ವಿಶ್ವದ ಪ್ರಮುಖ ಕೈಗಾರಿಕೆ ಅವಘಡಕ್ಕೀಗ 39 ವರ್ಷ; ಭೋಪಾಲ್​ ದುರಂತದಲ್ಲಿ ವಿಷಾನಿಲ ಸೇವಿಸಿದವರಿಗೆ ಈಗಲೂ ತೊಂದರೆ

ಭೋಪಾಲ್​: ಈಗ ಬರೋಬ್ಬರಿ 39 ವರ್ಷಗಳ ಹಿಂದೆ ಭಾರತದ ಪ್ರಮುಖ ನಗರವೊಂದರಲ್ಲಿನ ಕಾರ್ಖಾನೆಯಿಂದ ವಿಷಾನಿಲ ಸೋರಿಕೆಯಾಯಿತು. 3,787 ಜನರು ಬಲಿ ತೆಗೆದುಕೊಂಡೇ ಬಿಟ್ಟಿತು. 4 ದಶಕಗಳೇ ಸಂದರೂ ಈ ಅವಘಡದ ಪರಿಣಾಮವನ್ನು ಜನರು ಈಗಲೂ ಅನುಭವಿಸುತ್ತಿದ್ದಾರೆ.

1984ರಲ್ಲಿ ಭೋಪಾಲ್​ನಲ್ಲಿ ಸಂಭವಿಸಿದ ಅನಿಲ ದುರಂತವು ವಿಶ್ವದ ಪ್ರಮುಖ ಕೈಗಾರಿಕಾ ಅವಘಡಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. 1984ರ ಡಿಸೆಂಬರ್ 2 ಮತ್ತು 3ರ ಮಧ್ಯರಾತ್ರಿಯಲ್ಲಿ ಭೋಪಾಲ್​ ನಗರದ ಯೂನಿಯನ್ ಕಾರ್ಬೈಡ್ ಕೀಟನಾಶಕ ಕಾರ್ಖಾನೆಯಿಂದ ವಿಷಕಾರಿ ಅನಿಲ ಸೋರಿಕೆಯಾಗಿ 3,787 ಜನರು ಬಲಿಯಾದ ಭೀಕರ ಘಟನೆಯ ದುಷ್ಟಪರಿಣಾಮವು ಸಹಸ್ರಾರು ಕುಟುಂಬಗಳನ್ನು ಈಗಲೂ ಬಾಧಿಸುತ್ತಿವೆ.

ಮಧ್ಯಪ್ರದೇಶದ ರಾಜಧಾನಿ ಭೋಪಾಲ್‌ನಲ್ಲಿರುವ ಯೂನಿಯನ್ ಕಾರ್ಬೈಡ್ ಇಂಡಿಯಾ ಲಿಮಿಟೆಡ್ (UCIL) ಕೀಟನಾಶಕ ಘಟಕದಲ್ಲಿ ಸಂಭವಿಸಿದ ಕೈಗಾರಿಕೆ ಅವಘಡ ಇದಾಗಿದೆ. ಈ ಕೈಗಾರಿಕೆಯಿಂದ ಸೋರಿದ ಮಾರಣಾಂತಿಕ ಮೀಥೈಲ್ ಐಸೊಸೈನೇಟ್ (MIC) ಅನಿಲವನ್ನು 5,00,000 ಕ್ಕೂ ಹೆಚ್ಚು ವ್ಯಕ್ತಿಗಳು ಸೇವಿಸಿದರು. ಇದರ ಪರಿಣಾಮವಾಗಿ ಸರಿಸುಮಾರು 3,787 ಜನರು ತಕ್ಷಣವೇ ಸಾವನ್ನಪ್ಪಿದರು. ಇತಿಹಾಸದಲ್ಲಿ ಅತ್ಯಂತ ತೀವ್ರವಾದ ಕೈಗಾರಿಕಾ ವಿಪತ್ತುಗಳಲ್ಲಿ ಒಂದೆಂದು ಪರಿಗಣಿಸಲ್ಪಟ್ಟ ಈ ಘಟನೆಯು ಸಹಸ್ರಾರು ಆರೋಗ್ಯ ಸಮಸ್ಯೆಗಳನ್ನು ಈಗಲೂ ಉಳಿಸಿದೆ. ಈ ದುರಂತವು ಕೈಗಾರಿಕಾ ನಿರ್ಲಕ್ಷ್ಯದ ಪರಿಣಾಮದಿಂದ ಸಂಭವಿಸಿದ ವಿನಾಶಕಾರಿ ಘಟನೆಗೆ ಸಾಕ್ಷಿಯಾಗಿ ಉಳಿದಿದೆ.

ವಿಶ್ವ ಸಂಸ್ಥೆಯ ಕಾರ್ಮಿಕ ಸಂಸ್ಥೆ ಇಂಟರ್ನ್ಯಾಷನಲ್ ಲೇಬರ್ ಆರ್ಗನೈಸೇಶನ್ (ಐಎಲ್ಒ) ಬಿಡುಗಡೆ ಮಾಡಿದ 2020 ರ ವರದಿ ಪ್ರಕಾರ, 1984ರಲ್ಲಿ, ಮಧ್ಯಪ್ರದೇಶದ ರಾಜಧಾನಿಯಲ್ಲಿನ ಯೂನಿಯನ್ ಕಾರ್ಬೈಡ್ ಕೀಟನಾಶಕ ಘಟಕದಿಂದ ಬಿಡುಗಡೆಯಾದ ಕನಿಷ್ಠ 30 ಟನ್ ಮೀಥೈಲ್ ಐಸೊಸೈನೇಟ್ ಅನಿಲವು 6,00,000 ಕ್ಕೂ ಹೆಚ್ಚು ಕಾರ್ಮಿಕರು ಮತ್ತು ಹತ್ತಿರದ ನಿವಾಸಿಗಳ ಮೇಲೆ ಪರಿಣಾಮ ಬೀರಿತು.

ಸರ್ಕಾರದ ಅಂಕಿಅಂಶಗಳ ಪ್ರಕಾರ ವರ್ಷಗಳಲ್ಲಿ ಈ ದುರಂತದ ಪರಿಣಾಮವಾಗಿ ಹಲವಾರು ವರ್ಷಗಳಲ್ಲಿ 15,000 ಸಾವುಗಳು ಸಂಭವಿಸಿವೆ. ಈ ವಿಷಕಾರಿ ವಸ್ತು ಕಾಲಾನಂತರದಲ್ಲೂ ದುಷ್ಪರಿಣಾಮ ಬೀರಿತು. ಈ ದುರಂತದಲ್ಲಿ ಬದುಕುಳಿದವರು ಮತ್ತು ಅವರ ವಂಶಸ್ಥರು ಉಸಿರಾಟದ ಕಾಯಿಲೆಗಳು ಮತ್ತು ಆಂತರಿಕ ಅಂಗಗಳ ತೊಂದರೆ, ಪ್ರತಿರಕ್ಷಣಾ ವ್ಯವಸ್ಥೆಗಳಿಗೆ ಹಾನಿ ಅನುಭವಿಸಿದ್ದಾರೆ,

"ಸೇಫ್ಟಿ ಅಂಡ್ ಹೆಲ್ತ್ ಅಟ್ ದಿ ಹಾರ್ಟ್ ಆಫ್ ದಿ ಫ್ಯೂಚರ್ ಆಫ್ ವರ್ಕ್: ಬಿಲ್ಡಿಂಗ್ ಆನ್ 100 ಇಯರ್ಸ್ ಆಫ್ ಎಕ್ಸ್‌ಪೀರಿಯನ್ಸ್" ಎಂಬ ಶೀರ್ಷಿಕೆಯ ವರದಿಯು ಭೋಪಾಲ್ ದುರಂತವು 1919 ರ ನಂತರದ ವಿಶ್ವದ ಪ್ರಮುಖ ಕೈಗಾರಿಕಾ ಅಪಘಾತ ಎಂದು ಹೇಳಿದೆ.

ಈ ದುರಂತದ ಸಮಯದಲ್ಲಿ ಅನಿಲ ಸೋರಿಕೆಗೆ ಸಿಲುಕಿದ ಜನರಲ್ಲಿ ಮಧುಮೇಹ, ಪರಿಧಮನಿಯ ಕಾಯಿಲೆ, ನರರೋಗಗಳು ಮತ್ತು ಸಂಧಿವಾತದ ರೋಗಗಳು ಮೂರು ಪಟ್ಟು ಹೆಚ್ಚಾಗಿವೆ ಎಂದು ಈ ದುರಂತದ 39ನೇ ವರ್ಷದ ಸಂದರ್ಭದಲ್ಲಿ ಸರ್ಕಾರೇತರ ಸಂಸ್ಥೆಯೊಂದು ಹೇಳಿದೆ.

https://www.vijayavani.net/tihar-jail-terminates-50-employees-after-biometric-mismatch

https://www.vijayavani.net/andhra-pradesh-telangana-clash-over-drinking-water-centre-steps-in

https://www.vijayavani.net/aditya-l1-sees-the-sun-isro-activated-second-instrument-on-indian-solar-spacecraft