ರಜಿನಿಕಾಂತ್ ದಿಢೀರ್ ಭೇಟಿ ನೀಡಿದ್ದೇಕೆ ಮತ್ತು ಬೆಂಗಳೂರಿಗೆ ಯಾವ ಕೆಲಸದ ನಿಮಿತ್ತ ಬಂದಿದ್ದಾರೆ ಎಂಬುದು ಇನ್ನೂ ತಿಳಿದುಬಂದಿಲ್ಲ. ಆದರೆ, ರಜಿನಿಕಾಂತ್ ಅವರನ್ನು ನೋಡಿ ಜಯನಗರ ಡಿಪೋ ಸಿಬ್ಬಂದಿ ಮಾತ್ರ ತುಂಬಾ ಖುಷಿಯಾದರು. ಅಲ್ಲದೆ, ಸಿಬ್ಬಂದಿ ಜತೆ ಕ್ಯಾಮೆರಾಗೆ ಪೋಸ್ ಸಹ ನೀಡಿದ್ದಾರೆ. ಡಿಪೋದಲ್ಲಿ ಇಬ್ಬರು ಸ್ನೇಹಿತರು ಮತ್ತು ಸಿಬ್ಬಂದಿ ಜತೆ ಕೆಲ ಸಮಯ ಕಳೆದಿದ್ದಾರೆ. ಒಂದು ಕಾಲದಲ್ಲಿ ಅಂದರೆ, ಸಿನಿಮಾಗೆ ಪ್ರವೇಶ ಪಡೆಯುವ ಮುನ್ನ ರಜಿನಿಕಾಂತ್ ಅವರು ಕಂಡಕ್ಟರ್ ಆಗಿ ಸೇವೆ ಸಲ್ಲಿಸುತ್ತಿದ್ದರು. ಗಾಂಧಿ ಬಜಾರ್ನಲ್ಲಿರುವ ವಿದ್ಯಾರ್ಥಿ ಭವನ ಹಾಗೂ ರಾಘವೇಂದ್ರ ಸ್ವಾಮಿ ಮಠಕ್ಕೂ ರಜಿನಿಕಾಂತ್ ಭೇಟಿ ನೀಡಿದ್ದು, ಬೆಂಗಳೂರಿಗ ಬಾಲ್ಯದ ಜೀವನವನ್ನು ಮೆಲಕು ಹಾಕಿದ್ದಾರೆ.
