ಈ ಪ್ರಕರಣದ ಸಂಪೂರ್ಣ ಮಾಹಿತಿಯನ್ನು ತಿಳಿಯುವುದಾದರೆ, ಉತ್ತರ ಪ್ರದೇಶದ ಹಾಪುರ್ ಜಿಲ್ಲೆಯ ಕೊಟ್ವಾಲಿ ಪ್ರದೇಶದ ಸಾರವಾ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಸಾರವಾ ಗ್ರಾಮದ ನಿವಾಸಿ ಸಲ್ಮಾನ್, ವೃತ್ತಿಯಲ್ಲಿ ಬಡಗಿ. ಏಪ್ರಿಲ್ 25 ರಂದು ಲೋನಿ ನಿವಾಸಿ ಸನಾ ಎಂಬಾಕೆಯನ್ನು ಸಲ್ಮಾನ್ ವಿವಾಹವಾದರು. ಮದುವೆಯಾಗಿ ಕೇವಲ 50 ದಿನಗಳು ಕಳೆದಿತ್ತು. ಈ ಸಮಯದಲ್ಲಿ ಸನಾ ತನ್ನ ಪತಿ ಮತ್ತು ಆತನ ಕುಟುಂಬ ಸದಸ್ಯರಿಗೆ ತುಂಬಾ ಹತ್ತಿರವಾಗಿದ್ದಳು. ಎಲ್ಲರ ನಂಬಿಕೆಯನ್ನು ಗಳಿಸಿದ್ದಳು. ಸನಾಳ ನಡವಳಿಕೆಯನ್ನು ನೋಡಿ, ಅವಳ ಅತ್ತೆ-ಮಾವ ಸಂತೋಷಗೊಂಡಿದ್ದರು. ಆದರೆ, ಸನಾಳ ಹಿಂದೆ ಇದ್ದ ಮತ್ತೊಂದು ಮುಖ ಯಾರಿಗೂ ತಿಳಿಯಲಿಲ್ಲ. ಈ ಸನಾಗೆ ಮದುವೆಗೆ ಮುನ್ನವೇ ಪ್ರಿಯಕರನಿದ್ದ. ಮದುವೆಯ ನಂತರವೂ ಆತನೊಂದಿಗೆ ಸಾಂದರ್ಭಿಕವಾಗಿ ಸಂಪರ್ಕ ಮುಂದುವರಿಸಿದ್ದಳು. ಅಲ್ಲದೆ, ಒಂದು ಹಂತದಲ್ಲಿ ಇಬ್ಬರು ಒಟ್ಟಿಗೆ ಜೀವಿಸಲು ನಿರ್ಧರಿಸಿದರು. ಅದಕ್ಕಾಗಿ ಇಬ್ಬರು ಸೇರಿ ಒಂದು ಪ್ಲಾನ್ ಮಾಡಿದರು.
