ತೆಲುಗು ಚಿತ್ರದ ಪೋಸ್ಟರ್ ಕಾಪಿ ಹೊಡೆಯಿತೇ ಪ್ರಭಾಸ್​ ರಾಧೆ ಶ್ಯಾಮ್​?

ಪ್ರಭಾಸ್ ನಟನೆಯ ರಾಧೆ ಶ್ಯಾಮ್​ ಚಿತ್ರದ ಮೊದಲ ಲುಕ್​ ನಿನ್ನೆಯಷ್ಟೇ ಬಿಡುಗಡೆಯಾಗಿದೆ. ಫಸ್ಟ್​ಲುಕ್​ ಮೂಲಕವೇ ಸಖತ್​ ಸುದ್ದಿ ಸಹ ಮಾಡಿದೆ. ಟ್ವಿಟರ್​ನಲ್ಲಿಯೂ ಟ್ರೆಂಡ್​ ಆಗಿತ್ತು ರಾಧೆ ಶ್ಯಾಮ್​ ಪೋಸ್ಟರ್. ಅಷ್ಟೇ ಅಲ್ಲ ಅದೇ ಪೋಸ್ಟರ್​ನನ್ನು ಅಸ್ಸಾಂ ಪೊಲೀಸ್​ ಇಲಾಖೆ ಜಾಗೃತಿ ಕಾರ್ಯಕ್ಕೂ ಬಳಸಿಕೊಂಡಿತ್ತು. ಇದೀಗ ಇದೇ ತಂಡ ಪೋಸ್ಟರ್​ ವಿಚಾರದಲ್ಲಿ ಕಾಪಿ ಹೊಡೆದಿದೆಯಾ ಎಂಬ ಮಾತುಗಳು ಕೇಳಿಬರುತ್ತಿವೆ.

2015ರಲ್ಲಿ ತೆಲುಗಿನಲ್ಲಿ ‘ಕಾಂಚೆ’ ಶೀರ್ಷಿಕೆಯ ಸಿನಿಮಾ ತೆರೆಕಂಡಿತ್ತು. ಮುಖ್ಯಭೂಮಿಕೆಯಲ್ಲಿ ವರುಣ್​ ತೇಜ ನಾಯಕನಾಗಿ ನಟಿಸಿದ್ದರು. ಇದೀಗ ಕಾಂಚೆ ಚಿತ್ರದ ಪೋಸ್ಟರ್​ಗೂ ಮತ್ತು ರಾಧೆ ಶ್ಯಾಮ್​ ಪೋಸ್ಟರ್​ನಲ್ಲಿ ಸಾಮ್ಯತೆ ಕಂಡು ಬಂದಿದ್ದು, ಸೋಷಿಯಲ್​ ಮೀಡಿಯಾದಲ್ಲಿ ಚರ್ಚೆಗೆ ವಿಷಯವಾಗಿದೆ.

ಇದನ್ನೂ ಓದಿ: ರಾಧೆ ಶ್ಯಾಮ್​ಗೂ ಮಾಸ್ಕ್​: ಇದು ಯಾರು ಮಾಡಿದ ಕೆಲಸ ಗೊತ್ತೆ?

ಮುಖ್ಯವಾದ ವಿಚಾರ ಏನೆಂದರೆ, ಕಾಂಚೆ ಚಿತ್ರದ ಪೋಸ್ಟರ್​ನಲ್ಲಿನ ಭಂಗಿಗೂ ಮತ್ತು ರಾಧೆ ಶ್ಯಾಮ್​ ಚಿತ್ರದಲ್ಲಿನ ಭಂಗಿ ಒಂದೇ ಥರ ಗೋಚರಿಸುತ್ತದೆ. ಕಲರ್​ ಕಾಂಬಿನೇಷನ್​ನಲ್ಲೂ ಎರಡೂ ಪೋಸ್ಟರ್​ಗಳಲ್ಲಿ ಕೆಂಪು ಬಣ್ಣವೇ ಹೈಲೈಟ್​. ಜತೆಗೆ ಕಾಂಚೆ ಸಿನಿಮಾ ಪಿರಿಯಡ್​ ಡ್ರಾಮಾ ಶೈಲಿಯಲ್ಲಿ ಸಿದ್ಧವಾಗಿತ್ತು. ಅದೇ ಥರಹ ರಾಧೆ ಶ್ಯಾಮ್​ ಸಹ ಪೀರಿಯಡ್ ಡ್ರಾಮಾ ಶೈಲಿಯ ಸಿನಿಮಾ ಎಂದು ಈ ಹಿಂದೆ ನಿರ್ದೇಶಕರು ಸುಳಿವು ನೀಡಿದ್ದರು. ಹೊಸ ಪೋಸ್ಟರ್​ನಲ್ಲಿ ಇಟಲಿಯ ಬ್ಯಾಕ್​ಡ್ರಾಪ್​ ಸಹ ಕುತೂಹಲ ಮೂಡಿಸುತ್ತಿದೆ.

ಇದನ್ನೂ ಓದಿ: ನೀ ಹಾಳಾಗಿ ಹೋಗ್ತೀಯ ಅಂತ ಅನುಪಮ್​ಗೆ ಹಲವರು ಹೇಳಿದ್ದರಂತೆ …

ಒಟ್ಟಿನಲ್ಲಿ ಪೋಸ್ಟರ್​ವೊಂದರಿಂದಲೇ ಸಾಕಷ್ಟು ಚರ್ಚೆಗೆ ಕಾರಣವಾಗಿರುವ ರಾಧೆ ಶ್ಯಾಮ್​ ಚಿತ್ರ ಶೂಟಿಂಗ್​ ಯಾವಾಗಿನಿಂದ ಆರಂಭಿಸಲಿದೆ ಎಂಬ ಬಗ್ಗೆ ಮಾಹಿತಿ ಇಲ್ಲ. ಕರೊನಾ ಹಿನ್ನೆಲೆಯಲ್ಲಿ ಅಭಿಮಾನಿಗಳಿಗೆ ನಿರಾಸೆ ಆಗಬಾರದೆಂಬ ಕಾರಣಕ್ಕೆ ಪೋಸ್ಟರ್​ ಬಿಡುಗಡೆ ಮಾಡಿ ಸಂತಸಪಡಿಸಿದೆ. ಎಲ್ಲ ಅಂದುಕೊಂಡಂತೆ ಆದರೆ, 2021ರ ಆರಂಭ ಅಥವಾ 2021ರ ಆಗಸ್ಟ್ ವೇಳೆಗೆ ಸಿನಿಮಾ ಬಿಡುಗಡೆ ಆಗಲಿದೆ ಎನ್ನಲಾಗುತ್ತಿದೆ. ರಾಧಾಕೃಷ್ಣ ಈ ಚಿತ್ರ ನಿರ್ದೇಶಿಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/powerstar-punith-rajkumar-liked-shiva58-song/