ಸೈಫ್ ಅಲಿಖಾನ್ ಆಗಸ್ಟ್ 16ಕ್ಕೆ 50 ವರ್ಷದ ಜನ್ಮದಿನ ಆಚರಿಸಿಕೊಂಡರು. ಕರೊನಾ ಹಿನ್ನೆಲೆಯಲ್ಲಿ ಸರಳವಾಗಿ ಮನೆಯಲ್ಲಿಯೇ ಕುಟುಂಬಸ್ಥರ ಜತೆ ಸೇರಿ ಸೆಲೆಬ್ರೇಟ್ ಮಾಡಿಕೊಂಡರು. ಪತ್ನಿ ಕರೀನಾ ಕಪೂರ್ ಖಾನ್ ಸೇರಿ ಕೆಲವೇ ಕೆಲವು ಮಂದಿಯ ಸಮ್ಮುಖದಲ್ಲಿ ಕೇಕ್ ಕತ್ತರಿಸಿ ಹಾಫ್ ಸೆಂಚುರಿ ಬಾರಿಸಿದರು. ಇನ್ನು ಸೆಲೆಬ್ರಿಟಿಗಳ ಬರ್ತ್ಡೇ ಅಂದರೆ ಕೇಳಬೇಕೇ, ಅಲ್ಲಿ ವಿಶೇಷವಾದ ಉಡುಗೊರೆ ಇರಲೇಬೇಕಲ್ಲವೇ.. ಹೌದು, ಪತ್ನಿ ಕರೀನಾ ಅಷ್ಟೇ ವಿಶೇಷವಾದ ಉಡುಗೊರೆಯನ್ನೇ ಸೈಫ್ಗೆ ನೀಡಿದ್ದಾರೆ.
ಇದನ್ನೂ ಓದಿ: ಜನರೇಷನ್ ಗ್ಯಾಪ್ನಲ್ಲಿ ಚೌಕಾಬಾರ! ಚಿತ್ರೀಕರಣಕ್ಕೆ ಮತ್ತೆ ಚಾಲನೆ
ವಿಶೇಷವಾದ ಉಡುಗೊರೆಯೊಂದನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿರುವ ಕರೀನಾ ಪ್ರೀತಿಯ ಪತಿಗೆ ಸರ್ಫ್ರೈಸ್ ನೀಡಿದ್ದಾರೆ. ಸೈಫ್ ಅವರ ಬಾಲ್ಯದ ಫೋಟೋಗಳಿಂದ ಹಿಡಿದು ಈಗಿನ ಫೋಟೋಗಳನ್ನೆಲ್ಲ ವಿಡಿಯೋ ರೂಪದಲ್ಲಿ ಜೋಡಿಸಿ ಹಂಚಿಕೊಂಡಿದ್ದಾರೆ. ಅಚ್ಚರಿ ವಿಚಾರ ಏನೆಂದರೆ, 50 ವರ್ಷದ ಆ ಸವಿನೆನಪಿಗೆ ಬರೋಬ್ಬರಿ 22 ನಿಮಿಷದ ವಿಡಿಯೋವನ್ನು ಸೈಫ್ಗೆ ತೋರಿಸಿದ್ದರು. ಜಾಳತಾಣಗಳಿಗೆ ಅಪ್ಲೋಡ್ ಮಾಡಲೆಂದೆ ಅದನ್ನು 3 ನಿಮಿಷಕ್ಕೆ ಟ್ರಿಮ್ ಮಾಡಿದ್ದಾರೆ.
ಇದನ್ನೂ ಓದಿ: ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಆರೋಗ್ಯದಲ್ಲಿ ಮತ್ತಷ್ಟು ಚೇತರಿಕೆ; ವೈದ್ಯರಿಂದ ಭರವಸೆ
‘ಸೈಫ್ 50ನೇ ವರ್ಷದ ಜನ್ಮದಿನಕ್ಕೆ 50 ವರ್ಷದ ಅವರ ಬದುಕನ್ನು ತೋರಿಸಬೇಕೆಂದು 22 ನಿಮಿಷದ ವಿಡಿಯೋ ಮಾಡಿದ್ದೆ. ಅದು ತುಂಬ ಸುದೀರ್ಘವಾಗಿತ್ತು. ಇದೀಗ 50 ಫೋಟೋಗಳಿರುವ ವಿಡಿಯೋವನ್ನು ಹಂಚಿಕೊಳ್ಳುತ್ತಿದ್ದೇನೆ. ಐ ಲವ್ ಯೂ ಮೈ ಲವ್’ ಎಂದಿದ್ದಾರೆ. (ಏಜೆನ್ಸೀಸ್)
ಮರಣೋತ್ತರ ವಿಶೇಷ ಪ್ರಶಸ್ತಿಗೆ ಭಾಜನರಾಗುತ್ತಿದ್ದಾರೆ ಸುಶಾಂತ್; ಯಾವುದಾ ಅವಾರ್ಡ್ ಗೊತ್ತಾ?