ಈತನ ಹುಟ್ಟೇ ಗಿನ್ನೆಸ್​ ವರ್ಲ್ಡ್​ ರೆಕಾರ್ಡ್​; ತಾಯಿ ಗರ್ಭದಿಂದ ಇವನಿಗಿಂತಲೂ ಬೇಗ ಬಂದು ಇನ್ನೂ ಬದುಕಿರುವವರೇ ಇಲ್ಲ!

ಅಮೆರಿಕ: ಸಾಮಾನ್ಯವಾಗಿ ಎಲ್ಲರೂ ಹುಟ್ಟಿದ ಬಳಿಕ ದಾಖಲೆ ಮಾಡುತ್ತಾರೆ. ಆದರೆ ಇಲ್ಲೊಬ್ಬನ ಹುಟ್ಟೇ ದಾಖಲೆ ಅನಿಸಿಕೊಂಡಿದೆ. ಅದೂ ಗಿನ್ನೆಸ್​ ವರ್ಲ್ಡ್ ರೆಕಾರ್ಡ್​. ಅಚ್ಚರಿಯ ಸಂಗತಿ ಎಂದರೆ ತಾಯಿಯ ಗರ್ಭದಿಂದ ಇವನಿಗಿಂತಲೂ ಬೇಗ ಬಂದು ಇನ್ನೂ ಬದುಕಿರುವವರೇ ಇಲ್ಲ!

ಜನ್ಮತಃ ಗಿನ್ನೆಸ್​ ವರ್ಲ್ಡ್​ ರೆಕಾರ್ಡ್​ ಮಾಡಿರುವ ಈತನ ಹೆಸರು ಕರ್ಟಿಸ್​ ಜಿ ಕೀಥ್​ ಮೀನ್ಸ್ ಅಂತ. ಈತ ಅವಧಿಪೂರ್ವ ಜೀವಂತ ಶಿಶುಗಳ ಪೈಕಿ ಜಗತ್ತಿನಲ್ಲೇ ಅತಿ ಕಿರಿಯವ. ಅಂದರೆ ಇವನು 21 ವಾರ ಒಂದು ದಿನಕ್ಕೆ ಅರ್ಥಾತ್ 148ನೇ ದಿನಕ್ಕೇ ಜನಿಸಿದ್ದಾನೆ. ತಿಂಗಳುಗಳ ಪ್ರಕಾರ 4.93 ತಿಂಗಳಿಗೆ ಹುಟ್ಟಿದ್ದಾನೆ.

ಇದನ್ನೂ ಓದಿ: ‘ನನ್ನ ಹಾಗೂ ಮಗು ಲೈಫ್ ಹಾಳು ಮಾಡಿದ್ದಿ’ ಎಂದು ವಾಟ್ಸ್​​ಆ್ಯಪ್​ ಸ್ಟೇಟಸ್​ ಹಾಕಿ, 6 ತಿಂಗಳ ಮಗು ಜತೆ ನದಿಗೆ ಹಾರಿದ ತಾಯಿ!

2020ರ ಜುಲೈ 5ರಂದು ಜನಿಸಿದ್ದ ಈತನನ್ನು ಆಸ್ಪತ್ರೆಯಲ್ಲೇ ಇರಿಸಿಕೊಳ್ಳಲಾಗಿದ್ದು, ಈ ವರ್ಷದ ಏಪ್ರಿಲ್​ನಲ್ಲಿ ಮನೆಗೆ ಕಳುಹಿಸಿಕೊಡಲಾಗಿದೆ. ಅಮೆರಿಕದ ಅಲಬಾಮದಲ್ಲಿ ಜನಿಸಿರುವ ಈತ ಹುಟ್ಟುವಾಗ ಇದ್ದ ತೂಕ ಬರೀ 420 ಗ್ರಾಮ್. ಈತನ ಹೃದಯ ಹಾಗೂ ಶ್ವಾಸಕೋಶಕ್ಕೆ ಹೊರಗಿನಿಂದ ಉಪಕರಣ ಅಳವಡಿಸಿ ಉಸಿರಾಟ ಸ್ಥಗಿತಗೊಳ್ಳದಂತೆ ಚಿಕಿತ್ಸೆ ನೀಡಲಾಗಿತ್ತು.

ಇದನ್ನೂ ಓದಿ: ಗಂಡನನ್ನು ಕೊಂದು ಗುಂಡಿ ತೋಡಿ ಮುಚ್ಚಿದ ಪತ್ನಿ; ಬಳಿಕ ಮೊಬೈಲ್​ಫೋನ್​ ಸ್ವಿಚ್ಡ್​ ಆಫ್ ಮಾಡಿ ಪರಾರಿ

ಈತನ ತಾಯಿ ಮಿಷೆಲ್ಲೆ ಶೆಲ್ಲಿ ಬಟ್ಲರ್​ 2020ರ ಜುಲೈ 4ರಂದು ಹೆರಿಗೆ ನೋವಿಗೆ ಒಳಗಾಗಿ ಸ್ಥಳೀಯ ಆಸ್ಪತ್ರೆಗೆ ದಾಖಲಾಗಿದ್ದರು. ಬಳಿಕ ಆಕೆಯನ್ನು ಬರ್ಮಿಂಗ್​​ಹ್ಯಾಮ್​ನ ಯುನಿವರ್ಸಿಟಿ ಆಫ್​ ಅಲಬಾಮ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ವೈದ್ಯರ ಲೆಕ್ಕಾಚಾರದ ಪ್ರಕಾರ ಆತ ಇಂದು ಅಂದರೆ ನ. 11ರಂದು ಜನಿಸಬೇಕಿತ್ತು.

ಇದನ್ನೂ ಓದಿ: ಪುನೀತ್ ರಾಜಕುಮಾರ್ ಸಾವಿನ ಕುರಿತು ಮತ್ತೊಂದು ಅನುಮಾನ!?; ತನಿಖೆಗೆ ಆಗ್ರಹಿಸಿ ಪೊಲೀಸ್ ಠಾಣೆಗೂ ದೂರು…

ರೀಜನಲ್​ ನಿಯೋನೇಟಲ್​ ಇಂಟೆನ್ಸಿವ್ ಕೇರ್ ಯುನಿಟ್​​ನಲ್ಲಿ 275 ದಿನಗಳ ತೀವ್ರ ನಿಗಾದಲ್ಲಿ ಚಿಕಿತ್ಸೆ ಪಡೆದ ಬಳಿಕ ಈ ಮಗುವನ್ನು ಇದೇ ಏಪ್ರಿಲ್​ 6ರಂದು ಮನೆಗೆ ಕಳುಹಿಸಿಕೊಡಲಾಗಿತ್ತು. ಅವಧಿಪೂರ್ವ ಜೀವಂತ ಶಿಶುಗಳ ಪೈಕಿ ಈತ ಜಗತ್ತಿನಲ್ಲೇ ಅತಿ ಕಿರಿಯವನಾಗಿದ್ದು, ಗಿನ್ನೆಸ್​ ವರ್ಲ್ಡ್​ ರೆಕಾರ್ಡ್​ಗೆ ಭಾಜನನಾಗಿದ್ದಾನೆ. (ಏಜೆನ್ಸೀಸ್)

https://www.vijayavani.net/actress-rachitha-ram-marriage-kannada-movie/

https://www.vijayavani.net/prems-lyric-rakshitha-rachitha-combo-steps-created-curiosity/

https://www.vijayavani.net/study-about-sleep-revealed-few-details-about-hearts-health/