ಪ್ರೇಮ ವಿವಾಹವನ್ನು ವಿರೋಧಿಸಿದ ತಂದೆಯನ್ನು ಮಗಳೇ ಹೊಡೆಸಿರುವ ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ. ಸೊಲ್ಲಾಪುರ ಜಿಲ್ಲೆಯ ಮಾದ ತಾಲೂಕಿನಲ್ಲಿ ಈ ಘಟನೆ ನಡೆದಿದೆ. ಘಟನೆಗೆ ಸಂಬಂಧಿಸಿದಂತೆ ಸಾಕ್ಷಿ ಶಾ, ಚೈತನ್ಯ ಕಾಂಬಳೆ, ಅತಿಶ ಲಂಕೇಶ್ವರ್, ರಾಮ ಪವಾರ್, ಬಂಡು ಅಲಿಯಾಸ್ ಆನಂದ್ ಜಾಧವ್, ಮಯೂರ್ ಚಂದನಶಿವೆ ಎಂಬ ಆರೋಪಿಗಳನ್ನು ಬಂಧಿಸಲಾಗಿದೆ.
ಘಟನೆ ಹಿನ್ನೆಲೆ:
ಚೈತನ್ಯ ಕಾಂಬಳೆ ಎಂಬಾತನ ಜತೆಗೆ ಸಾಕ್ಷಿ ಶಾ ಇಬ್ಬರು ಹಲವು ವರ್ಷಗಳಿಂದ ಪ್ರೀತಿಸುತ್ತಿದ್ದರು. ಸಾಕ್ಷಿ ಬಾರಾಮತಿಯಲ್ಲಿ ಎಂಬಿಎ ಓದುತ್ತಿದ್ದರೆ, ಚೈತನ್ಯ ಮಾಧದಲ್ಲಿ ಕೇಕ್ ಶಾಪ್ ನಡೆಸುತ್ತಿದ್ದಾರೆ. ಇಬ್ಬರೂ ಒಬ್ಬರನ್ನೊಬ್ಬರು ಮದುವೆಯಾಗಿ ಜೀವನವನ್ನು ಪ್ರಾರಂಭಿಸಲು ಬಯಸಿದ್ದರು. ಆದರೆ ಸಾಕ್ಷಿ ತಂದೆ ಮಹೇಂದ್ರ ಶಾ ಇದಕ್ಕೆ ವಿರೋಧ ವ್ಯಕ್ತಪಡಿಸಿದ್ದರು.
