ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ಬರ್ತ್ಡೇ ಸಂಭ್ರಮಕ್ಕೆ ಕ್ಷಣಗಣನೆ ಶುರುವಾಗಿದೆ. ಕರೊನಾ ಹಿನ್ನೆಲೆಯಲ್ಲಿ ಈ ಬಾರಿಯ ಜನ್ಮದಿನಕ್ಕೆ ಬ್ರೇಕ್ ಹಾಕಿರುವ ಶಿವಣ್ಣ, ಅಭಿಮಾನಿಗಳಿಗೂ ಮನೆಯಲ್ಲಿಯೇ ಇರಿ ಸುರಕ್ಷಿತವಾಗಿರಿ ಎಂದು ಮನವಿ ಮಾಡಿದ್ದಾರೆ. ಆವತ್ತು ನಾನು ಮನೆಯಲ್ಲಿ ಇರುವುದಿಲ್ಲ ಎಂದೂ ಹೇಳಿದ್ದಾರೆ. ಅದನ್ನು ಗಮನದಟ್ಟಿಕೊಂಡ ಅಭಿಮಾನಿಗಳು ಸೋಷಿಯಲ್ ಮೀಡಿಯಾಗಳಲ್ಲಿಯೇ ನೆಚ್ಚಿನ ನಟನ ಜನ್ಮದಿನಕ್ಕೆ ವಿಶೇಷ ಉಡುಗೊರೆಗಳನ್ನು ನೀಡಲು ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ.
ಇದನ್ನೂ ಓದಿ: ರಾಧೆ ಶ್ಯಾಮ್ಗೂ ಮಾಸ್ಕ್: ಇದು ಯಾರು ಮಾಡಿದ ಕೆಲಸ ಗೊತ್ತೆ?
ಅಂದಹಾಗೆ, ಈಗಾಗಲೇ ಅಭಿಮಾನಿ ಗ್ರೂಪ್ಗಳು ಬಗೆಬಗೆ ಸಿಡಿಪಿ (ಕಾಮನ್ ಡಿಸ್ಪ್ಲೇ ಪಿಕ್ಚರ್) ಮಾಡಿ, ಎಲ್ಲೆಡೆ ಟ್ರೆಂಡ್ ಮಾಡುತ್ತಿದ್ದಾರೆ. ಸಿನಿಮಾತಂಡಗಳು ಟೀಸರ್, ಫಸ್ಟ್ಲುಕ್ ಬಿಡುಗಡೆ ಮಾಡುವ ಮುನ್ಸೂಚನೆ ನೀಡಿವೆ. ಅದೇ ರೀತಿ ಇಲ್ಲೊಂದು ಶಿವಣ್ಣ ಅಭಿಮಾನಿ ಬಳಗ ವಿಶೇಷವಾದ ಹಾಡನ್ನು ಹೊರತರಲು ಸಿದ್ಧತೆ ಮಾಡಿಕೊಂಡಿದೆ.
ವರುಣ್ ಕುಮಾರ್ ಗೌಡ ಮತ್ತು ಕಿರಿಕ್ ಕೀರ್ತಿ ಶಿವ@58 ಹೆಸರಿನ ಹಾಡನ್ನು ಈಗಾಗಲೇ ಸಿದ್ಧಪಡಿಸಿದ್ದು, ಪವರ್ಸ್ಟಾರ್ ಪುನೀತ್ ರಾಜ್ಕುಮಾರ್ ಇಂದು ಸಂಜೆ 5.30ಕ್ಕೆ ಆ ಹಾಡನ್ನು ಅನಾವರಣ ಮಾಡಲಿದ್ದಾರೆ. ಈಗಾಗಲೇ ಹಾಡನ್ನು ನೋಡಿ ಮೆಚ್ಚಿಕೊಂಡಿರುವ ಅಪ್ಪು, ಅಭಿಮಾನಿಗಳ ಈ ಕಾರ್ಯಕ್ಕೆ ಜೈ ಎಂದಿದ್ದಾರೆ.
ಇದನ್ನೂ ಓದಿ: ನೀ ಹಾಳಾಗಿ ಹೋಗ್ತೀಯ ಅಂತ ಅನುಪಮ್ಗೆ ಹಲವರು ಹೇಳಿದ್ದರಂತೆ …
ವರುಣ್ ಸ್ಟುಡಿಯೋಸ್ ಈ ಹಾಡನ್ನು ಸಿದ್ಧಪಡಿಸಿದ್ದು, ಗುಮಿನೆನೆ ವಿಜಯ್ ಸಂಗೀತ ನೀಡಿದ್ದಾರೆ. ಅನಿರುದ್ಧ ಶಾಸ್ತ್ರಿ ಹಾಡಿಗೆ ಧ್ವನಿ ನೀಡಿದ್ದು, ಭಜರಂಗಿ ಮೋಹನ್ ಸಾಹಿತ್ಯ ಒದಗಿಸಿದ್ದಾರೆ. ಫಿಲ್ಮೀ ಕಲ್ಟ್ ವಿನ್ಯಾಸದ ಕೆಲಸ ಮಾಡಿದೆ. ಕೀರ್ತಿ ಗೌಡ ಮತ್ತು ಪ್ರಜ್ವಲ್ ಲಿರಿಕಲ್ ವಿಡಿಯೋ ಡಿಸೈನ್ ಮಾಡಿದ್ದಾರೆ. ಕೃಷ್ಣ ಸಂಕಲನ ನಿಭಾಯಿಸಿದ್ದಾರೆ.