1 ಲಕ್ಷ ಕೋಟಿ ರೂ. ದಾಟಿದ ಭಾರತದ ರಕ್ಷಣಾ ಉತ್ಪಾದನೆ; ಐತಿಹಾಸಿಕ ಸಾಧನೆ

ನವದೆಹಲಿ: ಮಹತ್ವದ ಸಾಧನೆಯೊಂದರಲ್ಲಿ, 2022-23ರ ಹಣಕಾಸು ವರ್ಷದಲ್ಲಿ ಭಾರತದ ರಕ್ಷಣಾ ಉತ್ಪಾದನೆಯ ಮೌಲ್ಯ ಒಂದು ಲಕ್ಷ ಕೋಟಿ ರೂ.ಗಳನ್ನು ದಾಟಿ, ಹೊಸ ಸಾಧನೆ ದಾಖಲಿಸಿದೆ.

ದೇಶದ ರಕ್ಷಣಾ ಉತ್ಪಾದನಾ ಮೌಲ್ಯ ಪ್ರಸ್ತುತ 1,06,800 ಕೋಟಿ ರೂ.ಗಳಷ್ಟಿದೆ ಎಂದು ಕೇಂದ್ರ ಸರ್ಕಾರ ಹೇಳಿದೆ. ಉಳಿದ ಖಾಸಗಿ ರಕ್ಷಣಾ ಉದ್ಯಮಗಳು ತಮ್ಮ ಮಾಹಿತಿಯನ್ನು ಹಂಚಿಕೊಂಡಾಗ ಈ ಪ್ರಮಾಣ ಮತ್ತಷ್ಟು ಹೆಚ್ಚಾಗುವ ನಿರೀಕ್ಷೆ ಇದೆ. 2021-22ರಲ್ಲಿ 95,000 ಕೋಟಿ ರೂ. ಇತ್ತು. ಈಗ ಶೇಕಡಾ 12ಕ್ಕಿಂತ ಹೆಚ್ಚು ಏರಿಕೆ ಕಂಡಿದೆ.

ರಕ್ಷಣಾ ಉದ್ಯಮಗಳ ಜತೆ ಸರ್ಕಾರದ ನಿರಂತರ ಸಮಾಲೋಚನೆ, ಅವರು ಎದುರಿಸುತ್ತಿರುವ ಸಮಸ್ಯೆಗಳ ಪರಿಹಾರ, ಹಲವಾರು ನೀತಿಗಳ ಸುಧಾರಣೆ ಇವೆಲ್ಲವೂ ಈ ಮೈಲಿಗಲ್ಲನ್ನು ಸಾಧಿಸಲು ಸಹಾಯಕವಾಗಿವೆ. ರಕ್ಷಣಾ ಉತ್ಪನ್ನಗಳ ಪೂರೈಕೆ ಸರಪಳಿಗೆ ಸ್ಟಾರ್ಟ್‌ಅಪ್‌ಗಳು ಮತ್ತು ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಕೈಗಾರಿಕೆಗಳ (ಎಂಎಸ್‌ಎಂಇ) ಸೇರ್ಪಡೆಯು ಮಹತ್ವದ ಸಾಧನೆಯನ್ನು ಸಾಧಿಸಲು ಕೊಡುಗೆ ನೀಡಿದೆ. ಕಳೆದ ಕೆಲವು ವರ್ಷಗಳಲ್ಲಿ ಮೇಕ್ ಇನ್ ಇಂಡಿಯಾ ಪರಿಕಲ್ಪನೆ ಕೂಡ ಇದಕ್ಕೆ ತನ್ನದೇ ಆದ ಕೊಡುಗೆ ಕೊಟ್ಟಿದೆ. ಜತೆಗೆ ಈ ಕ್ಷೇತ್ರದಲ್ಲಿ ಉದ್ಯೋಗಾವಕಾಶವೂ ಹೆಚ್ಚಾಗಿದೆ ಎಂದು ಅಧಿಕೃತ ಹೇಳಿಕೆ ತಿಳಿಸಿದೆ.

https://www.vijayavani.net/2000-note-will-not-be-legal-tender

https://www.vijayavani.net/umpire-saves-7-yr-old-boy-from-dust-devil-during-baseball-game

https://www.vijayavani.net/meta-is-not-done-with-layoffs