ಸಾವಿನ ದವಡೆಯಲ್ಲಿ ಮತ್ತೊಬ್ಬ ನೀಲಿ ತಾರೆ! ಏನಾಗ್ತಿದೆ ಪೋರ್ನ್​ ಇಂಡಸ್ಟ್ರಿಯಲ್ಲಿ? ಇಲ್ಲಿದೆ ಅಸಲಿ ಕಾರಣ…

ನವದೆಹಲಿ: ಕೇವಲ 2 ತಿಂಗಳ ಅವಧಿಯಲ್ಲಿ ನಾಲ್ವರು ನೀಲಿ ಚಿತ್ರ ತಾರೆಯರು ದುರಂತವಾಗಿ ಮೃತಪಟ್ಟ ಸುದ್ದಿ ಪೋರ್ನ್​ ಇಂಡಸ್ಟ್ರಿಯಲ್ಲಿ ಭಾರಿ ತಲ್ಲಣ ಸೃಷ್ಟಿಸಿದೆ. ಅಷ್ಟಕ್ಕೂ ವಯಸ್ಕರ ಉದ್ಯಮದಲ್ಲಿ ಏನು ನಡೆಯುತ್ತಿದೆ ಎಂಬ ಅನುಮಾನ ಮೂಡಿದೆ.

ಥೈನಾ ಫೀಲ್ಡ್​ ಎಂಬಾಕೆ ಜನವರಿ 6ರಂದು ಮೃತಪಟ್ಟರೆ, ಜಸ್ಸಿ ಜಾನೆ​, ಜನವರಿ 24ರಂದು ಕೊನೆಯುಸಿರೆಳೆದರು. ಫೆಬ್ರವರಿ 15 ರಂದು ಕಾಗ್ನೇ ಲಿನ್ ಕಾರ್ಟರ್​ ಹಾಗೂ ಮಾರ್ಚ್​ 1ರಂದು ಸೋಫಿಯಾ ಲಿಯೋನ್​ ಮೃತಪಟ್ಟಿದ್ದಾರೆ. ಎಲ್ಲರೂ ಕೂಡ ಕಿರಿಯ ವಯಸ್ಸಿನಲ್ಲೇ​ ಸಾವಿಗೀಡಾಗಿದ್ದಾರೆ. ಸೋಫಿಯಾ ಲಿಯೋನ್​ ಅನುಮಾನಾಸ್ಪದ ರೀತಿಯಲ್ಲಿ ಮೃತಪಟ್ಟಿದ್ದು, ಆಕೆಯ ಸಾವಿಗೆ ಕಾರಣ ಏನು ಎಂಬುದು ಇನ್ನೂ ನಿಗೂಢವಾಗಿದೆ. ಮೇಲ್ನೋಟಕ್ಕೆ ಆತ್ಮಹತ್ಯೆ ಎಂದು ಶಂಕಿಸಲಾಗಿದೆ.

ಪೆರು ಮೂಲದ ಥೈನಾ ಫೀಲ್ಡ್, ಜನವರಿ 6ರಂದು ತಮ್ಮ ಮನೆಯಲ್ಲಿ ಪ್ರಜ್ಞೆ ತಪ್ಪಿ ಬಿದ್ದಿದ್ದರು. ಆ ಬಳಿಕ ಆಕೆ ಮೃತಪಟ್ಟಿರುವುದು ದೃಢವಾಯಿತು. ಸಾವಿಗೂ ಕೆಲ ದಿನಗಳ ಹಿಂದಷ್ಟೇ ಪೋರ್ನ್​ ಇಂಡಸ್ಟ್ರಿಯಲ್ಲಿ ನಡೆಯುವ ರಾಜಕೀಯ ವಿರುದ್ಧ ಥೈನಾ ಮಾತನಾಡಿದ್ದರು. ಜಸ್ಸಿ ಜಾನೆ​ ಡ್ರಗ್ಸ್​ ಓವರ್​ಡೋಸ್​ ಆಗಿ ಸಾವಿಗೀಡಾದರು ಮತ್ತು ಕಾಗ್ನೆ ಲಿನ್​ ಕಾರ್ಟರ್​ ಆತ್ಮಹತ್ಯೆ ಮಾಡಿಕೊಂಡರು.

ಇದೀಗ ಮತ್ತೊಬ್ಬ ಪೋರ್ನ್​ ಸ್ಟಾರ್​ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಆಕೆಯ ಹೆಸರು ಎಮಿಲಿ ವಿಲ್ಲಿಸ್​. ಕಳೆದ ತಿಂಗಳು ಹೃದಯಘಾತಕ್ಕೀಡಾಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಇದೀಗ ಮತ್ತೊಂದು ಹೃದಯಾಘಾತವಾಗಿ ಕೋಮಾಗೆ ಜಾರಿದ್ದಾರೆ. ಆಕೆಯ ಸ್ಥಿತಿ ಗಂಭೀರವಾಗಿದೆ ಎಂದು ತಂದೆ ಮೈಕೆಲ್​ ವಿಲ್ಲಿಸ್​ ಮಾಹಿತಿ ನೀಡಿದ್ದಾರೆ. ಸದ್ಯ ವೆಂಟಿಲೇಟರ್​ನಲ್ಲಿಟ್ಟು ಚಿಕಿತ್ಸೆ ನೀಡಲಾಗುತ್ತಿದೆ. ಡ್ರಗ್ಸ್​ ಓವರ್​ಡೋಸ್​ ಆಗಿ ಈ ರೀತಿ ಆಗಿದೆ ಎನ್ನಲಾಗಿದೆ. ಎರಡು ವರ್ಷಗಳ ಹಿಂದಷ್ಟೇ ಎಮಿಲಿ ಅಡಲ್ಟ್​ ಇಂಡಸ್ಟ್ರಿ ತೊರೆದಿದ್ದಳು. ಆದರೆ, ಡ್ರಗ್ಸ್​ಗೆ ದಾಸಳಾಗಿದ್ದರಿಂದ ಅನಾರೋಗ್ಯಕ್ಕೀಡಾಗಿದ್ದಳು. ಇದೀಗ ಆಕೆಯ ಸ್ಥಿತಿಯು ಚಿಂತಾಜನಕವಾಗಿದ್ದು, ಚಿಕಿತ್ಸೆ ಮುಂದುವರಿದಿದೆ.

ಖ್ಯಾತ ನೀಲಿ ತಾರೆಯರು ಸಾಲು ಸಾಲಾಗಿ ಸಾಯುತ್ತಿರುವುದು ಪೋರ್ನ್​ ಇಂಡಸ್ಟ್ರಿಯಲ್ಲಿ ತಲ್ಲಣ ಸೃಷ್ಟಿಸಿದೆ. ಇಂತಹ ನಟಿಯರು ಅಡಲ್ಟ್​ ಕ್ಷೇತ್ರದಲ್ಲಿ ತಮ್ಮ ದೇಹ ಮತ್ತು ಭವಿಷ್ಯವನ್ನು ತ್ಯಾಗ ಮಾಡಿ ಕೇವಲ ಹಣಕ್ಕಾಗಿ ನಟಿಸುತ್ತಾರೆ. ಇದೇ ಸಮಯದಲ್ಲಿ ಈ ನಟಿಯರ ಮೇಲೆ ತೀವ್ರ ಒತ್ತಡ ಇರುತ್ತದೆ. ಈ ಕಾರಣದಿಂದ ಬಹುತೇಕ ನೀಲಿ ತಾರೆಯರು ಡ್ರಗ್ಸ್​​ ವ್ಯಸನಿಗಳಾಗುತ್ತಾರೆ.

ಇಂಡಸ್ಟ್ರಿ ಒಳಗಿನ ಸ್ಪರ್ಧೆ ಮತ್ತು ಇತರೆ ಕಾರಣಗಳಿಂದಾಗಿ ನೀಲಿ ತಾರೆಯರು ಅತಿಯಾದ ಒತ್ತಡದಲ್ಲಿ ಬದುಕುತ್ತಾರೆ. ಇದೇ ಸಮಯದಲ್ಲಿ ಡ್ರಗ್ಸ್​ ಓವರ್​ ಡೋಸ್​ನಿಂದಾಗಿ ಆರೋಗ್ಯ ಹೆದಗೆಡುತ್ತದೆ. ಒಂದೆಡೆ ಆರೋಗ್ಯ ಸಮಸ್ಯೆ ಮತ್ತು ಒತ್ತಡದ ಬದುಕನ್ನು ತಾಳಲಾರದೇ ಕೆಲ ಪೋರ್ನ್​ ಸ್ಟಾರ್​ಗಳು ಸಾವಿನ ಹಾದಿ ಹಿಡಿಯುತ್ತಾರೆ. ಅದರಲ್ಲೂ ಕಿರಿಯ ವಯಸ್ಸಿನಲ್ಲಿ ಸಾವಿನ ಕದು ತಟ್ಟುತ್ತಿರುವುದರಿಂದ ಈ ಅಡಲ್ಟ್ ಇಂಡಸ್ಟ್ರಿಯಲ್ಲಿ ನಿಜವಾಗಿ ಏನಾಗುತ್ತಿದೆ ಎಂಬ ಅನುಮಾನ ಶುರುವಾಗಿದೆ. (ಏಜೆನ್ಸೀಸ್​)

https://www.vijayavani.net/actress-lakshmi-invited-mohan-sharma-to-the-room-a-secret-that-came-after-many-years

https://www.vijayavani.net/this-little-girl-is-now-a-cute-heroine-youth-fall-and-die