ಧರ್ಮಶಾಲಾ: ಐಪಿಎಲ್ 2024ರ 17ನೇ ಆವೃತ್ತಿಯ 10 ಬಲಿಷ್ಠ ತಂಡಗಳ ಪೈಕಿ ಟಾಪ್ 4ರಲ್ಲಿ ಉಳಿಯುವ ತಂಡಗಳಿಗೆ ಮಾತ್ರ ಪ್ಲೇ-ಆಫ್ ಕನಸು ಈಡೇರುತ್ತದೆ. ಅದಕ್ಕಾಗಿ ಎದುರಾಳಿಗಳನ್ನು ಕೇವಲ ಸೋಲಿಸುವುದು ಮಾತ್ರ ಗುರಿಯಲ್ಲ, ಬದಲಿಗೆ ಭಾರೀ ಅಂತರದಿಂದ ಮಣಿಸುವುದೇ ಅತೀ ಮುಖ್ಯ. ಆಡಿರುವ ಇಷ್ಟು ಪಂದ್ಯಗಳ ಪೈಕಿ ರಾಜಸ್ಥಾನ ರಾಯಲ್ಸ್ ಮತ್ತು ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡಗಳು ಟಾಪ್ 2 ಸ್ಥಾನಗಳನ್ನು ಭದ್ರವಾಗಿ ಉಳಿಸಿಕೊಂಡಿದ್ದು, ಉಳಿದೆರೆಡು ಸ್ಥಾನಗಳಿಗೆ ಲಕ್ನೋ ಸೂಪರ್ ಜೈಂಟ್ಸ್, ಸನ್ರೈಸರ್ಸ್ ಹೈದರಾಬಾದ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಚೆನ್ನೈ ಸೂಪರ್ ಕಿಂಗ್ಸ್, ಪಂಜಾಬ್ ಕಿಂಗ್ಸ್, ಡೆಲ್ಲಿ ಕ್ಯಾಪಿಟಲ್ಸ್ ತಂಡಗಳ ಮಧ್ಯೆ ಭರ್ಜರಿ ಪೈಪೋಟಿ ಶುರುವಾಗಿದೆ.
