ಕ್ಯಾನ್ಸರ್​ ರೋಗಿಗೆ ಅದ್ಧೂರಿ ಮದುವೆ! ಮದುವೆಯಾದ ಕೆಲವೇ ದಿನಗಳಲ್ಲಿ ಬಯಲಾಯಿತು ರೋಗಿಯ ನಿಜ ಬಣ್ಣ

ಇಂಗ್ಲೆಂಡ್​: ಕ್ಯಾನ್ಸರ್ ಎಂದಾಕ್ಷಣ ಒಮ್ಮೆಲೆ ಎಲ್ಲರೂ ಭಯ ಪಡುತ್ತಾರೆ. ಕ್ಯಾನ್ಸರ್​ಗೆ ಚಿಕಿತ್ಸೆಯಿದೆಯಾದರೂ, ಅದನ್ನು ಗೆದ್ದು ಬದುಕುವವರು ಎಲ್ಲೋ ಕೆಲವರು ಮಾತ್ರ. ಅದೇ ರೀತಿ ಕ್ಯಾನ್ಸರ್​ನಿಂದ ಬಳಲುತ್ತಿದ್ದ ಸ್ನೇಹಿತೆಗೆ ಆಕೆಯ ಆಸೆಯಂತೆ ಅದ್ಧೂರಿ ಮದುವೆ ಮಾಡಿಸಿದ ಸ್ನೇಹಿತರು ಇದೀಗ ನಂಬಲಾಗದ ಶಾಕ್​ನಲ್ಲಿದ್ದಾರೆ. ಸ್ನೇಹಿತೆಯನ್ನು ಜೈಲಿಗೆ ಕಳುಹಿಸಿಕೊಟ್ಟಿದ್ದಾರೆ.

ಇದನ್ನೂ ಓದಿ: ಹೌಸ್ ಆಫ್ ಲಾರ್ಡ್ಸ್​ ಪ್ರತಿನಿಧಿಯಾಗಲೆತ್ನಿಸಿದ ಖಲಿಸ್ತಾನ ಬೆಂಬಲಿಗ: ರಾಜತಾಂತ್ರಿಕ ಬಿಕ್ಕಟ್ಟು ತಪ್ಪಿಸಿತು ಬ್ರಿಟನ್​

ಇಂಗ್ಲೆಂಡ್​ನ 29 ವರ್ಷದ ಟೋನಿ ಸ್ಟ್ಯಾಂಡನ್​ಗೆ ಕ್ಯಾನ್ಸರ್​ ಇರುವುದಾಗಿ ಆಕೆ 2015ರಲ್ಲಿ ತನ್ನ ಸ್ನೇಹೊತರಿಗೆ ಹೇಳಿಕೊಂಡಿದ್ದಳು. ರೋಗದಿಂದ ತಾನು ಹೇಗೆ ಬಳಲುತ್ತಿದ್ದೇನೆ ಎನ್ನುವುದನ್ನು ಆಗಾಗ ಸ್ನೇಹಿತರಿಗೆ ತಿಳಿಸುತ್ತಿದ್ದಳು. ಕೂದಲು ಕೂಡ ಉದುರಿಹೋಗಿತ್ತು. ಆಕೆಗೆ ಅದ್ಧೂರಿ ಮದುವೆಯಾಗಬೇಕೆಂದು ಆಸೆಯಿತ್ತಂತೆ. ಅದನ್ನ ತನ್ನ ಸ್ನೇಹಿತರ ಬಳಿ ಹೇಳಿದ್ದಳು. ಕ್ಯಾನ್ಸರ್​ನಿಂದ ಬಳಲಿರುವ ಸ್ನೇಹಿತೆಯ ಆಸೆ ಈಡೇರಿಸುವ ನಿಟ್ಟಿನಲ್ಲಿ ಆಕೆಯ ಸ್ನೇಹಿತರು ಸಾರ್ವಜನಿಕರದಲ್ಲಿ ಹಣ ಸಂಗ್ರಹಿಸಿ ಮದುವೆಗೆ ಸಿದ್ಧತೆ ನಡೆಸಿದ್ದಾರೆ. 8344 ಪೌಂಡ್​ (8.5 ಲಕ್ಷ ರೂಪಾಯಿ) ಹಣ ಸಂಗ್ರಹಿಸಲಾಗಿದೆ. ಅದರ ಜತೆ ಬಿಜಿನೆಸ್​ಮೆನ್​ ಒಬ್ಬ 2000 ಪೌಂಡ್​ ಸಹಾಯ ನೀಡಿದ್ದಾನೆ. ಈ ಹಣದಲ್ಲಿ ಅದ್ಧೂರಿ ಮದುವೆ ಮಾಡುವುದರ ಜತೆ ಆಕೆಗೆ ಒಂದು ಕಾರನ್ನು ಉಡುಗೊರೆಯಾಗಿ ನೀಡಲಾಗಿದೆ.

ಟೋನಿಯ ತಂದೆ ಕೂಡ ಕ್ಯಾನ್ಸರ್​ನಿಂದ ಬಳಲಿದ್ದು, ಆಕೆಯ ಮದುವೆಗೆ ಸ್ವಲ್ಪ ದಿನವಿರುವಾಗ ಅವರು ತೀರಿಕೊಂಡಿದ್ದರು. ಅವರು ಕೊನೆಯುಸಿರೆಳೆಯುವ ಮುನ್ನ ತಮ್ಮ ಮಗಳಿಗೆಂದು ಒಂದು ವಿಡಿಯೋ ಮಾಡಿದ್ದರು. ಆ ವಿಡಿಯೋವನ್ನು ಮದುವೆಯ ದಿನದಂದು ಎಲ್ಲರೆದುರು ಪ್ರದರ್ಶಿಸಲಾಗಿತ್ತು. ಅದರ ಜತೆ ಫುಟ್ಬಾಲ್​ ಆಟಗಾರರೊಬ್ಬರು ಟೋನಿಗೆ ವಿಡಿಯೋ ಮೂಲಕ ವಿಶ್​​ ಮಾಡಿದ್ದು, ಆ ವಿಡಿಯೋವನ್ನೂ ಮದುವೆಯ ದಿನ ಪ್ರದರ್ಶಿಸಲಾಗಿತ್ತು.

ಇದನ್ನೂ ಓದಿ: VIDEO| ಅಭಿಮಾನಿಯ ಕುಸುರಿ ಕೆಲಸಕ್ಕೆ ಮೇಘನಾ ಫಿದಾ; ಹೆಸರಲ್ಲಿಯೇ ಮೂಡಿತು ಚಿರು ಮುಖ!

ಮದುವೆಯಾಗಿ ಕೆಲವೇ ದಿನಗಳಲ್ಲಿ ಟೋನಿ ಸ್ನೇಹಿತರಿಗೆ ಮತ್ತೆ ಕರೆ ಮಾಡಿದ್ದಾಳೆ. ನನಗೆ ಕ್ಯಾನ್ಸರ್​ ಇರಲೇ ಇಲ್ಲ. ಅದ್ಧೂರಿ ಮದುವೆಯಾಗಬೇಕೆಂಬ ಆಸೆಯಿಂದ ಈ ರೀತಿ ನಾಟಕವಾಡಿದೆ. ಆದರೆ ಈಗ ಒಂದು ಸಮಸ್ಯೆಯಾಗಿದೆ. ನನ್ನ ಗಂಡನಿಗೆ ನಾನು ನಾಟಕವಾಡಿದ ವಿಚಾರ ತಿಳಿದುಬಿಟ್ಟಿದೆ. ಇದೀಗ ಅವರು ಡೈವೋರ್ಸ್​ ನೀಡಲು ಮುಂದಾಗಿದ್ದಾರೆ. ದಯಮಾಡಿ ನನಗೆ ಸಹಾಯ ಮಾಡಿ ಎಂದು ಆಕೆ ಕೇಳಿಕೊಂಡಿದ್ದಾಳೆ. ಆಕೆ ಮಾತನಾಡಿದ್ದನ್ನು ರೆಕಾರ್ಡ್ ಮಾಡಿಕೊಂಡ ಸ್ನೇಹಿತರು ಅದನ್ನು ಸಾರ್ವಜನಿಕಗೊಳಿಸಿದ್ದಾರೆ. ಇದೀಗ ಟೋನಿಯ ವಿರುದ್ಧ ಪ್ರಕರಣ ದಾಖಲಾಗಿದ್ದು, ಆಕೆಗೆ ಐದು ತಿಂಗಳ ಜೈಲುಶಿಕ್ಷೆಯನ್ನು ನ್ಯಾಯಾಲಯ ವಿಧಿಸಿದೆ. (ಏಜೆನ್ಸೀಸ್​)

https://www.vijayavani.net/boy-was-allegedly-sodomised-by-a-teenager-in-greater-noida/