ಕಾಬುಲ್ ಮೇಲೆ ಮತ್ತೊಂದು ಆತಂಕವಾದಿ ದಾಳಿ ಸಾಧ್ಯತೆ: ಜೋ ಬಿಡೆನ್​

ವಾಷಿಂಗ್ಟನ್​/ಕಾಬುಲ್: ತಾಲಿಬಾನ್​ ಆಕ್ರಮಿತ ಅಫ್ಘಾನಿಸ್ತಾನವನ್ನು ತೊರೆದು ಬೇರೆ ದೇಶಗಳಲ್ಲಿ ಆಶ್ರಯ ಪಡೆಯಲು ತೆರವು ವಿಮಾನಗಳನ್ನೇರಲು ನೂಕುನುಗ್ಗಲುಂಟಾಗಿರುವ ಕಾಬುಲ್​ ವಿಮಾನ ನಿಲ್ದಾಣದಲ್ಲಿ ಮುಂದಿನ 24 ರಿಂದ 36 ಗಂಟೆಗಳಲ್ಲಿ ಎರಡನೇ ಆತಂಕವಾದಿ ದಾಳಿ ನಡೆಯುವ ಸಾಧ್ಯತೆ ಇದೆ ಎಂದು ಅಮೆರಿಕ ಅಧ್ಯಕ್ಷ ಜೋ ಬಿಡೆನ್​ ತಿಳಿಸಿದ್ದಾರೆ.

ತಾಲಿಬಾನ್​ ಆಡಳಿತಕ್ಕೆ ಹೆದರಿ ದೇಶ ತೊರೆಯುತ್ತಿರುವ ಜನರನ್ನು ತೆರವುಗೊಳಿಸುವ ಕಾರ್ಯವನ್ನು ಅಮೇರಿಕ ಮುಂದುವರಿಸಿದೆ. ಭಾರತಾದಿ ದೇಶಗಳು ತನ್ನ ನಾಗರೀಕರನ್ನು ಅಲ್ಲಿಂದ ತಂತಮ್ಮ ದೇಶಕ್ಕೆ ವಾಪಸ್​ ಕರೆತರುವ ಪ್ರಯತ್ನದಲ್ಲಿ. ಈ ಸಂದರ್ಭದಲ್ಲಿ ಹೆಚ್ಚು ಜನದಟ್ಟಣೆ ಹೊಂದಿರುವ ಕಾಬುಲ್​ ವಿಮಾನ ನಿಲ್ದಾಣಕ್ಕೆ ಉಗ್ರರ ದೃಷ್ಟಿ ತಾಗಿದೆ. ಅಲ್ಲಿನ ಪರಿಸ್ಥಿತಿ ಗಂಭೀರವಾಗಿದೆ.

ಇದನ್ನೂ ಓದಿ: 3 ಎಕರೆಗಾಗಿ ನಾಲ್ವರು ಸಹೋದರರ ಭೀಕರ ಹತ್ಯೆ: ನೋಡಲಾಗುತ್ತಿಲ್ಲ ಹೆತ್ತಾಕೆಯ ಕಣ್ಣೀರು- 9 ಮಂದಿ ಅರೆಸ್ಟ್‌

ಕಳೆದ ಗುರುವಾರ ನಡೆದ ಐಸಿಸ್​-ಕೆ ಆತ್ಮಾಹುತಿ ಬಾಂಬರ್​​ಗಳ ದಾಳಿಯಲ್ಲಿ 13 ಅಮೆರಿಕದ ಸೈನಿಕರು ಸೇರಿದಂತೆ ಸುಮಾರು 100 ಜನ ಮೃತಪಟ್ಟಿದ್ದಾರೆ. ಇದರಿಂದಾಗಿ ತೆರವು ಕಾರ್ಯಾಚರಣೆಗೆ ಹಿನ್ನಡೆ ಉಂಟಾಗಿದ್ದರೂ, ಮಂಗಳವಾರದವರೆಗೆ ಆದಷ್ಟು ಜನರನ್ನು ಹೊರಸಾಗಿಸುವುದಾಗಿ ಅಮೆರಿಕ ಹೇಳಿದೆ.

ಉಗ್ರರ ದಾಳಿಗೆ ಉತ್ತರವಾಗಿ ಶನಿವಾರ ಅಮೆರಿಕ, ಅಫ್ಘಾನಿಸ್ತಾನದ ಪೂರ್ವ ಪ್ರಾಂತ್ಯದಲ್ಲಿ ನಡೆಸಿದ ದ್ರೋಣ್​​ ದಾಳಿಯಲ್ಲಿ ಐಸಿಸ್​​ನ ಇಬ್ಬರು ಉನ್ನತ ಮಟ್ಟದ ಸದಸ್ಯರು ಮೃತಪಟ್ಟಿದ್ದಾರೆ ಎನ್ನಲಾಗಿದೆ. ಇತ್ತ ತೆರವು ಕಾರ್ಯ ಮುಗಿಯುವ ಮುನ್ನ ಕಾಬುಲ್​ ವಿಮಾನ ನಿಲ್ದಾಣದ ಮೇಲೆ ಮತ್ತೊಂದು ಉಗ್ರರ ದಾಳಿ ನಡೆಯಲಿದೆ ಎಂಬ ಮಾಹಿತಿಯನ್ನು ತಮ್ಮ ಕಮ್ಯಾಂಡೋಗಳು ನೀಡಿರುವುದಾಗಿ ಬಿಡೆನ್​ ತಿಳಿಸಿದ್ದಾರೆ. ಹೀಗಾಗಿ ನಿಲ್ದಾಣದ ಪ್ರಮುಖ ಸ್ಥಳಗಳಲ್ಲಿ ತಪಾಸಣೆಯನ್ನು ಹೆಚ್ಚಿಸಲಾಗಿದೆ ಎಂದಿದ್ದಾರೆ. (ಏಜೆನ್ಸೀಸ್)

https://www.vijayavani.net/eam-jaishankar-gives-details-of-people-evacuated-from-afghanistan/

https://www.vijayavani.net/makarasana-gives-relaxation-to-body-and-mind/

https://www.vijayavani.net/habitual-thief-caught-after-stealing-annammadevi-devotees-chain/