ನಾಲ್ವರು ಮಕ್ಕಳನ್ನು ಮೃತ್ಯು ಕೂಪಕ್ಕೆ ತಳ್ಳಿದ ಅಪ್ಪ! ಮೈ ಮೇಲೆ ಏನೋ ಬಂದಂತಾಗಿ ಕೊಲೆ ಮಾಡಿದೆ ಎಂದ ಪಾಪಿ

ಪಟನಾ: ತಂದೆಯೊಬ್ಬ ತನ್ನ ನಾಲ್ವರು ಮುದ್ದಾದ ಮಕ್ಕಳನ್ನೇ ಕೊಲೆ ಮಾಡಿರುವ ಘಟನೆ ಬಿಹಾರದ ಸಿವಾನ್​ ಜಿಲ್ಲೆಯಲ್ಲಿ ನಡೆದಿದೆ. ಅದೃಷ್ಟವಶಾತ್​ ಆತನ ಹೆಂಡತಿ ಮತ್ತು ಓರ್ವ ಮಗಳು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಇದನ್ನೂ ಓದಿ: ಮಂಡ್ಯದ ಕಬ್ಬಿನ ಗದ್ದೆಯಲ್ಲಿ ಬಾಲಕಿಯ ಮೇಲೆ ಅತ್ಯಾಚಾರಕ್ಕೆ ಯತ್ನ; ಕತ್ತು ಕೊಯ್ದು ಬರ್ಬರ ಹತ್ಯೆ

ಅವದೇಶ್​ ಚೌಧರಿ ಕೊಲೆ ಮಾಡಿರುವ ತಂದೆ. ಇತ್ತೀಚೆಗೆ ತರಕಾರಿ ತರಲೆಂದು ಮಾರುಕಟ್ಟೆಗೆ ಹೋದ ಈತ ಹರಿತವಾದ ಚಾಕುವೊಂದನ್ನು ಕೊಂಡು ಬಂದಿದ್ದಾನೆ. ಮನೆಗೆ ಬಂದವನೆ ತನ್ನ ಮಕ್ಕಳಾದ ಅಭಿಷೇಕ್​ (14), ಮುಕೇಶ್​ ಕುಮಾರ್​ (10), ಭೋಲಾ ಕುಮಾರ್​ (12) ಮತ್ತು ಮಗಳು ಜ್ಯೋತಿ (18)ಗೆ ಚಾಕುವಿನಿಂದ ಇರಿದು ಕೊಲೆ ಮಾಡಿದ್ದಾನೆ. ಇನ್ನೊಬ್ಬ ಮಗಳು ಮತ್ತು ಹೆಂಡತಿಯ ಮೇಲೂ ಹಲ್ಲೆ ನಡೆಸಿದ್ದಾನಾದರೂ ತಪ್ಪಿಸಿಕೊಂಡಿರುವ ಅವರಿಬ್ಬರು ಇದೀಗ ಪಾಟ್ನಾದ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ವಿಚಾರ ತಿಳಿದ ತಕ್ಷಣ ಪೊಲೀಸರು ಅವದೇಶ್​ನನ್ನು ವಶಕ್ಕೆ ಪಡೆದಿದ್ದಾರೆ. ಈತ ಒಬ್ಬ ಮಾನಸಿಕ ಅಸ್ವಸ್ಥನಾಗಿದ್ದು, ಸರಿಯಾದ ಸಮಯಕ್ಕೆ ಮಾತ್ರೆ ತೆಗೆದುಕೊಳ್ಳದ ಹಿನ್ನೆಲೆ ಸ್ಥಿಮಿತ ಕಳೆದುಕೊಂಡಿರುವುದಾಗಿ ವಿಚಾರಣೆಯಲ್ಲಿ ತಿಳಿದುಬಂದಿದೆ.

ಇದನ್ನೂ ಓದಿ: ವರ್ತೂರು ಪ್ರಕಾಶ್​ ಕಿಡ್ನಾಪ್​ ಕೇಸ್​ಗೆ 4 ದಿಕ್ಕು! ಬಯಲಾಯ್ತು ಮಾಜಿ ಸಚಿವನ ಟೀಚರ್​ ಜತೆಗಿನ ಕಾರುಬಾರು

ಮಾರುಕಟ್ಟೆಯಿಂದ ಮನೆಗೆ ವಾಪಾಸಾಗುವಾಗ ನನ್ನ ಮೇಲೆ ಯಾರೋ ಅತಿಕ್ರಮಿಸಿದ ಹಾಗಾಯಿತು. ಯಾರೋ ಕೊಲೆ ಮಾಡು ಎಂದು ನೂಕಿದಂತಾಯಿತು. ಮನೆಗೆ ಹೋಗಿ ಏನು ಮಾಡಿದೆ ಎನ್ನುವುದು ನನಗೇ ಗೊತ್ತಿಲ್ಲ ಎಂದು ಅವದೇಶ್​ ಹೇಳಿದ್ದಾನೆ. (ಏಜೆನ್ಸೀಸ್​)

https://www.vijayavani.net/man-from-allegedly-slept-with-the-dead-body/

https://www.vijayavani.net/ex-lover-of-sends-photographs-of-their-intimate-moments-to-children-%E2%80%8B/