ಬಳ್ಳಾರಿಯ ತಯಾಬ್ ಕೌಸರ್, ಸಭಾ ಕೌಸರ್, ತನೀಷಾ ಮತ್ತು ಹೊಸಪೇಟೆಯ ನಂದಿನಿ, ಹರಪನಹಳ್ಳಿಯ ವಿಕಾಸ್ ಪಾಟೀಲ್, ಗಗನ್ದೀಪ್, ಸಂಜಯ್, ಲಾವಣ್ಯಾ ಅತಂತ್ರರಾಗಿದ್ದಾರೆ. ಇದರಲ್ಲಿ ಲಾವಣ್ಯಾ ಸಂಪರ್ಕಕ್ಕೆ ಸಿಕ್ಕಿದ್ದು 'ರೊಮೇನಿಯಾದಿಂದ ಫ್ಲೈಟ್ ಬುಕ್ ಆಗಿದೆ. ಬುಧವಾರ ಭಾರತಕ್ಕೆ ಬರುತ್ತೇನೆ' ಎಂದು ತಿಳಿಸಿದ್ದಾರೆ. ನಂತರ ಸಂಪರ್ಕ ಕಡಿತವಾಗಿದೆ. ನಾಲ್ಕು ದಿನಗಳಿಂದ ಬಂಕರ್ನಲ್ಲಿದ್ದ ಈ ವಿದ್ಯಾಥಿರ್ಗಳು ಸರಿಯಾದ ಊಟ, ನೀರು ಇಲ್ಲದೆ ಅನಾರೋಗ್ಯಕ್ಕೆ ಒಳಗಾಗಿದ್ದಾರೆ. ಬಂಕರ್ ತೊರೆಯುವಂತೆ ಅಧಿಕಾರಿಗಳು ಎಚ್ಚರಿಕೆ ನೀಡಿದ್ದು, ಹೆಚ್ಚಿನ ದಾಳಿ ಸಾಧ್ಯತೆ ಕುರಿತಾಗಿ ಹೇಳಿದ್ದಾರೆ ಎಂದು ಕೆಲ ಯುವತಿಯರು ಆಡಿಯೋ ರೆಕಾರ್ಡ್ ಮಾಡಿ ಪಾಲಕರಿಗೆ ಕಳುಹಿಸಿದ್ದಾರೆ.
