ಸ್ಮಿತ್ ಅವರು ಕಳೆದ ಮೂರು ವರ್ಷಗಳಿಂದ ಈ ಸೇವೆಯನ್ನು ಮಾಡಿಕೊಂಡು ಬರುತ್ತಿದ್ದಾರೆ. ಈವರೆಗೆ 5,000ಕ್ಕೂ ಹೆಚ್ಚು ಪರೀಕ್ಷೆಗಳನ್ನು ಮಾಡಿದ್ದಾರೆ. ಈಗಾಗಲೇ ನೂರಾರು ಪುರುಷರನ್ನು ಯಶಸ್ವಿಯಾಗಿ ತಮ್ಮ ಬಲೆಗೆ ಬೀಳಿಸಿದ್ದಾರೆ. ಮಹಿಳೆಯರು ನೇರವಾಗಿ ಆಕೆಯನ್ನು ಸಂಪರ್ಕಿಸಿ, 65 (5,614 ರೂಪಾಯಿ) ಡಾಲರ್ ಶುಲ್ಕವನ್ನು ಪಾವತಿಸಿ, ತಮ್ಮ ಗಂಡಂದಿರ ವಂಚನೆ ತಿಳಿದುಕೊಳ್ಳಲು ಬಯಸುತ್ತಾರೆ. ಹಣ ಪಡೆದ ಕೂಡಲೇ ಮ್ಯಾಡೆಲಿನ್ ಸ್ಮಿತ್, ಸಾಮಾಜಿಕ ಜಾಲತಾಣದ ಮೂಲಕ ಗಂಡಸರನ್ನು ಸಂಪರ್ಕಿಸಿ, ಅವರ ಪ್ರತಿಕ್ರಿಯೆಗಳ ಸ್ಕ್ರೀನ್ಶಾಟ್ಗಳನ್ನು ತನ್ನ ಗ್ರಾಹಕರಿಗೆ ಕಳುಹಿಸುತ್ತಾರೆ. ಹೆಚ್ಚು ಕಠಿಣವಾದ ಕೆಲಸಗಳಿಗೆ ಶುಲ್ಕವು ಕೂಡ ಹೆಚ್ಚಾಗುತ್ತದೆ. 30 ವರ್ಷದ ಮ್ಯಾಡೆಲಿನ್ ಪ್ರಕಾರ, ಅವರಿಗೆ ಎಂದಿಗೂ ಬೇಡಿಕೆಗಳು ಕಡಿಮೆಯಾಗಿಲ್ಲ ಎಂದಿದ್ದಾರೆ.
