ಸೊಂಟಕ್​ ವೇಲು ಸುತ್ತಿಕೊಂಡು, ಬೆಟ್ಟದ್ ಮೇಲಿಂದ ಹಾರಿ 'ತನ್ನ ಪ್ರೀತಿಯ ಹುಡುಗಿ' ಜತೆ ಆತ್ಮಹತ್ಯೆ; ಸಾವಲ್ಲೂ ಜೊತೆಯಾದ ಪ್ರೇಮಿಗಳು!

ರಾಮನಗರ: 'ಕಾರ್ ಕಾರ್​ ಕಾರ್​.. ಎಲ್​ ನೋಡಿ ಕಾರ್​.. ಸೊಂಟಕ್ ಬೆಲ್ಟು ಕಟ್ಟಿಕೊಂಡು, ಫ್ರೀವೇನಲ್ಲಿ ಹಾರಿಕೊಂಡು, ಎಕ್ಸಿಟ್​ನಲ್ಲಿ ಜಾರಿಕೊಳ್ತಾರೋ..'
ನಾಗತಿಹಳ್ಳಿ ಚಂದ್ರಶೇಖರ್ ಅವರ ನಿರ್ದೇಶನದ 'ನನ್ನ ಪ್ರೀತಿಯ ಹುಡುಗಿ' ಚಿತ್ರದಲ್ಲಿ ಬರುವ ಈ ಹಾಡನ್ನು ನೆನಪಿಸುವಂತಿದೆ ಈ ದುರಂತ ಘಟನೆ.

ಇಲ್ಲೊಬ್ಬ ಕಾರ್ ಡ್ರೈವರ್​ ಸೊಂಟಕ್​ ವೇಲು ಸುತ್ತಿಕೊಂಡು, ಬೆಟ್ಟದ್​ ಮೇಲಿಂದ ಹಾರಿಕೊಂಡು ತನ್ನ ಪ್ರೀತಿಯ ಹುಡುಗಿಯೊಂದಿಗೆ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ತಮಿಳುನಾಡು ಮೂಲದ ಸತೀಶ್​ (21) ಹಾಗೂ ಕನಕಪುರದ ಚಂದನಾ (21) ಆತ್ಮಹತ್ಯೆ ಮಾಡಿಕೊಂಡಿರುವ ಪ್ರೇಮಿಗಳು.

ಇದನ್ನೂ ಓದಿ: ಟಯರ್​ ಬ್ಲಾಸ್ಟ್​ ಆಗಿ ಪಲ್ಟಿಯಾದ ಟಾಟಾ ಸುಮೋ; ಇಬ್ಬರು ಸ್ಥಳದಲ್ಲೇ ಸಾವು; ಒಂದೇ ಕುಟುಂಬದ 15 ಮಂದಿ ಇದ್ದ ವಾಹನ!?

ರಾಮನಗರ ಜಿಲ್ಲೆ ಕನಕಪುರ ತಾಲೂಕಿನ ಕಬ್ಬಾಳು ಬೆಟ್ಟದಲ್ಲಿ ಇಂಥದ್ದೊಂದು ಘಟನೆ ಸಂಭವಿಸಿದೆ. ಮೂರು ವರ್ಷದಿಂದ ಪ್ರೀತಿಸುತ್ತಿದ್ದ ಈ ಪ್ರೇಮಿಗಳು ಸೊಂಟಕ್ಕೆ ದುಪ್ಪಟ್ಟ ಸುತ್ತಿಕೊಂಡು ಬೆಟ್ಟದಿಂದ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: ‘ರಾಣಿ’ಯನ್ನು ಕೊಂದು ಹೂತಿಟ್ಟ ಭೂಪ; ದೇವಸ್ಥಾನದಲ್ಲೂ ಕದ್ದು ಸಿಕ್ಕಿಬಿದ್ದ; ಇಂದು ಆಕೆಯ ಶವ ಹೊರತೆಗೆದ ಪೊಲೀಸರು..

ಚಂದನಾ ಮೂರು ದಿನಗಳ ಹಿಂದೆ ನಾಪತ್ತೆಯಾಗಿದ್ದು, ಆ ಬಗ್ಗೆ ಕನಕಪುರ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಈಕೆ ಹಾಗೂ ತಮಿಳುನಾಡಿನ ಹೊಸೂರಿನಲ್ಲಿ ಟ್ಯಾಕ್ಸಿ ಡ್ರೈವರ್ ಆಗಿರುವ ಸತೀಶ್ ಇಬ್ಬರೂ ಮೂರು ವರ್ಷದಿಂದ ಪರಸ್ಪರ ಪ್ರೀತಿಸುತ್ತಿದ್ದರು. ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಾತನೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

https://www.vijayavani.net/siddaramaiah-dhoti-slipped-while-he-talking-about-rape/

https://www.vijayavani.net/lady-dies-after-giving-birth-to-son-her-relatives-protesting-near-hospital/