಸೊಬಗು’ ಎಂಬಂತೆ ಕುಟುಂಬಗಳು ಬಾಳಿದರೆ ಎಷ್ಟೋ ಸಮಸ್ಯೆಗಳು ಇಲ್ಲವಾಗುತ್ತವೆ. ಇನ್ನು, 9ನೇ ತರಗತಿಯ 15 ವರ್ಷದ ವಿದ್ಯಾರ್ಥಿನಿ ಯೂಟ್ಯೂಬ್ ನೋಡಿಕೊಂಡು ಸ್ವತಃ ಹೆರಿಗೆ ಮಾಡಿಕೊಂಡಿದ್ದಲ್ಲದೆ ಶಿಶುವನ್ನು ಸಾಯಿಸಿರುವುದು ಆಘಾತಕರ ಸಂಗತಿಯಾಗಿದೆ. ಇನ್ಸ್ಟಾಂನಲ್ಲಿ ಪರಿಚಯವಾದ ವ್ಯಕ್ತಿಯೇ ಬಾಲಕಿ ಮೇಲೆ ಅತ್ಯಾಚಾರ ಎಸಗಿ ಗರ್ಭಿಣಿಯಾಗಲು ಕಾರಣವಾಗಿದ್ದಾನೆ ಎನ್ನಲಾಗಿದೆ. ವಿವೇಚನಾರಹಿತವಾಗಿ ಮೊಬೈಲ್ಫೋನ್ ಹಾಗೂ ಸಾಮಾಜಿಕ ಮಾಧ್ಯಮದಲ್ಲಿ ಮುಳುಗಿ ಹೋಗುತ್ತಿರುವ ಮಕ್ಕಳು ಎಂತಹ ಸಂಕಷ್ಟದಲ್ಲಿ ಸಿಲುಕಬಹುದು ಎಂಬುದಕ್ಕೆ ಇದೊಂದು ಉದಾಹರಣೆ. ಈ ಘಟನೆ ಮಕ್ಕಳು ಹಾಗೂ ಪಾಲಕರಿಗೆ ಮಾತ್ರವಲ್ಲ ಸಮಾಜಕ್ಕೂ ಎಚ್ಚರಿಕೆಯ ಗಂಟೆಯಾಗಿದೆ.
