ವಿಧಾನಸಭಾ ಕಲಾಪಕ್ಕೆ ಇನ್ನೆರಡೇ ದಿನ ಬಾಕಿ; 23 ಸಚಿವರು, ಶಾಸಕರು ಕೋವಿಡ್​ ರೋಗಿಗಳು...!

ನವದೆಹಲಿ: ವಿಧಾನಸಭೆ ಕಲಾಪಕ್ಕೆ ಇನ್ನೆರಡೇ ದಿನ ಬಾಕಿ ಉಳಿದಿದೆ. ಈವರೆಗೆ ಸಚಿವರು, ಶಾಸಕರು ಸೇರಿ 23 ಜನರಿಗೆ ಕೋವಿಡ್​ ಸೋಂಕು ತಗುಲಿದೆ....!

ಇದು ಪಂಜಾಬ್​ ಶಾಸನಸಭೆಯ ಸ್ಥಿತಿ. ಸಿಎಂ ಕ್ಯಾಪ್ಟನ್​ ಅಮರೀಂದರ್​ ಸಿಂಗ್​ ಕಾಂಗ್ರೆಸ್​ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರೊಂದಿಗಿನ ವಿಡಿಯೋ ಸಂವಾದದಲ್ಲಿ ಬಿಚ್ಚಿಟ್ಟ ವಾಸ್ತವ ಸ್ಥಿತಿ. ಶಾಸಕರ ಸ್ಥಿತಿಯೇ ಹೀಗಿರುವಾಗ ಇನ್ನೂ ಯಾವ ರೀತಿ ನೀಟ್​ ಹಾಗೂ ಜೆಇಇ ಪರೀಕ್ಷೆಗಳಿಗೆ ಸಜ್ಜಾಗಿ ಎಂದು ವಿದ್ಯಾರ್ಥಿಗಳಿಗೆ ಹೇಳಲಿ ಎನ್ನುವುದು ಅಮರೀಂದರ್​ ಅಳಲು.

ಇದನ್ನೂ ಓದಿ; ಭವಿಷ್ಯದಲ್ಲಿ ಬೆಂಗಳೂರಿಗೆ ನೀರುಣಿಸುವ ಯೋಜನೆಗೆ 9 ಸಾವಿರ ಕೋಟಿ ರೂ..! ತ್ವರಿತ ಜಾರಿಗೆ ಕ್ರಮ 

ಪಂಜಾಬ್​ ವಿಧಾನಸಭೆ ಕಲಾಪ ಆಗಸ್ಟ್​ 28ಕ್ಕೆ ಆರಂಭವಾಗಲಿದೆ. ಈವರೆಗೆ ಒಟ್ಟಾರೆ 23 ಜನಪ್ರತಿನಿಧಿಗಳು ಕರೊನಾ ಸೋಂಕಿಗೆ ಒಳಗಾಗಿದ್ದಾರೆ ಎಂದು ಸರ್ಕಾರ ಮಾಹಿತಿ ನೀಡಿದೆ.

ನೀಟ್​ ಹಾಗೂ ಜೆಇಇ ಪರೀಕ್ಷೆಗಳ್ನು ಮುಂದೂಡುವಂತೆ ಸುಪ್ರೀಂ ಕೋರ್ಟ್​ನಲ್ಲಿ ದಾವೆ ಹೂಡಲು ಇತರ ಸಮಾನ ಮನಸ್ಕ ರಾಜ್ಯಗಳ ಅಡ್ವೋಕೇಟ್​ ಜನರಲ್​ಗಳೊಂದಿಗೆ ಚರ್ಚೆ ನಡೆಸಲು ಸಿಎಂ ಸೂಚಿಸಿದ್ದಾರೆ.

ಇದನ್ನೂ ಓದಿ; ಶಾಲಾ- ಕಾಲೇಜು ಮತ್ತೆ ಬಂದ್​; ಫ್ಯಾನ್​ ಬಳಕೆಗೂ ನಿರ್ಬಂಧ ವಿಧಿಸಿದೆ ಈ ದೇಶ…! 

ಇನ್ನೊಂದೆಡೆ, ಪದವಿ ಹಾಗೂ ಸ್ನಾತಕೋತ್ತರ ಪದವಿ ಕೋರ್ಸ್​ಗಳ ಅಂತಿಮ ಸೆಮಿಸ್ಟರ್​ ಪರೀಕ್ಷೆಯನ್ನು ಮುಂದೂಡುವಂತೆ ಅಥವಾ ಕೈಬಿಡುವಂತೆ ಮನವಿ ಮಾಡಿದರೂ ಯುಜಿಸಿ ಕೇಳುತ್ತಿಲ್ಲ ಅಮರೀಂದರ್​ ಸಿಂಗ್​ ಹೇಳಿದ್ದಾರೆ.

https://www.vijayavani.net/serum-institute-begins-clinical-trial-of-covishield/