ಯೂಕ್ರೇನ್​ಗೆ ಸೇರಿದ್ದ ವಿಶ್ವದ ಅತಿದೊಡ್ಡ ವಿಮಾನವನ್ನೂ ನಾಶ ಮಾಡಿದ ರಷ್ಯಾ ಸೇನೆ!

ಕೀವ್​: ಯೂಕ್ರೇನ್​ ಮೇಲೆ ರಷ್ಯಾ ಪಡೆಯ ಭೀಕರ ದಾಳಿ ಮುಂದುವರಿದಿದ್ದು, ಅಪಾರ ಪ್ರಮಾಣದ ಸಾವು-ನೋವು ಉಂಟು ಮಾಡುತ್ತಿರುವ ಜತೆಗೆ ಯೂಕ್ರೇನ್​ನ ಪ್ರಮುಖ ಸ್ಥಳಗಳನ್ನೂ ಭಷ್ಮ ಮಾಡುತ್ತಿದೆ. ಇದೀಗ ವಿಶ್ವದ ಅತಿದೊಡ್ಡ ವಿಮಾನವನ್ನೂ ರಷ್ಯಾ ಹೊಡೆದುರುಳಿಸಿದೆ.

ವಿಶ್ವದ ಅತಿದೊಡ್ಡ ವಿಮಾನ, ಯೂಕ್ರೇನ್​ಗೆ ಸೇರಿದ 'ಆಂಟೊನೊವ್​-225'(AN-225) ಸರಕು ವಿಮಾನವನ್ನು ರಷ್ಯಾದ ಸೇನಾ ಪಡೆಗಳು ಕೀವ್​ ಹೊರವಲಯದಲ್ಲಿ ಭಾನುವಾರ ನಾಶ ಮಾಡಿವೆ ಎಂದು ಉಕ್ರೇನ್‌ ಸರ್ಕಾರ ತಿಳಿಸಿದೆ. ಈ ವಿಮಾನಕ್ಕೆ 'ಮ್ರಿಯಾ' ಎಂದು ಯೂಕ್ರೇನ್​ ಹೆಸರಿಟ್ಟಿತ್ತು. ಯೂಕ್ರೇನಿಯನ್ ಭಾಷೆಯಲ್ಲಿ ಇದರ್ಥ ಕನಸು.

ಜಗತ್ತಿನಲ್ಲೇ ಅತ್ಯಂತ ವಿಶೇಷ ಎನಿಸಿದ್ದ ಈ ವಿಮಾನವು 84 ಮೀಟರ್​ ಉದ್ದ ಇತ್ತು. ಗಂಟೆಗೆ 850 ಕಿಲೋ ಮೀಟರ್​ವೇಗದಲ್ಲಿ 250 ಟನ್​ ತೂಕ ಸರಕು ಸಾಗಿಸಬಲ್ಲ ಶಕ್ತಿ ಹೊಂದಿತ್ತು. ಮ್ರಿಯಾವನ್ನು ರಿಪೇರಿ ಮಾಡಲು ಸುಮಾರು 3 ಶತಕೋಟಿ ಡಾಲರ್​(22,713 ಕೋಟಿ) ವೆಚ್ಚ, ಹಾಗೂ 5 ವರ್ಷ ಸಮಯ ಬೇಕಾಗುತ್ತೆ ಎಂದು ಯೂಕ್ರೇನ್​ ಸರ್ಕಾರಿ ಸ್ವಾಮ್ಯದ, ಶಸ್ತ್ರಾಸ್ತ್ರ ತಯಾರಿಕಾ ಸಂಸ್ಥೆ 'ಉಕ್ರೋಬೊರೊನ್​ಪ್ರೊಮ್​' ಅಂದಾಜಿಸಿದೆ.

ಈ ಕುರಿತು ಪ್ರತಿಕ್ರಿಯಿಸಿರುವ ಯೂಕ್ರೇನ್​ ಸರ್ಕಾರ, ರಷ್ಯಾ ನಮ್ಮ ವಿಮಾನ 'ಮ್ರಿಯಾ'ವನ್ನು ನಾಶ ಮಾಡಿಸಬಹುದು. ಆದರೆ, ನಮ್ಮ ಮ್ರಿಯಾ ಎಂದಿಗೂ ನಾಶವಾಗುವುದಿಲ್ಲ. ನಾವು ಮತ್ತೆ ನಮ್ಮ ಕನಸನ್ನು ನಿರ್ಮಿಸುವ ಮೂಲಕ ಮತ್ತಷ್ಟು ಬಲಿಷ್ಠ, ಮುಕ್ತ ಹಾಗೂ ಪ್ರಜಾಪ್ರಭುತ್ವದ ಯೂಕ್ರೇನ್​ ಅನ್ನು ರೂಪಿಸುತ್ತೇವೆ. ನಮ್ಮ ಮ್ರಿಯಾ ಎಂದಿಗೂ ನಾಶವಾಗುವುದಿಲ್ಲ' ಎಂದು ಟ್ವೀಟ್​ ಮಾಡಿದೆ.

https://www.vijayavani.net/a-actor-ravichandrans-mother-pattammal-is-no-more/

https://www.vijayavani.net/a-ukrainian-beauty-queen-anastasiia-lenna-joins-fight-against-russia/

https://www.vijayavani.net/a-dowry-case-divorce-case/