ಪ್ರೀತಿಸುತ್ತಿದ್ದವನಿಗೆ ಹೆದರಿಸಲು ಗೆಳೆಯನಿಗೆ ಹೇಳಿದ್ಲು, ಟಾರ್ಗೆಟ್​ ಮಿಸ್ ಆಗಿ ಆಗಿದ್ದೇ ಬೇರೆ; ಅತ್ತ ದೂರು ಕೊಟ್ಟು ತಾನೇ ಸಿಕ್ಕಿಬಿದ್ದ ಪ್ರಿಯಕರ!

ಬೆಂಗಳೂರು: ತನ್ನನ್ನು ಪ್ರೀತಿಸುತ್ತಿದ್ದವನಿಗೇ ಹೆದರಿಸಲು ಗೆಳೆಯನಿಗೆ ಹೇಳಿಕಳಿಸಿದ್ದ ಪ್ರೇಯಸಿ ಒಂದೆಡೆಯಾದರೆ, ಅತ್ತ ಬೇರೇನೋ ಕಾರಣ ಹೇಳಿ ದೂರು ಕೊಟ್ಟು ಪ್ರಿಯಕರ ಫಜೀತಿ ಮಾಡಿಕೊಂಡಿದ್ದಾನೆ. ಇಂಥದ್ದೊಂದು ವಿಚಿತ್ರ ಪ್ರೇಮಪ್ರಕರಣ ರಾಜಧಾನಿ ಬೆಂಗಳೂರಿನಲ್ಲಿ ನಡೆದಿದೆ.

ಈ ಪ್ರೇಮ ಪ್ರಕರಣದ ಪ್ರಿಯಕರ ಬೆಂಗಳೂರಿನ ಸಹಕಾರನಗರದ ಕಾಂತಿ ಸ್ವೀಟ್ಸ್​ನಲ್ಲಿ ಕೆಲಸ ಮಾಡಿಕೊಂಡಿದ್ದ ಸಂತೋಷ್​ (23) ಎಂಬಾತ. ಇವನು 2 ವರ್ಷದಿಂದ ಯುವತಿಯೊಬ್ಬಳನ್ನು ಪ್ರೀತಿಸುತ್ತಿದ್ದು, ಇತ್ತೀಚೆಗಷ್ಟೇ ಪ್ರೇಯಸಿ ಈತನೊಂದಿಗೆ ಅಂತರ ಕಾಪಾಡಿಕೊಂಡಿದ್ದಾಳೆ. ಅದಾಗ್ಯೂ ಆಕೆಯನ್ನು ಬಿಟ್ಟಿರಲಾಗದ ಸಂತೋಷ್​, ಅವಳಿಗೆ ಪದೇಪದೆ ಕರೆ ಮಾಡಿ ಗೋಳು ಹುಯ್ದುಕೊಳ್ಳುತ್ತಿದ್ದ.

ಇದನ್ನೂ ಓದಿ: ಲಗ್ನವಾಗಲು ಹೊರಟ ಯುವತಿ, ವಜ್ರದೇಹಿ ಸ್ವಾಮೀಜಿಯ ಮಧ್ಯಪ್ರವೇಶ: ಈ ಮದ್ವೆ ಬೇಡ ಎಂದು ಆಕೆಯ ಮನವೊಲಿಕೆ; ಕಾರಣ…

ಇದರಿಂದ ರೋಸಿ ಹೋಗಿದ್ದ ಪ್ರೇಯಸಿ, ಸಂತೋಷ್​ಗೆ ಹೆದರಿಸಿ ಬುದ್ಧಿ ಕಲಿಸು ಎಂದು ತನ್ನ ಗೆಳೆಯನೊಬ್ಬನಿಗೆ ಹೇಳಿದ್ದಳು. ಆತ ಇನ್ನೊಬ್ಬ ಗೆಳೆಯನಿಗೆ ಹೇಳಿ ಸಂತೋಷ್​ಗೆ ಹೆದರಿಸುವಂತೆ ಸೂಚಿಸಿದ್ದ. ನ. 16ರ ರಾತ್ರಿ ಈತ ಸಂತೋಷ್ ವಾಸವಿದ್ದ ಸಹಕಾರ ನಗರದ ಮನೆಗೆ ನಾಲ್ಕೈದು ಜನರೊಂದಿಗೆ ನುಗ್ಗಿದ್ದ. ಸಂತೋಷ್​ ಜತೆ ಕೆಲಸ ಮಾಡುತ್ತಿದ್ದ ಆರು ಮಂದಿ ಹುಡುಗರು ಅದೇ ರೂಮ್​ನಲ್ಲಿ ವಾಸವಿದ್ದು, ಅಂದು ಸಂತೋಷ್​ಗೆ ಹೆದರಿಸಲೆಂದು ಹೋಗಿದ್ದವರು ಸಂತೋಷ್​ ಯಾರೆಂದು ಗೊತ್ತಾಗದೆ ಅಲ್ಲಿದ್ದ ಆತನ ಗೆಳೆಯ ಧರ್ಮೇಂದ್ರ ದಾಸ್​ಗೆ ಥಳಿಸಿ, ಎರಡು ಮೊಬೈಲ್ ಫೋನ್​ ಕಿತ್ತುಕೊಂಡು ಪರಾರಿಯಾಗಿದ್ದರು.

ಇದನ್ನೂ ಓದಿ: ಈತನ ಹುಟ್ಟೇ ಗಿನ್ನೆಸ್​ ವರ್ಲ್ಡ್​ ರೆಕಾರ್ಡ್​; ತಾಯಿ ಗರ್ಭದಿಂದ ಇವನಿಗಿಂತಲೂ ಬೇಗ ಬಂದು ಇನ್ನೂ ಬದುಕಿರುವವರೇ ಇಲ್ಲ!

ಈ ಕುರಿತು ಕೊಡಿಗೆಹಳ್ಳಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದ ಸಂತೋಷ್​, ದರೋಡೆ ಆಗಿದೆ ಎಂದು ಹೇಳಿದ್ದ. ಆ ಮೇರೆಗೆ ತನಿಖೆಗಿಳಿದ ಪೊಲೀಸರಿಗೆ ಪ್ರಕರಣದ ಅಸಲಿಯತ್ತು ಗೊತ್ತಾಗಿದೆ. ಮಾತ್ರವಲ್ಲ, ದೂರು ಕೊಟ್ಟು ಸಂತೋಷ್​ ತಾನಾಗೇ ಫಜೀತಿ ತಂದುಕೊಂಡಂತಾಗಿದೆ. ಈತ ತನ್ನ ಪ್ರೇಯಸಿಗೆ ಬ್ಲ್ಯಾಕ್​ಮೇಲ್ ಮಾಡಿರುವುದೂ ಪೊಲೀಸರಿಗೆ ತನಿಖೆಯಲ್ಲಿ ತಿಳಿದು ಬಂದಿದೆ.

ಇದನ್ನೂ ಓದಿ: ಹಂಸಲೇಖಗೆ ಅನಾರೋಗ್ಯ: ಸ್ವಲ್ಪ ಕಾಲಾವಕಾಶ ಕೊಡಿ ಎಂದು ವಕೀಲರ ಕೋರಿಕೆ

ಯುವತಿ ಜತೆ ಅಸಭ್ಯವಾಗಿ ವರ್ತಿಸುತ್ತಿದ್ದ ಸಂತೋಷ್​, ಖಾಸಗಿ ಕ್ಷಣಗಳ ವಿಡಿಯೋ ಮಾಡಿಕೊಂಡಿದ್ದ. ಆ ಫೋಟೋ ಹಾಗೂ ವಿಡಿಯೋ ಇಟ್ಟುಕೊಂಡು, ಹಣ ಹಾಗೂ ಲೈಂಗಿಕ ಸಹಕಾರಕ್ಕೆ ಒತ್ತಾಯಿಸಿ ಆತ ಬ್ಲ್ಯಾಕ್​ಮೇಲ್ ಮಾಡುತ್ತಿದ್ದ. ಹಣ ಕೊಡದಿದ್ದರೆ, ಸಹಕರಿಸದಿದ್ದರೆ ಫೋಟೋ-ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡುವುದಾಗಿ ಹೆದರಿಸುತ್ತಿದ್ದ. ಇದನ್ನು ಆಕೆ ತನ್ನ ಇತರ ಸ್ನೇಹಿತರ ಬಳಿ ತಿಳಿಸಿದ್ದು, ಅವರು ಸಂತೋಷ್ ರೂಮ್​ಗೆ ನುಗ್ಗಿದ್ದರು.

ಇದನ್ನೂ ಓದಿ: ಈ ಸಮಯದಲ್ಲಿ ಮಲಗಿದರೆ ಹೃದಯಾಘಾತ ಸಾಧ್ಯತೆ ಕಡಿಮೆ ಅಂತೆ; ಅಧ್ಯಯನದಲ್ಲಿ ಬಯಲಾಯಿತು ಹೃದಯದ ಆರೋಗ್ಯ ಮಾಹಿತಿ

ಈ ಪ್ರಕರಣ ಸಂಬಂಧ ಮೂವರನ್ನು ಬಂಧಿಸಿರುವ ಪೊಲೀಸರು, ಉಳಿದ ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದಾರೆ. ಮತ್ತೊಂದೆಡೆ ದೂರು ಕೊಟ್ಟ ಕೆಟ್ಟ ಲವರ್ ವಿರುದ್ಧ ಯುವತಿಯೂ ದೂರು ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಸಂತೋಷ್​ನನ್ನು ವಿಚಾರಣೆಗೆ ಒಳಪಡಿಸಿದ್ದಾರೆ.

https://www.vijayavani.net/daughter-gave-supari-to-lover-for-killing-her-father/

https://www.vijayavani.net/wife-died-at-bathroom-parents-having-doubt-about-death/