ಅಕ್ಕನ ಗಂಡನನ್ನೇ ಗುಂಡಿಕ್ಕಿ ಕೊಂದ ಬಾಮೈದುನ! 48 ತಾಸಿನಲ್ಲೇ ಬಯಲಾಯ್ತು ಕೊಲೆ ರಹಸ್ಯ

ಹಾಸನ: ಜಿಲ್ಲೆಯನ್ನೇ ಬೆಚ್ಚಿಬೀಳಿಸಿದ್ದ ಕೆಇಬಿ ನೌಕರನ ಹತ್ಯೆ ಪ್ರಕರಣವನ್ನ 48 ಗಂಟೆಯಲ್ಲಿ ಭೇದಿಸಿರುವ ಪೊಲೀಸರು, ಮೃತನ ಪತ್ನಿಯ ಸಹೋದರನನ್ನೇ ಬಂಧಿಸಿದ್ದಾರೆ.

ಕೆಇಬಿ ನೌಕರ ಸಂತೋಷ್ ಮೃತ. ಈತನನ್ನು ಹಾಸನದ ಹೂವಿನಹಳ್ಳಿ ಕಾವಲ್ ಬಳಿ ಜ.16ರಂದು ಗುಂಡಿಕ್ಕಿ ಹತ್ಯೆ ಮಾಡಲಾಗಿತ್ತು. ಸಂತೋಷ್​ಗೆ ಹೊರಗಡೆ ಶತ್ರುಗಳು ಯಾರೂ ಇರಲಿಲ್ಲ ಎಂಬುದು ಮೇಲ್ನೋಟಕ್ಕೆ ಕಂಡು ಬಂದಿತ್ತು. ಆದರೆ ಈ ಕೊಲೆ ಮಾಡಿದ್ದು ಯಾರು? ಏಕೆ? ಎಂದು ಪ್ರಕರಣ ಬೆನ್ನತ್ತಿದ್ದ ಹಾಸನ ಗ್ರಾಮಾಂತರ ಠಾಣೆ ಪೊಲೀಸರು, ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಇದನ್ನೂ ಓದಿರಿ ಯಡಿಯೂರಪ್ಪನ ಬಂಡವಾಳ ನನ್ನ ಕೈಯಲ್ಲಿದೆ, ನನ್ನ ತಂಟೆಗೆ ಬಂದರೆ ಹುಷಾರ್​! ಸಿಎಂಗೆ ಎಚ್​ಡಿಕೆ ವಾರ್ನಿಂಗ್​

ಆಲೂರು ತಾಲೂಕಿನ ಕೆ.ಹೋಸಕೋಟೆಯ ಸುದಿನ್ ಕುಮಾರ್ ಅಲಿಯಾಸ್ ಆದರ್ಶ ಪ್ರಮುಖ ಆರೋಪಿ. ಈತ ಸಂತೋಷ್​ನ ಬಾಮೈದುನ. ಸುದಿನ್​ ಜತೆಗೆ ಮಡಿಕೇರಿಯ ಅನುಕೂಲ್, ಬಿ.ಎಸ್. ಸುರೇಶ, ಎಚ್.ಬಿ. ಸತೀಶ್ ಬಂಧಿತ ಆರೋಪಿಗಳು. ಸುದಿನ್​ನ ಅಕ್ಕ ಜಯಶ್ರೀಯನ್ನು 13 ವರ್ಷದ ಹಿಂದೆ ಸಂತೋಷ್​ ಪ್ರೀತಿಸಿ‌ ಮದುವೆಯಾಗಿದ್ದ. ಈ ದಂಪತಿಗೆ 2 ಮಕ್ಕಳಿವೆ. ಸಂತೋಷ್​ ಪ್ರತಿದಿನ ಕುಡಿದು ಪತ್ನಿಗೆ ಕಿರುಕುಳ ನೀಡುತ್ತಿದ್ದ. ಈ ವಿಚಾರವಾಗಿ ಸಾಕಷ್ಟು ಬಾರಿ ರಾಜಿ ಸಂಧಾನ ಮಾಡಲಾಗಿತ್ತಾದರೂ ಸರಿಹೋಗಿರಲಿಲ್ಲ. ಅಲ್ಲದೆ ಆತನ ಒಂದು​ ವರ್ಷದಿಂದ ಕೆಲಸಕ್ಕೂ ಹೋಗುತ್ತಿರಲಿಲ್ಲ. ತನ್ನ ಅಕ್ಕನ ಜೀವನ ಹಾಳು ಮಾಡುತ್ತಿದ್ದಾನೆ ಭಾವ ಸಂತೋಷ್​ ಮೇಲೆ ಜಯಶ್ರೀ ತಮ್ಮ ಸುದಿನ್​ ಕೋಪಗೊಂಡಿದ್ದ. ಇದನ್ನೂ ಓದಿರಿ ಸೆಕ್ಸ್​ಗಾಗಿ ಮಾರಾಮಾರಿ! ಮಚ್ಚುಬೀಸಿದ ಪರಸ್ತ್ರೀ, ಆತನ ಕುಟುಂಬಸ್ಥರು ಆಕೆಯ ಕಾಲನ್ನೆ ಕತ್ತರಿಸಿದರು…

ಅಕ್ಕನಿಗೆ ಹಿಂಸೆ ನೀಡುತ್ತಿದ್ದ ಭಾವನನ್ನು ಮುಗಿಸಲು ಸಂಚುರೂಪಿಸಿದ್ದ ಸುದಿನ್ ತಂಡ​, ಜ.15ರಂದು ಭಾವ ಸಂತೋಷ್​ನನ್ನು ಪಾರ್ಟಿ ಮಾಡೋ ನೆಪದಲ್ಲಿ ಹೂವಿನಹಳ್ಳಿ ಕಾವಲ್ ನಿರ್ಜನ ಪ್ರದೇಶಕ್ಕೆ ಕರೆಸಿಕೊಂಡಿತ್ತು. ಆ ವೇಳೆ ಅನುಕೂಲ್ ಪಿಸ್ತೂಲ್​ನಿಂದ ಸಂತೋಷ್​ನತ್ತ 8 ಸುತ್ತು ಗುಂಡು ಹಾರಿಸಿದ್ದು, ಇದರಲ್ಲಿ ಇದರಲ್ಲಿ 5 ಗುಂಡು ಸಂತೋಷ್ ದೇಹ ಹೊಕ್ಕಿ‌ದ್ದು, ಆತ ಸ್ಥಳದಲ್ಲೇ ಸಾವನ್ನಪ್ಪಿದ್ದಾನೆ ಎಂದು ಪ್ರಾಥಮಿಕ ತನಿಖೆಯಲ್ಲಿ ಬಯಲಾಗಿದೆ.

ಆರೋಗಳಿಂದ ಕೃತ್ಯಕ್ಕೆ ಬಳಸಿದ್ದ 1 ರಿವಾಲ್ವರ್, 29 ಸಜೀವ ಗುಂಡುಗಳು, 1 ಡಸ್ಟರ್ ಕಾರನ್ನ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

https://www.vijayavani.net/yogeshwar-said-kumaraswamy-is-my-friend/

https://www.vijayavani.net/lorry-and-tempo-travel-accident-in-ittigatti-11-people-was-death/

https://www.vijayavani.net/tipper-lorry-and-tempo-travel-acident-case-13-people-death-in-dharavada/