ಒಂದೇ ಅಪಾರ್ಟ್​ಮೆಂಟ್​ನ 25 ಮಂದಿಗೆ ಕರೊನಾ ಸೋಂಕು...ಸ್ಥಳದ ಸುತ್ತಮುತ್ತ ಆತಂಕ

ದೇಶದಲ್ಲಿ ಕರೊನಾ ಸೋಂಕಿತರ ಸಂಖ್ಯೆ 85 ಸಾವಿರದ ಗಡಿ ದಾಟಿದೆ. ಮೂರನೇ ಅವಧಿಯ ಲಾಕ್​ಡೌನ್​ ಮುಕ್ತಾಯದ ಹಂತದಲ್ಲಿದೆ. ಈ ಮಧ್ಯೆ ಎಲ್ಲ ರಾಜ್ಯಗಳಲ್ಲೂ ಕರೊನಾ ಸೋಂಕಿತರ ಸಂಖ್ಯೆ ದಿನೇದಿನೆ ಏರುತ್ತಲೇ ಇರುವುದು ಆತಂಕ ಮೂಡಿಸುತ್ತಿದೆ.

ಹೈದರಾಬಾದ್​ನ ಮದನ್ನಪೇಟೆಯಲ್ಲಿರುವ ಅಪಾರ್ಟ್​ಮೆಂಟ್​ನಲ್ಲಿ ವಾಸವಾಗಿರುವ ಒಟ್ಟು 25 ಮಂದಿಯಲ್ಲಿ ಇಂದು ಕರೊನಾ ದೃಢಪಟ್ಟಿದ್ದು, ಸ್ಥಳದಲ್ಲಿ ಭಯದ ವಾತಾವರಣ ಸೃಷ್ಟಿಯಾಗಿದೆ.

ಇದನ್ನೂ ಓದಿ: ರಾಜ್ಯದಲ್ಲಿ ಸಕ್ರಿಯ ಕರೊನಾ ಕೇಸ್​ಗಳು 559, ಮರಣ ಸಂಖ್ಯೆ 36; 13 ಮಂದಿ ಐಸಿಯುವಿನಲ್ಲಿ

ಕರೊನಾ ಸೋಂಕಿತರನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಹಾಗೇ ಈ 25 ಸೋಂಕಿತರ ಸಂಪರ್ಕಕ್ಕೆ ಬಂದವರನ್ನು ಪತ್ತೆ ಹಚ್ಚುವ ಕಾರ್ಯ ನಡೆಯುತ್ತಿದೆ.

ಅಪಾರ್ಟ್​ಮೆಂಟ್​ನ ಒಟ್ಟು 50 ನಿವಾಸಿಗಳಿಗೆ ಗ್ರೇಟರ್​ ಹೈದರಾಬಾದ್​ ಮುನ್ಸಿಪಲ್​ ಕಾರ್ಪೋರೇಶನ್​ನಿಂದ ಕೊವಿಡ್​-19 ಟೆಸ್ಟ್ ಮಾಡಲಾಗಿತ್ತು. ಅವರಲ್ಲಿ ಈಗ 11 ತಿಂಗಳ ಮಗು, ಓರ್ವ ಗರ್ಭಿಣಿ ಸೇರಿ 25 ಮಂದಿಗೆ ಪಾಸಿಟಿವ್​ ಬಂದಿದೆ.

ಇದೀಗ ಮದನ್​ಪೇಟೆ ಸುತ್ತಮುತ್ತ ಎಲ್ಲರನ್ನೂ ಸ್ಕ್ರೀನಿಂಗ್​ ತಪಾಸಣೆಗೆ ಒಳಪಡಿಸಲಾಗುತ್ತಿದೆ. ಸ್ಥಳದಲ್ಲಿ ಕಟ್ಟುನಿಟ್ಟಿನ ಕ್ರಮ ವಹಿಸಲಾಗಿದೆ.(ಏಜೆನ್ಸೀಸ್​)

ಇದನ್ನೂ ಓದಿ: ದೂರದಿಂದಲೇ ಮಕ್ಕಳತ್ತ ಕೈ ಬೀಸಿ ಕಣ್ಣೀರಾದ ಪಾಲಕರು…