ತಮಿಳುನಾಡಿನ ಕರೂರಿನಲ್ಲಿರುವ ಭರಣಿ ವಿದ್ಯಾಲಯದ ವಿದ್ಯಾರ್ಥಿಗಳು ಕೈಯಿಂದಲೇ ತಯಾರಿಸಿದ 13,000 ರಾಖಿಗಳು ಕೂಡ ಇದರಲ್ಲಿ ಸೇರಿವೆ. ತಮಿಳುನಾಡಿನಲ್ಲಿ ರಕ್ಷಾ ಬಂಧನದ ಪರಿಕಲ್ಪನೆ ಇಲ್ಲ. ಆದರೂ, ಸ್ಟೂಡೆಂಟ್ಸ್ ಆ್ಯಂಡ್ ಯೂತ್ ಫಾರ್ ತಿರುವಳ್ಳುವರ್ ಸಂಘಟನೆಯ ಒಡನಾಟದಲ್ಲಿ ಇರುವ ಭರಣಿ ವಿದ್ಯಾಲಯದ ಪ್ರಾಂಶುಪಾಲ ರಾಮ್ ಸುಬ್ರಮಣ್ಯಂ ಅವರು ಮುತುವರ್ಜಿಯಲ್ಲಿ ವಿದ್ಯಾರ್ಥಿಗಳು ರಾಖಿ ತಯಾರಿಸಿದ್ದಾರೆ. ಇನ್ನೊಂದಷ್ಟು ರಾಖಿಗಳನ್ನು ಸೇವಾ ಭಾರತಿಯ ಅಧೀನ ಇರುವ ಡೆಹ್ರಾಡೂನ್ನ ಆರ್ಯನ್ ಶಾಲೆಯ ವಿದ್ಯಾರ್ಥಿಗಳು ತಯಾರಿಸಿದ್ದಾರೆ. ಯೂತ್ ಫಾರ್ ಭಾರತ್ ಸಂಘಟನೆಯ ವೃಂದಾ ನೇತೃತ್ವದಲ್ಲಿ ವಿವಿಧ ಸೇವಾ ಬಸ್ತಿ ಮತ್ತು ಕೊಳಚೆ ಪ್ರದೇಶದ ಬಾಲಕಿಯರು ಒಂದಷ್ಟು ರಾಖಿಗಳನ್ನು ತಯಾರಿಸಿಕೊಟ್ಟಿದ್ದಾರೆ.
