ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದ ಕಾರ್ಯದರ್ಶಿ ಇಲೆವೆನ್ ತಂಡ ನಿಗದಿತ 12 ಓವರ್ಗಳಲ್ಲಿ 3 ವಿಕೆಟ್ಗೆ 128 ರನ್ ಗಳಿಸಿತು. ಹೈದರಾಬಾದ್ ಕ್ರಿಕೆಟ್ ಸಂಸ್ಥೆ ಅಧ್ಯಕ್ಷರಾಗಿರುವ ಮಾಜಿ ಕ್ರಿಕೆಟಿಗ ಮೊಹಮದ್ ಅಜರುದ್ದೀನ್ 22 ಎಸೆತಗಳಲ್ಲಿ 37 ರನ್ ಬಾರಿಸಿದರು. ಸೌರಾಷ್ಟ್ರದ ಮಾಜಿ ಕ್ರಿಕೆಟಿಗ ಜಯ್ದೇವ್ ಷಾ ಅಜೇಯ 38 ರನ್ ಬಾರಿಸಿದರು. ಬಿಸಿಸಿಐ ಮಾಜಿ ಖಜಾಂಚಿ ಅನಿರುದ್ಧ ಚೌಧರಿ ಅಜೇಯ 10 ರನ್ ಗಳಿಸಿದರು. ಗಂಗೂಲಿ 26 ರನ್ಗೆ 1 ವಿಕೆಟ್ ಕಬಳಿಸಿದರು. ಪ್ರತಿಯಾಗಿ ಅಧ್ಯಕ್ಷರ ಇಲೆವೆನ್ 100 ರನ್ ಗಳಿಸಲಷ್ಟೇ ಶಕ್ತವಾಯಿತು. ಗಂಗೂಲಿ ಅವರ 53 ರನ್ಗಳ ಹೋರಾಟ ವ್ಯರ್ಥವಾಯಿತು. ಜಯ್ ಷಾ 39 ರನ್ಗೆ 2 ವಿಕೆಟ್ ಕಬಳಿಸಿ ಮಿಂಚಿದರು. ಗಂಗೂಲಿ ಕ್ಯಾಚ್ ಡ್ರಾಪ್ ಆಗದಿದ್ದರೆ ಜಯ್ ಷಾಗೆ 3ನೇ ವಿಕೆಟ್ ಕೂಡ ಒಲಿಯುತ್ತಿತ್ತು.
