ಏಷ್ಯನ್​ ಗೇಮ್ಸ್​ನಲ್ಲಿ ಐತಿಹಾಸಿಕ ಸಾಧನೆ: ಮೊದಲ ಬಾರಿಗೆ ನೂರು ಪದಕಗಳ ಗುರಿ ಮುಟ್ಟಿದ ಭಾರತ

ಹಾಂಗ್​ಝೌ: ‘ಅಬ್​ ಕಿ ಬಾರ್​, ಸೌ ಪಾರ್​’ (ಈ ಬಾರಿ ನೂರರ ಆಚೆ) ಎಂಬ ಟಾರ್ಗೆಟ್​ನೊಂದಿಗೆ ಏಷ್ಯನ್​ ಗೇಮ್ಸ್​​ 19ನೇ ಆವೃತ್ತಿಯನ್ನು ಆರಂಭಿಸಿದ ಭಾರತ ತನ್ನ ಗುರಿಯನ್ನು ಮುಟ್ಟುವ ಮೂಲಕ ಐತಿಹಾಸಿಕ ಸಾಧನೆ ಮಾಡಿದೆ. ಚೀನಾದ ತೈಪೈ ತಂಡದ ವಿರುದ್ಧ ಭಾರತದ ಮಹಿಳಾ ಕಬಡ್ಡಿ ತಂಡ ಫೈನಲ್​ನಲ್ಲಿ ಗೆದ್ದು, ಚಿನ್ನದ ಪದಕಕ್ಕೆ ಮುತ್ತಿಕುವುದರೊಂದಿಗೆ ಭಾರತ 100 ಪದಕಗಳ ಗುರಿಯನ್ನು ಮುಟ್ಟಿತು.

ನಿನ್ನೆ 95 ಪದಕಗಳೊಂದಿಗೆ ಆಟ ಮುಗಿಸಿದ್ದ ಭಾರತ ಇಂದು ಆರ್ಚರಿ ಸ್ಪರ್ಧೆಯಲ್ಲಿ 4 ಮತ್ತು ಕಬಡ್ಡಿಯಲ್ಲಿ 1 ಪದಕವನ್ನು ಗಳಿಸಿದೆ. ಇದೇ ಮೊದಲ ಬಾರಿಗೆ ಭಾರತ ನೂರು ಪದಕಗಳ ಗುರಿಯನ್ನು ಮುಟ್ಟಿದೆ. ಆರ್ಚರಿ ಸ್ಪರ್ಧೆಯಲ್ಲಿ 2 ಚಿನ್ನ ಮತ್ತು ಒಂದು ಬೆಳ್ಳಿ ಹಾಗೂ ಒಂದು ಕಂಚಿನ ಪದಕ ಭಾರತಕ್ಕೆ ಲಭಿಸಿದೆ. ಮಧ್ಯಾಹ್ನ 12.30ರಿಂದ ಪುರುಷರ ವಿಭಾಗದಲ್ಲಿ ಇರಾನ್​ ವಿರುದ್ಧ ಫೈನಲ್​ ಕಬಡ್ಡಿ ಸ್ಪರ್ಧೆ ನಡೆಯಲಿದೆ. ಅಲ್ಲದೆ, ಬೆಳಗ್ಗೆ 11.30ರಿಂದ ಪುರುಷರ ವಿಭಾಗದ ಕ್ರಿಕೆಟ್​ನಲ್ಲಿ ಭಾರತ ಅಫ್ಘಾನಿಸ್ತಾನ ವಿರುದ್ಧ ಫೈನಲ್​ನಲ್ಲಿ ಸೆಣಸಾಡಲಿದೆ. ಹಾಕಿ, ಚೆಸ್​ ಮತ್ತು ಬ್ಯಾಡ್ಮಿಂಟನ್​ನಿಂದ ತಲಾ ಒಂದೊಂದು ಪದಕ ಖಚಿತವಾಗಿದೆ. ಈ ಬಾರಿ ನೂರಕ್ಕಿಂತ ಹೆಚ್ಚು ಪದಕಗಳು ಖಚಿತವಾಗಿದೆ.

ಇದನ್ನೂ ಓದಿ: ಲಿಂಗಾಯತರ ಕಡೆಗಣನೆ ಕಲಬುರಗಿ ಘಟನೆಯೇ ಸಾಕ್ಷಿ ಎಂದ ಎಂಪಿ ಡಾ.ಜಾಧವ ಪಿಕೆ ವಿರುದ್ಧ ವಾಗ್ದಾಳಿ

ಇಂದು ಬೆಳಗ್ಗೆ 6.30ಕ್ಕೆ ನಡೆದ ಮಹಿಳೆಯರ ಕಂಪೌಂಡ್​ ಆರ್ಚರಿ ವಿಭಾಗದಲ್ಲಿ ಜ್ಯೋತಿ ಸುರೇಖಾ ಅವರು ದಕ್ಷಿಣ ಕೊರಿಯಾದ ಸೊ ಚೇವನ್ ಅವರನ್ನು 149-145 ಸ್ಕೋರ್​ನಿಂದ ಮಣಿಸಿ ಚಿನ್ನದ ಪದಕಕ್ಕೆ ಮುತ್ತಿಟ್ಟರು. ಅದೇ ರೀತಿ ಮಹಿಳೆಯರ ಕಂಪೌಂಡ್ ಆರ್ಚರಿ​ ವಿಭಾಗದಲ್ಲಿ ಅದಿತಿ ಗೋಪಿಚಂದ್ ಅವರು ಇಂಡೋನೇಷ್ಯಾದ ಜಿಲಿಝತ್ ಫಡ್ಲಿಯನ್ನು 146-140 ಸ್ಕೋರ್​ನಿಂದ ಮಣಿಸಿ ಕಂಚಿನ ಪದಕ ಜಯಿಸಿದರು.​

ಬೆಳಗ್ಗೆ 7.10ಕ್ಕೆ ನಡೆದ ಪುರುಷರ ಕಂಪೌಂಡ್ ಆರ್ಚರಿ​ ವಿಭಾಗ ಚಿನ್ನ-ಬೆಳ್ಳಿಗೆ ಅಭಿಷೇಕ್​ ವರ್ಮ ಮತ್ತು ಓಜಸ್​ ಡಿಯೋಟಾಲ್​ ಕಾದಾಟ ನಡೆಸಿದರು. ಇದರಲ್ಲಿ ಓಜಸ್​ ಡಿಯೋಟಾಲ್​ ಚಿನ್ನ ಪದಕ ಗಳಿಸಿದರೆ, ಅಭಿಷೇಕ್​ ವರ್ಮ ಬೆಳ್ಳಿ ಪದಕಕ್ಕೆ ಮುತ್ತಿಟ್ಟರು. ಓಜಸ್ 2023ರ ಏಷ್ಯನ್ ಗೇಮ್ಸ್‌ನಲ್ಲಿ ಪುರುಷರ ಕಾಂಪೌಂಡ್ ಫೈನಲ್ ಅನ್ನು ಗೆಲ್ಲುವ ಮೂಲಕ ತಮ್ಮ ಮೂರನೇ ಚಿನ್ನದ ಪದಕವನ್ನು ಗೆದ್ದಿದ್ದಾರೆ.

ಭಾರತ ಏಷ್ಯಾಡ್​ ಇತಿಹಾಸದಲ್ಲಿ ಮೊದಲ ಬಾರಿ 100ಕ್ಕೂ ಅಧಿಕ ಪದಕ ಗೆಲುವಿನ ದಾಖಲೆ ನಿರ್ಮಿಸಿದೆ. 2018ರಲ್ಲಿ 70 ಪದಕ ಗೆದ್ದಿದ್ದು ಇದುವರೆಗಿನ ಗರಿಷ್ಠ ಸಾಧನೆ ಆಗಿತ್ತು. ಭಾನುವಾರ ಕ್ರೀಡಾಕೂಟದ ಕೊನೆಯ ದಿನವಾಗಿದೆ. ಆದರೆ ಭಾರತದ ಕ್ರೀಡಾಸ್ಪರ್ಧೆಗಳು ಶನಿವಾರವೇ ಮುಕ್ತಾಯಗೊಳ್ಳಲಿವೆ. (ಏಜೆನ್ಸೀಸ್​)

https://www.vijayavani.net/ojas-jyothi-win-gold-as-india-near-100-medals-mark

https://www.vijayavani.net/the-great-khali-meets-rohit-sharma-has-a-message-for-pakistan

https://www.vijayavani.net/pakistan-defeat-netherlands-by-81-runs-start-wc-campaign-brightly