ನವದೆಹಲಿ: ಅತ್ಯುತ್ತಮ ಐಪಿಎಲ್ ಆವೃತ್ತಿಗಳಲ್ಲಿ ಒಂದಾದ 16ನೇ ಐಪಿಎಲ್ ಎಂ.ಎಸ್. ಧೋನಿ ಟ್ರೋಫಿ ಎತ್ತಿ ಹಿಡಿಯುವುದರೊಂದಿಗೆ ಯಶಸ್ವಿಯಾಗಿ ಮುಕ್ತಾಯವಾಗಿದೆ. ಈ ಬಾರಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಟ್ರೋಫಿ ಮುಡಿಗೇರಿಸಿಕೊಳ್ಳುವ ಮೂಲಕ 5ನೇ ಬಾರಿಗೆ ಪ್ರಶಸ್ತಿ ಗೆದ್ದು ದಾಖಲೆ ಬರೆದಿದೆ.
ಐಪಿಎಲ್ ಇತಿಹಾಸದಲ್ಲೇ ಅತ್ಯಧಿಕ
ಅನೇಕ ಹಳೆಯ ದಾಖಲೆಗಳು ಈ ಆವೃತ್ತಿಯಲ್ಲಿ ಮುರಿದಿವೆ. ಅದರಲ್ಲಿ ಟಿವಿ ವೀಕ್ಷಕರ ಸಂಖ್ಯೆಯು ಕೂಡ ಒಂದಾಗಿದೆ. ಇದೆಲ್ಲವೂ ಮಾರ್ಚ್ 31ರಂದು ಗುಜರಾತ್ ಟೈಟಾನ್ಸ್ (ಜಿಟಿ) ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್ಕೆ) ನಡುವಿನ ಮೊದಲ ಪಂದ್ಯದಿಂದಲೇ ಆರಂಭವಾಯಿತು. ಮೊದಲ ದಿನವೇ ಧೋನಿ 7 ಬಾಲ್ಗೆ 14 ರನ್ ಗಳಿಸಿ ಅಜೇಯರಾದರು. ಅಂದು ಜಿಟಿ ತವರಿನಲ್ಲಿ ಹಳದಿ ಸಮುದ್ರವೇ ಕಾಣುತ್ತಿತ್ತು. ಗುಜರಾತ್ನಲ್ಲಿ ನಡೆದ ಪಂದ್ಯದಲ್ಲಿ ಇಡೀ ಕ್ರೀಡಾಂಗಣದಲ್ಲಿ ಸಿಎಸ್ಕೆ ಅಭಿಮಾನಿಗಳ ಸಂಭ್ರಮವೇ ಮುಗಿಲು ಮುಟ್ಟಿತ್ತು. ಬಾರ್ಕ್ (ಬ್ರಾಡ್ಕಾಸ್ಟ್ ಆಡಿಯನ್ಸ್ ರಿಸರ್ಚ್ ಕೌನ್ಸಿಲ್) ಮೂಲಗಳ ಪ್ರಕಾರ ಮೊದಲ ದಿನವೇ ಟಿವಿ ವೀಕ್ಷಣೆಯಲ್ಲಿ 5.6 ಕೋಟಿಗೂ ಅಧಿಕ ಪೀಕ್ ಕಾನ್ಕರೆಂಟ್ (peak concurrent) ವೀಕ್ಷಣೆ ದಾಖಲಾಗಿತ್ತು. ಇದು ಐಪಿಎಲ್ ಇತಿಹಾಸದಲ್ಲೇ ಅತ್ಯಧಿಕವಾಗಿದೆ.
ಧೋನಿ ಮೇನಿಯಾ
ನಿಜ ಹೇಳಬೇಕೆಂದರೆ, ಈ ಬಾರಿಯ ಐಪಿಎಲ್, ಧೋನಿ ಮೇನಿಯಾವಾಗಿತ್ತು. ಎಲ್ಲ ಮಾದರಿ ಪಂದ್ಯಗಳಿಗೆ ನಿವೃತ್ತಿ ಘೋಷಿಸಿ ಐಪಿಎಲ್ನಲ್ಲಿ ಉಳಿದುಕೊಂಡಿರುವ ಧೋನಿ, ಐಪಿಎಲ್ಗೂ ನಿವೃತ್ತಿ ಹೇಳುವ ಹಂತದಲ್ಲಿದ್ದಾರೆ. ಹೀಗಾಗಿಯೇ ಈ ಬಾರಿ ಟೂರ್ನಿಯಲ್ಲಿ ಧೋನಿ ಅವರು ವಿಶೇಷ ಗಮನ ಸೆಳೆದರು. ಅಲ್ಲದೆ, ಧೋನಿ ಬ್ಯಾಟಿಂಗ್ ನೋಡುವುದಕ್ಕಾಗಿಯೇ ಈ ಆವೃತ್ತಿಯಲ್ಲಿ ಅವರ ಅಭಿಮಾನಿಗಳು ಟಿವಿ ಮುಂದೆ ಗಮ್ನಂತೆ ಅಂಟಿಕೊಂಡಿದ್ದರು. ಲಖನೌ ಸೂಪರ್ ಜೇಂಟ್ಸ್ ವಿರುದ್ಧದ ಪಂದ್ಯದಲ್ಲಿ ಫೈನಲ್ ಓವರ್ನಲ್ಲಿ ಮಾರ್ಕ್ವುಡ್ ಬೌಲಿಂಗ್ಗೆ ಬ್ಯಾಕ್ ಟು ಬ್ಯಾಕ್ ಸಿಕ್ಸರ್ ಬಾರಿಸಿದ್ದು ಎಲ್ಲರಿಗೂ ನೆನಪಿದೆ. ಈ ಆಟಕ್ಕೆ ಟಿವಿ ವೀಕ್ಷಣೆಯಲ್ಲಿ 5 ಕೋಟಿಗೂ ಅಧಿಕ ಪೀಕ್ ಕಾನ್ಕರೆಂಟ್ ವೀಕ್ಷಣೆ ದಾಖಲಾಗಿದೆ.
3.2 ಕೋಟಿ ಕನಿಷ್ಠ ಪೀಕ್ ಕಾನ್ಕರೆಂಟ್ ವೀಕ್ಷಣೆ
ಈ ವರ್ಷ ಟಿವಿ ವೀಕ್ಷಕರ ಸಂಖ್ಯೆಯಲ್ಲಿ ಹಿಂದಿನ ಎಲ್ಲ ಮಾದರಿಯ ದಾಖಲೆಗಳನ್ನು ಮುರಿದಿವೆ. ಲೀಗ್ ಹಂತದಲ್ಲಿ 66 ಪಂದ್ಯಗಳಲ್ಲಿ 40 ಪಂದ್ಯಗಳು 3 ಕೋಟಿಗೂ ಅಧಿಕ ಪೀಕ್ ಕಾನ್ಕರೆಂಟ್ ವೀಕ್ಷಣೆಯನ್ನು ಹೊಂದಿದೆ. 66 ಪಂದ್ಯಗಳವರೆಗೂ ಸಿಎಸ್ಕೆ ಆಡಿದ ಪಂದ್ಯಗಳನ್ನು ಗಮನಿಸಿದರೆ, ಒಂದು ಪಂದ್ಯವನ್ನು ಹೊರತುಪಡಿಸಿದರೆ ಉಳಿದ ಎಲ್ಲ ಪಂದ್ಯಗಳು 3.2 ಕೋಟಿ ಕನಿಷ್ಠ ಪೀಕ್ ಕಾನ್ಕರೆಂಟ್ ವೀಕ್ಷಣೆ ಹೊಂದಿವೆ.
ಇದುವೆರೆಗೂ ನಾವು ನೋಡಿದ ಐಪಿಎಲ್ನಲ್ಲಿ ಈ ಬಾರಿಯ ಐಪಿಎಲ್ ಆವೃತ್ತಿ ಅನೇಕ ಕಾರಣಗಳಿಂದ ಅತ್ಯುತ್ತಮ ಐಪಿಎಲ್ ಎನಿಸಿಕೊಂಡಿದೆ. ಆ ಕಾರಣಗಳು ಈ ಕೆಳಕಂಡಂತಿವೆ.
* ಇದು ಧೋನಿ ಅವರ ಕೊನೆಯ ಐಪಿಎಲ್ ಇರಬಹುದು ಎಂಬ ಭಾವನೆ. ಆದರೆ, ಟ್ರೋಫಿ ಗೆದ್ದ ಬಳಿಕ ನಿವೃತ್ತಿಯ ಬಗ್ಗೆ ಮಾತನಾಡಿದ ಧೋನಿ ಮತ್ತೊಂದು ಆವೃತ್ತಿ ಐಪಿಎಲ್ ಆಡುವ ಆಸೆ ವ್ಯಕ್ತಪಡಿಸಿ, ಊಹಾಪೋಹಕ್ಕೆ ತೆರೆ ಎಳೆದರು.
* ಶುಭಮನ್ ಗಿಲ್, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ಫಾಫ್ ಡುಪ್ಲೆಸಿಸ್, ಕಾನ್ವೇ, ರುತುರಾಜ್ ಗಾಯಕವಾಡ್ ಅವರ ಅಮೋಘ ಬ್ಯಾಟಿಂಗ್ ಫಾರ್ಮ್
* ಭವಿಷ್ಯದ ಆಟಗಾರರಾದ ಯಶಸ್ಸಿ ಜೈಸ್ವಾಲ್ ಮತ್ತು ರಿಂಕ್ ರಾಜ್ ಬ್ಯಾಟಿಂಗ್ ಪ್ರದರ್ಶನ
* ಮೊಹಮ್ಮದ್ ಶಮಿ, ಮೋಹಿತ್ ಶರ್ಮ, ರಶೀದ್ ಖಾನ್, ಚಾವ್ಲಾ ಮತ್ತು ಚಹಾಲ್ ಬೌಲಿಂಗ್ ಲಯ
ಇದನ್ನೂ ಓದಿ: ಮೊಬೈಲ್ ಪತ್ತೆಗೆ ಡ್ಯಾಂ ನೀರು ಖಾಲಿ ಮಾಡಲು ಮೌಖಿಕ ಆದೇಶ ಕೊಟ್ಟ ಅಧಿಕಾರಿಗೆ ಬಿತ್ತು ಭಾರೀ ದಂಡ!
ದಿಗ್ಭ್ರಮೆಗೊಳಿಸುವಂತಿದೆ ಟಿವಿ ವೀಕ್ಷಣೆ
* ಐಪಿಎಲ್ ಆರಂಭದ ಪಂದ್ಯದ ಪೀಕ್ ಕಾನ್ಕರೆಂಟ್ ವೀಕ್ಷಣೆ 5.6 ಕೋಟಿಗೂ ಅಧಿಕ
* ಈ ವರ್ಷ 66 ಪಂದ್ಯಗಳಲ್ಲಿ 44 ಪಂದ್ಯಗಳು 3 ಕೋಟಿಗೂ ಅಧಿಕ ಪೀಕ್ ಕಾನ್ಕರೆಂಟ್ ವೀಕ್ಷಣೆ ಪಡೆದಿವೆ
* ಈ ವರ್ಷದ ಐಪಿಎಲ್ನಲ್ಲಿ ಹಿಂದಿನ ಎಲ್ಲಾ ವೀಕ್ಷಕರ ದಾಖಲೆಗಳು ಪುಡಿಪುಡಿಯಾಗಿದ್ದು, ಮೊದಲ 66 ಪಂದ್ಯಗಳಿಗೆ 48.2 ಕೋಟಿ ವೀಕ್ಷಕರು ಪಂದ್ಯಗಳನ್ನು ಕಣ್ತುಂಬಿಕೊಂಡಿದ್ದಾರೆ
* ಈ ಐಪಿಎಲ್ 350 ಬಿಲಿಯನ್ ಮಿನಿಟ್ ವಾಚ್ ಟೈಮ್ ದಾಖಲೆ ಬರೆದಿದೆ.
ಶುಭಮನ್ ಗಿಲ್ನಿಂದ ಯಶಸ್ವಿ ಜೈಸ್ವಾಲ್ವರೆಗೆ: IPL 2023 ಸೀಸನ್ನ ಪ್ರಶಸ್ತಿ ವಿಜೇತರ ಪಟ್ಟಿ ಇಲ್ಲಿದೆ…
IPL 2023 | ಸಾರ್ವಕಾಲಿಕ ದಾಖಲೆ ಬರೆದ ಸ್ಟಾರ್ ಸ್ಪೋರ್ಟ್; 41.1 ಕೋಟಿ ಜನ ವೀಕ್ಷಕರು, 31600 ಕೋಟಿ ನಿಮಿಷ ವೀಕ್ಷಣೆ