ನವದೆಹಲಿ: ಜಾಗತಿಕ ಮಟ್ಟದಲ್ಲಿ ಐಪಿಎಲ್ಗೆ ಅತಿದೊಡ್ಡ ಕ್ರೇಜ್ ಇದೆ. ಇದರ ಹಿಂದೆ ಸಾಕಷ್ಟು ಮಂದಿಯ ಶ್ರಮವೂ ಇದೆ. ಭಾರತದ ಸ್ಟಾರ್ ಆಟಗಾರರು ಮತ್ತು ವಿದೇಶಿ ಆಟಗಾರರ ಜನಪ್ರಿಯತೆಯಿಂದಾಗಿ ಕ್ಯಾಶ್ ರಿಚ್ ಲೀಗ್ ಇಷ್ಟೊಂದು ಫೇಮಸ್ ಆಗಿದೆ. ಅದರಲ್ಲೂ ಭಾರತದಲ್ಲಿ ಕ್ರಿಕೆಟ್ ಅಭಿಮಾನಿಗಳು ಹೆಚ್ಚಿರುವುದರಿಂದ ಐಪಿಎಲ್ಗೆ ಈ ಮಟ್ಟದ ಕ್ರೇಜ್ ಇದೆ. ಕೆಲ ಆಟಗಾರರು ತಮ್ಮ ವಿಶಿಷ್ಟ ಆಟದ ಶೈಲಿಯಿಂದ ಲೀಗ್ ಅನ್ನು ಅಗ್ರಸ್ಥಾನಕ್ಕೆ ತಂದಿದ್ದಾರೆ.
ಪ್ರತಿ ಸೀಸಸ್ನಲ್ಲೂ ಅಮೋಘವಾಗಿ ಆಡುವ ಮೂಲಕ ಐಪಿಎಲ್ ಲೀಗ್ ಕ್ರೇಜ್ ಅನ್ನು ಇಮ್ಮಡಿಗೊಳಿಸಿರುವ ಆಟಗಾರರಿದ್ದಾರೆ. ಇಂತಹ ಅಪರೂಪದ ಆಟಗಾರರ ಪಟ್ಟಿಯಲ್ಲಿ ಆರ್ಸಿಬಿ ಸ್ಟಾರ್ ವಿರಾಟ್ ಕೊಹ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಕೊಹ್ಲಿ ಪಂದ್ಯದಲ್ಲಿದರೆ ಸಾಕು ಸ್ಟೇಡಿಯಂಗಳು ತುಂಬಿ ತುಳುಕುತ್ತವೆ, ಪ್ರೇಕ್ಷಕರು ಟಿವಿ, ಮೊಬೈಲ್ ಫೋನ್ಗಳ ಮುಂದೆಯೂ ಸ್ಟ್ರೀಮಿಂಗ್ ಮಾಡಲು ಸಿದ್ಧರಾಗುತ್ತಾರೆ. ಕೊಹ್ಲಿ ಇಲ್ಲದ ಲೀಗ್ ಅನ್ನು ಊಹಿಸಲೂ ಸಾಧ್ಯವಿಲ್ಲ.
ಐಪಿಎಲ್ ಎಂದರೆ ಕೊಹ್ಲಿ.. ಕೊಹ್ಲಿ ಎಂದರೆ ಐಪಿಎಲ್ ಎನ್ನುವಂತಾಗಿದೆ. ವಿರಾಟ್ ಪ್ರತಿ ವರ್ಷ ಐಪಿಎಲ್ನಲ್ಲಿ ಅಮೋಘ ಬ್ಯಾಟಿಂಗ್‌ನೊಂದಿಗೆ ಎಲ್ಲರನ್ನು ರಂಜಿಸುತ್ತಾರೆ. ಇದರ ನಡುವೆ ಲಕ್ನೋ ಸೂಪರ್ ಜೈಂಟ್ಸ್ ತಂಡದ ನಾಯಕ ಹಾಗೂ ಕನ್ನಡಿಗ ಕೆ.ಎಲ್. ರಾಹುಲ್, ಕೊಹ್ಲಿಯನ್ನು ಐಪಿಎಲ್ನಿಂದ ಬ್ಯಾನ್ ಮಾಡಬೇಕು ಎಂದು ಆಗ್ರಹಿಸಿದ್ದಾರೆ. ಅಷ್ಟಕ್ಕೂ ರಾಹುಲ್ ಈ ರೀತಿ ಹೇಳಿದ್ಯಾಕೆ? ಕೊಹ್ಲಿಯನ್ನು ಯಾಕೆ ಬ್ಯಾನ್ ಮಾಡಬೇಕು? ಕೊಹ್ಲಿ ಅಂಥದ್ದೇನು ಮಾಡಿದ್ರು ಎಂಬಿತ್ಯಾದಿ ಪ್ರಶ್ನೆಗಳು ನಿಮ್ಮ ತಲೆಯಲ್ಲಿ ಮೂಡಿರಬಹುದು. ಆದರೆ, ಇದನ್ನು ತುಂಬಾ ಸೀರಿಯಸ್ ಆಗಿ ತೆಗೆದುಕೊಳ್ಳಬೇಡಿ. ಏಕೆಂದರೆ, ಕೆ.ಎಲ್. ರಾಹುಲ್ ಹೇಳಿದ್ದು ತಮಾಷೆಯಾಗಿ.
ಐಪಿಎಲ್ ಹೊಸ ಸೀಸನ್ ಆರಂಭಕ್ಕೂ ಮುನ್ನ ಹಳೆಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಮೂರು ವರ್ಷದ ಹಿಂದಿನ ಹಳೆಯ ವಿಡಿಯೋ ಇದಾಗಿದೆ. ವಿಡಿಯೋದಲ್ಲಿ ಕೊಹ್ಲಿ ಹಾಗೂ ಕೆಎಲ್ ರಾಹುಲ್ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಕರೆ ಮೂಲಕ ಮಾತನಾಡಿದ್ದಾರೆ. ಈ ಸಂದರ್ಭದಲ್ಲಿ ವಿರಾಟ್ರನ್ನು ಐಪಿಎಲ್ನಿಂದ ಬ್ಯಾನ್ ಮಾಡಬೇಕು ಎಂದು ರಾಹುಲ್ ಹೇಳಿದ್ದರು. ಅಲ್ಲದೆ, ನಿಮ್ಮೊಂದಿಗೆ ಎಬಿ ಡಿವಿಲಿಯರ್ಸ್ ಅವರನ್ನು ಸಹ ಐಪಿಎಲ್ ನಿಂದ ನಿಷೇಧಿಸಬೇಕು ಎಂದಿದ್ದರು. ಲೀಗ್‌ನಲ್ಲಿ ಹಲವು ದಾಖಲೆಗಳನ್ನು ನಿರ್ಮಿಸಿದ್ದೀರಿ. 5 ಸಾವಿರಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ. ಹೀಗಾಗಿ ನೀವು ಪಕ್ಕಕ್ಕೆ ಸರಿದು ಆ ಜವಾಬ್ದಾರಿಯನ್ನು ನಮ್ಮಂತಹವರಿಗೆ ಒಪ್ಪಿಸಬೇಕು ಎಂದು ರಾಹುಲ್ ಈ ಹಿಂದೆ ಹೇಳಿದ್ದ ವಿಡಿಯೋ ಇದೀಗ ಮತ್ತೆ ವೈರಲ್ ಆಗುತ್ತಿದೆ.
KL Rahul said, "I will ask IPL to Ban you and AB in IPL."@ABdeVilliers17 pic.twitter.com/Fl4BxEBboQ
— CricketGully (@thecricketgully) March 19, 2024
ಇನ್ನೂ ರಾಹುಲ್ ಅವರನ್ನು ಐಪಿಎಲ್ನಿಂದ ಬ್ಯಾನ್ ಮಾಡಬೇಕು ಎಂದು ಹೇಳಿದಾಗ ಕೊಹ್ಲಿ ಒಂದು ಸಲ ಜೋರಾಗಿ ನಕ್ಕರು. ಕೆ.ಎಲ್. ರಾಹುಲ್ ಮಾತನಾಡುವವರೆಗೂ ವಿರಾಟ್ ನಗುತ್ತಲೇ ಇದ್ದರು. ಈ ವಿಡಿಯೋವನ್ನುಇ ನೋಡಿದ ನೆಟಿಜನ್‌ಗಳು ನಗುತ್ತಿದ್ದಾರೆ. ಕೊಹ್ಲಿ ಇಲ್ಲದ ಐಪಿಎಲ್ ಅನ್ನು ಕಲ್ಪಿಸಿಕೊಳ್ಳಲೂ ಸಾಧ್ಯವಿಲ್ಲ ಎಂದು ನೆಟ್ಟಿಗರು ಹೇಳುತ್ತಿದ್ದಾರೆ. ಅಲ್ಲದೆ, ವಿರಾಟ್ ಅವರು ಹೆಚ್ಚು ಸೀಸನ್ ಆಡುತ್ತಾರೆ. ಐಪಿಎಲ್ನಲ್ಲಿ ಅವರ ದಾಖಲೆಗಳನ್ನು ಮುರಿಯುವುದು ಯಾರಿಂದಲೂ ಸಾಧ್ಯವಿಲ್ಲ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.
ಗಾಯದ ಸಮಸ್ಯೆಯಿಂದ ಇಂಗ್ಲೆಂಡ್ ಸರಣಿಯಿಂದ ಹೊರಗುಳಿದಿದ್ದ ರಾಹುಲ್, ಐಪಿಎಲ್ ಮೂಲಕ ಪುನರಾಗಮನ ಮಾಡುತ್ತಿದ್ದಾರೆ. ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ ಅವರನ್ನು ಫಿಟ್ ಎಂದು ಘೋಷಿಸಿದೆ. ಆದರೆ ಅವರು ಐಪಿಎಲ್‌ನ ಆರಂಭಿಕ ಪಂದ್ಯಗಳಿಗೆ ವಿಕೆಟ್ ಕೀಪಿಂಗ್‌ನಿಂದ ದೂರವಿದ್ದರೆ ಉತ್ತಮ ಎಂದು ಸಲಹೆ ನೀಡಿದೆ. (ಏಜೆನ್ಸೀಸ್)
ದಿನಗೂಲಿ ನೌಕರ ರಾಜಕೀಯ ಪಕ್ಷಕ್ಕೆ 1,368 ಕೋಟಿ ದಾನ ಮಾಡುವ ಮಟ್ಟಕ್ಕೆ ಬೆಳೆದಿದ್ಹೇಗೆ? ಇಲ್ಲಿದೆ ರೋಚಕ ಸಂಗತಿ
ಯುವಕನಾದ ನನ್ನನ್ನು ಬಲಿಪಶು ಮಾಡಿದರು ಅದೇ ಪರಿಸ್ಥಿತಿ ವೈದ್ಯರಿಗೆ ಆಗಬಾರದು: ನಿಖಿಲ್ ಕುಮಾರಸ್ವಾಮಿ
ಸೈನಿಕರನ್ನು ಹುರಿದುಂಬಿಸಲು ನೀಲಿ ತಾರೆ ಮೊರೆ ಹೋದ ಯೂಕ್ರೇನ್! ಯೋಧರ ಜತೆ ಜೋಸೆಫೀನ್ ಜಾಕ್ಸನ್ ಪೋಸ್