ಟೀ ಜೊತೆ ರಸ್ಕ್​ ತಿನ್ನುವ ಅಭ್ಯಾಸವಿದ್ಯಾ? ಹಾಗಿದ್ರೆ, ಅಪಾಯ ಕಟ್ಟಿಟ್ಟಬುತ್ತಿ! ಇಲ್ಲಿದೆ ನೋಡಿ ಉಪಯುಕ್ತ ಮಾಹಿತಿ | Tea & Rusk

Tea & Rusk: ನಮ್ಮಲ್ಲಿ ತುಂಬ ಜನರಿಗೆ ಬೆಳಗ್ಗೆ ಎದ್ದ ತಕ್ಷಣ ಅಥವಾ ಸಂಜೆ ವೇಳೆಗೆ ಬಿಸಿ ಬಿಸಿ ಚಹಾ ಜೊತೆಗೆ ನಾಲ್ಕೈದು ಕರುಂ-ಕುರುಂ ಎನ್ನುವ ರಸ್ಕ್​ ತಿನ್ನುವ ಅಭ್ಯಾಸವಿದೆ. ಅದು ಟೀ ಆಗಿರಲಿ ಅಥವಾ ಕಾಫಿಯಾಗಿಲಿ, ಒಟ್ಟಿನಲ್ಲಿ ರಸ್ಕ್ ತಿನ್ನುವುದನ್ನು ರೂಢಿಸಿಕೊಂಡಿರುತ್ತಾರೆ. ವಾಸ್ತವವಾಗಿ, ಚಹಾ, ಕಾಫಿ ಮತ್ತು ರಸ್ಕ್‌ಗಳ ಕಾಂಬಿನೇಷನ್​ ನಿಜಕ್ಕೂ ರುಚಿಕರವೇ. ಆದರೆ, ಅದು ನಾಲಿಗೆಗಷ್ಟೇ ಸೀಮಿತ. ದೇಹಕ್ಕೆ ಅನಾರೋಗ್ಯದ ಸೂಚಕ.

ಇದನ್ನೂ ಓದಿ: ಕೊಲೆ ಆರೋಪಿ ದರ್ಶನ್​ ಜಾಮೀನು ಭವಿಷ್ಯಕ್ಕೆ ಕ್ಷಣಗಣನೆ! ‘ಸುಪ್ರೀಂ’ ಮಹತ್ವದ ತೀರ್ಪಿಗೂ ಮುನ್ನ ಪವಿತ್ರಾ ಪೋಸ್ಟ್​ | Darshan

ಅನೇಕರು ಈ ರಸ್ಕ್‌ಗಳನ್ನು ತಿನ್ನಲು ಇಷ್ಟಪಡಲು ಕಾರಣವೇ ಅವು ಒಣ, ಗರಿಗರಿಯಾದ, ಸಿಹಿ ಎಂದು. ಆದಾಗ್ಯೂ, ಈ ರಸ್ಕ್‌ಗಳನ್ನು ಹೆಚ್ಚು ತಿನ್ನುವುದು ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ರಸ್ಕ್ ಹೆಚ್ಚಿನ ಸಂಸ್ಕರಿಸಿದ ಕಾರ್ಬೋಹೈಡ್ರೇಟ್‌ಗಳು, ಹೆಚ್ಚಿನ ಸಕ್ಕರೆ ಮತ್ತು ಕಡಿಮೆ ಪೌಷ್ಟಿಕಾಂಶದ ಮೌಲ್ಯವನ್ನು ಹೊಂದಿರುವ ಸಂಸ್ಕರಿಸಿದ ಆಹಾರವಾಗಿದೆ. ಹೀಗಾಗಿ, ಇದರಿಂದ ಉಂಟಾಗುವ ಆರೋಗ್ಯ ಸಮಸ್ಯೆಗಳು ಹಲವು. ಈ ಬಗ್ಗೆ ಇಲ್ಲಿದೆ ನೋಡಿ ನೀವು ತಿಳಿಯಬೇಕಾದ ಉಪಯುಕ್ತ ಮಾಹಿತಿ.

1. ಮಧುಮೇಹ

ರಸ್ಕ್ ನುಣ್ಣಗೆ ಸಂಸ್ಕರಿಸಿದ ಹಿಟ್ಟು ಮತ್ತು ಸಕ್ಕರೆಯಿಂದ ತಯಾರಿಸಿದ ತಿನಿಸಾಗಿದೆ. ಇದು ಹೆಚ್ಚಿನ ಗ್ಲೈಸೆಮಿಕ್ ಸೂಚಿಯನ್ನು ಹೊಂದಿದೆ. ಆದ್ದರಿಂದ, ರಸ್ಕ್ ತಿಂದ ಬಳಿಕ ರಕ್ತದಲ್ಲಿನ ಸಕ್ಕರೆ ಮಟ್ಟವು ವೇಗವಾಗಿ ಹೆಚ್ಚುತ್ತದೆ. ಇದನ್ನು ಆಗಾಗ್ಗೆ ತಿನ್ನುವುದರಿಂದ ದೀರ್ಘಾವಧಿಯಲ್ಲಿ ಟೈಪ್-2 ಮಧುಮೇಹದ ಅಪಾಯವು ಹೆಚ್ಚಾಗುತ್ತದೆ. ಚಹಾ/ಕಾಫಿಗೆ ಸಕ್ಕರೆ ಸೇರಿಸಿದರೆ ಈ ಅಪಾಯ ದುಪ್ಪಟ್ಟು ಎಂಬುದರಲ್ಲಿ ಅನುಮಾನವೇ ಬೇಡ.

2. ತೂಕ ಹೆಚ್ಚಳ

ರಸ್ಕ್‌ನಲ್ಲಿ ಕಾರ್ಬೋಹೈಡ್ರೇಟ್‌ಗಳು, ಹಿಟ್ಟು, ಸಕ್ಕರೆ, ಕೊಬ್ಬು, ಕಡಿಮೆ ಫೈಬರ್ ಮತ್ತು ಪ್ರೋಟೀನ್ ಇರುತ್ತದೆ. ಇದನ್ನು ಆಗಾಗ್ಗೆ ಸೇವಿಸುವುದರಿಂದ ದೇಹದಲ್ಲಿ ಖಾಲಿ ಕ್ಯಾಲೋರಿಗಳು ಸಂಗ್ರಹವಾಗುತ್ತವೆ. ದೇಹವು ಇದನ್ನು ಕೊಬ್ಬಿನಂತೆ ಸಂಗ್ರಹಿಸುತ್ತದೆ, ಇದು ತೂಕ ಅಧಿಕವಾಗಲು ಒಂದು ಪ್ರಮುಖ ಕಾರಣ.

3. ಜೀರ್ಣಕಾರಿ ಸಮಸ್ಯೆಗಳು

ಹಿಟ್ಟಿನಿಂದ ಮಾಡಿದ ರಸ್ಕ್‌ಗಳನ್ನು ತಿನ್ನುವುದರಿಂದ ಜೀರ್ಣಕ್ರಿಯೆ ಮಂದಗತಿಯಲ್ಲಿ ಸಾಗುತ್ತದೆ. ಪ್ಯಾಕ್ ಮಾಡಿದ ರಸ್ಕ್‌ಗಳಲ್ಲಿ ಬಹಳಷ್ಟು ಸಂರಕ್ಷಕಗಳು ಮತ್ತು ಅಡಿಗೆ ಸೋಡಾವಿರುತ್ತದೆ. ಇವು ಅಜೀರ್ಣ, ಗ್ಯಾಸ್​, ಉಬ್ಬುವುದು ಮತ್ತು ಮಲಬದ್ಧತೆಯಂತಹ ಸಮಸ್ಯೆಗಳನ್ನು ಉಂಟುಮಾಡಬಹುದು. ಇದು ಕರುಳಿನ ಕಾರ್ಯನಿರ್ವಹಣೆಯ ಮೇಲೂ ಪರಿಣಾಮ ಬೀರುತ್ತದೆ.

ಇದನ್ನೂ ಓದಿ:  ಮುಂದಿನ ತಿಂಗಳು ಅಮೆರಿಕಕ್ಕೆ ಪ್ರಧಾನಿ; ಟ್ರಂಪ್ ಜತೆ ಮೋದಿ ಮಾತುಕತೆ! ಸುಂಕ ಸಮರಕ್ಕೆ ಬ್ರೇಕ್​? | PM Modi

4. ಹೃದಯಕ್ಕೆ ಅಪಾಯ

ಕೆಲವು ರಸ್ಕ್‌ಗಳನ್ನು ಹೈಡ್ರೋಜನೀಕರಿಸಿದ ಎಣ್ಣೆಗಳು ಅಥವಾ ಟ್ರಾನ್ಸ್ ಕೊಬ್ಬಿನಿಂದ ತಯಾರಿಸಲಾಗುತ್ತದೆ. ಇವು ಕೆಟ್ಟ ಕೊಲೆಸ್ಟ್ರಾಲ್ (LDL) ಅನ್ನು ಹೆಚ್ಚಿಸುತ್ತವೆ ಮತ್ತು ಉತ್ತಮ ಕೊಲೆಸ್ಟ್ರಾಲ್ (HDL) ಅನ್ನು ಕಡಿತಗೊಳಿಸುತ್ತವೆ. ಅವುಗಳನ್ನು ದೀರ್ಘಕಾಲದವರೆಗೆ ತಿನ್ನುವುದರಿಂದ ಹೃದಯ ಕಾಯಿಲೆ ಮತ್ತು ರಕ್ತನಾಳಗಳಲ್ಲಿ ಕೊಬ್ಬಿನ ಶೇಖರಣೆಯ ಅಪಾಯವನ್ನು ಹೆಚ್ಚಿಸುತ್ತದೆ.

5. ಪೋಷಕಾಂಶಗಳ ಕೊರತೆ

ರಸ್ಕ್ ಒಂದು ಖಾಲಿ ಕ್ಯಾಲೋರಿ ಆಹಾರ. ಇದರರ್ಥ ಇದು ದೇಹಕ್ಕೆ ಅಗತ್ಯವಿರುವ ಜೀವಸತ್ವಗಳು ಮತ್ತು ಖನಿಜಗಳಲ್ಲ, ಕ್ಯಾಲೋರಿಗಳನ್ನು ಮಾತ್ರ ಒದಗಿಸುತ್ತದೆ. ಪ್ರತಿದಿನ ರಸ್ಕ್ ಸೇವನೆ ಆಹಾರದಲ್ಲಿ ಅಗತ್ಯವಿರುವ ಪೋಷಕಾಂಶಗಳು ಕಡಿಮೆಯಾಗಿಸುತ್ತದೆ. ದೀರ್ಘಾವಧಿಯಲ್ಲಿ, ಇದು ಶಕ್ತಿ, ವಿಟಮಿನ್ ಕೊರತೆ ಮತ್ತು ಚರ್ಮದ ಸಮಸ್ಯೆಗಳಿಗೆ ಕಾರಣವಾಗಬಹುದು.

ರಸ್ಕ್‌ ಬದಲಿಗೆ ಬೇರೇನು?

• ಟೀ ಅಥವಾ ಕಾಫಿಯೊಂದಿಗೆ ನಿಂಬೆ ಬಿಸ್ಕತ್​ ಮತ್ತು ಮಲ್ಟಿಗ್ರೇನ್ ಬಿಸ್ಕತ್ತುಗಳನ್ನು ತಿನ್ನುವುದು ಒಳಿತು.
• ಬಾದಾಮಿ, ವಾಲ್ನಟ್ಸ್ ಮತ್ತು ಸೂರ್ಯಕಾಂತಿ ಬೀಜಗಳಂತಹ ಆರೋಗ್ಯಕರ ತಿಂಡಿಗಳನ್ನು ಸೇವಿಸಬಹುದು.
• ಒಣ ಹಣ್ಣುಗಳನ್ನು ಸಣ್ಣ ಪ್ರಮಾಣದಲ್ಲಿ ಸೇವಿಸಿ.
• ಮನೆಯಲ್ಲಿಯೇ ತಯಾರಿಸಿದ ಬೇಕಿಂಗ್, ಓಟ್ಸ್ ಅಥವಾ ಗೋಧಿ ಹಿಟ್ಟಿನಿಂದ ಮಾಡಿದ ರಸ್ಕ್‌ಗಳನ್ನು ಸೇವಿಸಬಹುದು,(ಏಜೆನ್ಸೀಸ್).

ವಿಶೇಷ ಸೂಚನೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ, ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

https://www.vijayavani.net/mandatory-tests-for-male-after-40-year