ಮತಕಳ್ಳತನ ಆರೋಪ ; ಇದು ದಾರಿ ತಪ್ಪಿಸುವ ತಂತ್ರ ಎಂದ ಚುನಾವಣಾ ಆಯೋಗ |vote chori

Vote chori: ಚುನಾವಣಾ ಆಯೋಗದ ವಿರುದ್ಧ ಬೃಹತ್ ಪ್ರತಿಭಟನೆ ನಡೆಸಿದ ವಿಪಕ್ಷ ನಾಯಕರುಗಳ ಆರೋಪದ ಸತ್ಯಾಸತ್ಯತೆಯನ್ನು ಭಾರತೀಯ ಚುನಾವಣಾ ಆಯೋಗ (ECI) ಸೋಮವಾರ (ಆಗಸ್ಟ್ 12) ಪರಿಶೀಲಿಸಿದ್ದು, ಮತ ಚೋರಿ (ಮತ ವಂಚನೆ) ಆರೋಪಗಳನ್ನು ತಳ್ಳಿಹಾಕಿರುವುದಾಗಿ ವರದಿಯಾಗಿದೆ.

ಇದನ್ನೂ ಓದಿ:ರಾಜಣ್ಣ ವಜಾ ಪಕ್ಷದ ತೀರ್ಮಾನ; ನನಗೂ ನೋವಾಗಿದೆ: DK ಶಿವಕುಮಾರ್

ಆಯೋಗ ತನ್ನ ಅಧಿಕೃತ ಎಕ್ಸ್ ಖಾತೆಯಲ್ಲಿ ಈ ಕುರಿತು ಪೊಸ್ಟ್​​​ ಹಂಚಿಕೊಂಡಿದ್ದು, ರಾಹುಲ್ ಗಾಂಧಿ,  ಇಂಡಿಯಾ ಬ್ಲಾಕ್ ನಾಯಕರಿಗೆ ಧನ್ಯವಾದಗಳನ್ನು ಅರ್ಪಿಸಿರುವ ಪೋಸ್ಟ್‌ನ ಸ್ಕ್ರೀನ್‌ಶಾಟ್ ಅನ್ನು ಪೋಸ್ಟ್ ಮಾಡಿ, ಮತ ಕಳ್ಳತನದ ಆರೋಪ ತಪ್ಪುದಾರಿಗೆಳೆಯುವ ತಂತ್ರ ಎಂದಿದೆ.

ವಿರೋಧ ಪಕ್ಷದ ಮತ ವಂಚನೆ ಆರೋಪಗಳನ್ನು ತಿರಸ್ಕರಿಸಿದ ಚುನಾವಣಾ ಆಯೋಗ, ಬಿಹಾರ ವಿಶೇಷ ತೀವ್ರ ಪರಿಷ್ಕರಣೆ (SIR) ಯೋಜನೆಯನ್ನು ರೂಪಿಸುವಾಗ ಪಾರದರ್ಶಕತೆಯನ್ನು ಖಚಿತಪಡಿಸಿಕೊಳ್ಳಲು ತೆಗೆದುಕೊಂಡ ಕ್ರಮಗಳನ್ನು ವಿವರಿಸುವ ವಿಡಿಯೋ ಮತ್ತು ದಾಖಲೆ ಲಿಂಕ್‌ಗಳನ್ನು ಹಂಚಿಕೊಂಡಿದೆ. ಈ ಕ್ರಮವನ್ನು ವಿರೋಧ ಪಕ್ಷಗಳು ತೀವ್ರವಾಗಿ ಆಕ್ಷೇಪಿಸಿದ್ದು, ಬಿಜೆಪಿಯ ಆಜ್ಞೆಯ ಮೇರೆಗೆ ಉದ್ದೇಶಪೂರ್ವಕವಾಗಿ ಮತದಾರರ ಹೆಸರುಗಳನ್ನು ತೆಗೆದುಹಾಕಲಾಗಿದೆ ಎಂದು ಆರೋಪಿಸಿವೆ.

ಇದನ್ನೂ ಓದಿ:ಧನುಷ್ ಜೊತೆ ಡೇಟಿಂಗ್: ಕೊನೆಗೂ ಮೌನ ಮುರಿದ ನಟಿ ಮೃಣಾಲ್ ಠಾಕೂರ್ ​| Dating

ಬಿಹಾರದಲ್ಲಿ ಕರಡು ಮತದಾರರ ಪಟ್ಟಿಯನ್ನು ಪ್ರಕಟಿಸುವ ಮೊದಲು ಮತ್ತು ನಂತರ ಹಲವಾರು ರಾಜಕೀಯ ಪಕ್ಷಗಳೊಂದಿಗೆ ನಡೆದ ಸಭೆಗಳನ್ನು ಉಲ್ಲೇಖಿಸಿ, ಪಾರದರ್ಶಕತೆಯನ್ನು ಖಚಿತಪಡಿಸಿಕೊಳ್ಳಲು ಸಾಧ್ಯವಿರುವ ಎಲ್ಲಾ ಕ್ರಮಗಳನ್ನು ತೆಗೆದುಕೊಂಡಿರುವುದಾಗಿ ಚುನಾವಣಾ ಸಂಸ್ಥೆ ತನ್ನ ನಡೆಯನ್ನು ಸಮರ್ಥಿಸಿಕೊಂಡಿದೆ.

ಶುದ್ಧ ಮತದಾರರ ಪಟ್ಟಿಗಳು ಪ್ರಜಾಪ್ರಭುತ್ವವನ್ನು ಬಲಪಡಿಸುತ್ತವೆ ಎಂದು ಒತ್ತಿ ಹೇಳುವ ಮೂಲಕ, ಕರಡು ಸಿದ್ಧಪಡಿಸುವ ಸಮಯದಲ್ಲಿ ಭಾಗಿಯಾಗಿದ್ದ ಕಾಂಗ್ರೆಸ್, ರಾಷ್ಟ್ರೀಯ ಜನತಾ ದಳ (ಆರ್‌ಜೆಡಿ) ಮತ್ತು ಎಡಪಂಥೀಯರು (ಬಿಹಾರ ಮಹಾಘಟಬಂಧನ್‌ನ ಪ್ರಮುಖ ಘಟಕಗಳು) ಸೇರಿದಂತೆ ಹಲವಾರು ರಾಜಕೀಯ ಪಕ್ಷಗಳ ಪ್ರತಿನಿಧಿಗಳ ವಿಡಿಯೋ ಲಿಂಕ್‌ಗಳನ್ನು ಆಯೋಗವು ಹಂಚಿಕೊಂಡಿದೆ.(ಏಜೆನ್ಸೀಸ್)

https://www.vijayavani.net/rahul-gandhi-arrest-opposition-leaders-detained-in-delhi-during-india-blocs-vote-chori-protest-against-ec-2

https://www.vijayavani.net/300-india-bloc-mps-vote-chori-march-to-poll-body-office-today-no-police-nod