'ಬಾಸಿಸಂ' ಕಾಲ ಮುಗಿತು... ಸ್ಟಾರ್​ಗಳ ಫ್ಯಾನ್ಸ್ ವಾರ್​ ಬಗ್ಗೆ ನಟ ಪ್ರದೀಪ್ ಸ್ಪಷ್ಟನೆ | Star War

ಬೆಂಗಳೂರು: ಡಿ. 25ರಂದು ಜಾಗತಿಕವಾಗಿ ಬಹುತೇಕ ಚಿತ್ರಮಂದಿರಗಳಲ್ಲಿ ತೆರೆಕಂಡ ಅಭಿನಯ ಚಕ್ರವರ್ತಿ ನಟ ಕಿಚ್ಚ ಸುದೀಪ್ ಅಭಿನಯದ ಮ್ಯಾಕ್ಸ್​ ಚಿತ್ರ ರಾಜ್ಯದ ಥಿಯೇಟರ್​ಗಳಲ್ಲಿ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಈ ವೇಳೆ ಚಿತ್ರದ ಉತ್ತಮ ಓಪನಿಂಗ್​ಗೆ ಕೇಕ್ ಕತ್ತರಿಸಿ ಸಂಭ್ರಮಿಸಿದ ಕಿಚ್ಚನ ಅಭಿಮಾನಿ ಬಳಗ, ಕೇಕ್​ ಮೇಲೆ ಬಾಸಿಸಂ ಕಾಲ ಮುಗಿತು, ಮ್ಯಾಕ್ಸಿಮಮ್​ ಮಾಸ್​ ಕಾಲ ಶುರುವಾಯಿತು ಎಂದು ಪರೋಕ್ಷವಾಗಿ ದರ್ಶನ್​ಗೆ ಟಾಂಗ್​ ಕೊಡುವಂತೆ ಬರೆಸಿ, ಸಂಭ್ರಮಿಸಿದ್ದರು. ಸದ್ಯ ಇದು ದರ್ಶನ್​ ಫ್ಯಾನ್ಸ್​ ಕೆಂಗಣ್ಣಿಗೆ ಗುರಿಯಾಗಿದೆ.

ಇದನ್ನೂ ಓದಿ: ಆನೆ ಬಂತೊಂದಾನೆ… ರೋಬಾಟಿಕ್ ಆನೆ; ಧಾರ್ಮಿಕ ಉತ್ಸವಗಳ ಬಳಕೆಗೆ ‘ಪೇಟಾ’ ಪ್ಲಾನ್

ಪ್ರದೀಪ್ ಸ್ಪಷ್ಟನೆ

'ಮ್ಯಾಕ್ಸ್' ಸಿನಿಮಾ ಸಕ್ಸಸ್ ಸಂಭ್ರಮದಲ್ಲಿ ಈ ಹೆಸರಿನ ಕೇಕ್ ಕತ್ತರಿಸಿದ್ದ ಸುದೀಪ್ ಮತ್ತು ಅಭಿಮಾನಿ ಬಳಗದ ವಿರುದ್ಧ ಜಾಲತಾಣಗಳಲ್ಲಿ ಕಿಡಿಕಾರಿರುವ ದರ್ಶನ್​ ಅಭಿಮಾನಿಗಳು, ಪ್ರತ್ಯೇಕವಾಗಿ ಈ ಸಾಲನ್ನು ದರ್ಶನ್​ ಅವರಿಗೆ ಹೇಳಿರುವುದು ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಈ ಸಾಲು ದರ್ಶನ್ ಬಗ್ಗೆ ಅಂತ ಸೋಷಿಯಲ್ ಮೀಡಿಯಾದಲ್ಲಿ ದರ್ಶನ್ ಫ್ಯಾನ್ಸ್ ಕಿಡಿಕಾರಿದ ಬೆನ್ನಲ್ಲೇ ಚಿತ್ರನಟ ಪ್ರದೀಪ್​ ವಿಡಿಯೋ ಮೂಲಕ ಸ್ಪಷ್ಟನೆ ನೀಡಿದ್ದಾರೆ.

ಲಿಂಕ್ ಮಾಡಿ ವಿವಾದ

"ಅಸಲಿಗೆ ಕೇಕ್ ಮೇಲೆ ಬರೆಸಿದ ಸಾಲು ದರ್ಶನ್​ ಅವರ ವಿರುದ್ಧವಲ್ಲ. 'ಬಾಸಿಸಂ ಕಾಲ ಮುಗೀತು, ಮ್ಯಾಕ್ಸಿಮಮ್ ಮಾಸ್ ಕಾಲ ಶುರುವಾಯಿತು' ಎಂಬುದು ಮ್ಯಾಕ್ಸ್​​ ಸಿನಿಮಾದ ಒಂದು ಹಾಡಿನ ಸಾಲಾಗಿದೆ. ಇಲ್ಲಿ ಯಾವ ನಟರನ್ನೂ ದೃಷ್ಟಿಯಲ್ಲಿಟ್ಟುಕೊಂಡು ಬರೆದ ಸಾಲು ಇದಲ್ಲ. ಸುದೀಪ್​​ ಅವರ ಮನೆಗೆ ಶುಭಕೋರಲು ಕೇಕ್ ತೆಗೆದುಕೊಂಡು ಹೋಗಿದ್ದೆವು. ಇದನ್ನು ತಿರುಚಿ ಯಾರೋ ಒಬ್ಬ ನಟನನ್ನು ಲಿಂಕ್ ಮಾಡಿ ವಿವಾದ ಸೃಷ್ಟಿಸಿದ್ದಾರೆ. ಕೇಕ್ ಮೇಲಿನ ಸಾಲು ಮ್ಯಾಕ್ಸ್ ಚಿತ್ರದ ಹಾಡಿನ ಸಾಲು ಅಷ್ಟೇ" ಎಂದು ಪ್ರದೀಪ್​ ಸ್ಪಷ್ಟಪಡಿಸಿದ್ದಾರೆ.

https://www.vijayavani.net/ui-actress-medini-kelamane-photos

https://www.vijayavani.net/bashar-al-assad-wife-asma-battling-leukemia