ಗೇ ಆ್ಯಪ್​ನಲ್ಲಿ ಪರಿಚಯ: ಕರೆದ ಕೂಡಲೇ ಮನೆಗೆ ಹೋದ ಯುವಕನಿಗೆ ಕಾದಿತ್ತು ಬಿಗ್​​ ಶಾಕ್​! Gay App

Gay App : 'ಗೇ' ಆ್ಯಪ್‌ನಲ್ಲಿ ತನ್ನನ್ನು ಪರಿಚಯಿಸಿಕೊಂಡು ಜನರನ್ನು ಬ್ಲಾಕ್‌ಮೇಲ್ ಮಾಡಿ, ಫೋನ್‌ಪೇ ಮೂಲಕ ಹಣ ಸುಲಿಗೆ ಮಾಡುತ್ತಿದ್ದ ಶಂಕಿತನನ್ನು ಹೈದರಾಬಾದ್​ನ ಫಿಲ್ಮ್‌ನಗರ ಪೊಲೀಸರು ಬಂಧಿಸಿದ್ದಾರೆ.

ಈ ಪ್ರಕರಣದ ವಿವರವನ್ನು ನೋಡುವುದಾದರೆ, ದಬೀರ್‌ಪುರ ನಿವಾಸಿ ಫರ್ಹಾನ್ ಬೇಗ್ (25) ಓರ್ವ ಮಾದಕ ವ್ಯಸನಿ. ಸುಲಭವಾಗಿ ಹಣ ಗಳಿಸುವ ದುರುದ್ದೇಶದಿಂದ ಜೆಂಡರ್ ಆ್ಯಪ್‌ನಲ್ಲಿ ಖಾತೆ ತೆರೆದು 'ಗೇ'ಗಳ ಪರಿಚಯ ಬೆಳೆಸುತ್ತಿದ್ದ. ಕರೆ ಮಾಡಿ ಅವರನ್ನು ತನ್ನ ಬಳಿಗೆ ಕರೆಸಿಕೊಂಡು, ಇಂಟಿಮೇಟ್​ ದೃಶ್ಯಗಳನ್ನು ಮೊಬೈಲ್​ನಲ್ಲಿ ಸೆರೆಹಿಡಿದು, ಬ್ಲ್ಯಾಕ್‌ಮೇಲ್ ಮಾಡಿ ಹಣ ವಸೂಲಿ ಮಾಡುತ್ತಿದ್ದ.

ಕಳೆದ ತಿಂಗಳು ಶೇಖ್‌ಪೇಟೆಯ ಜೈಹಿಂದ್‌ ನಗರದ 22 ವರ್ಷದ ಯುವಕನನ್ನು ಜೆಂಡರ್ ಆ್ಯಪ್‌ನಲ್ಲಿ ಪರಿಚಯಿಸಿಕೊಂಡು ಆತನನ್ನು ತನ್ನ ಬಳಿಗೆ ಕರೆಸಿಕೊಂಡಿದ್ದ. ಮನೆಗೆ ಹೋದಾಗ ಯುವಕನೊಂದಿಗೆ ಆತ್ಮೀಯವಾಗಿ ವರ್ತಿಸುವ ವಿಡಿಯೋ ರೆಕಾರ್ಡ್ ಮಾಡಿ ಬ್ಲಾಕ್​ಮೇಲ್ ಮಾಡಲು ಪ್ರಾರಂಭಿಸಿದ್ದ.

ಇದನ್ನೂ ಓದಿ: ಈ 3 ರಾಶಿಯ ಪುರುಷರು ಪ್ರೀತಿಗೋಸ್ಕರ ತಮ್ಮ ಪ್ರಾಣ ಕೊಡಲು ಸಿದ್ಧರಾಗಿರುತ್ತಾರೆ! ನಿಮ್ಮದು ಇದೇ ರಾಶಿನಾ? Zodiac Signs

ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡುವುದಾಗಿ ಬೆದರಿಸಿ, ಸಂತ್ರಸ್ತನಿಂದ 15,000 ರೂ.ಗೆ ಬೇಡಿಕೆ ಇಟ್ಟಿದ್ದ. ಈ ವೇಳೆ ಸಂತ್ರಸ್ತ ಫೋನ್‌ಪೇ ಮೂಲಕ ಆರೋಪಿಗೆ 10,000 ರೂ. ವರ್ಗಾಯಿಸಿದ್ದ. ತಾನು ಮೋಸ ಹೋಗಿರುವುದನ್ನು ಅರಿತ ಸಂತ್ರಸ್ತ ಈ ತಿಂಗಳ 1 ರಂದು ಫಿಲ್ಮ್‌ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದರು. ಆರೋಪಿಯ ಫೋನ್ ಸಂಖ್ಯೆಯನ್ನು ಆಧರಿಸಿ ಕರೆ ಡೇಟಾವನ್ನು ಸಂಗ್ರಹಿಸಿದ ಪೊಲೀಸರು ಭಾನುವಾರ ಫರ್ಹಾನ್ ಬೇಗ್​ನನ್ನು ಬಂಧಿಸಿದ್ದಾರೆ.

ಪೊಲೀಸ್ ತನಿಖೆಯಲ್ಲಿ ಫರ್ಹಾನ್‌ ಬೇಗ್ 'ಗೇ' ಅಲ್ಲ, ಬದಲಿಗೆ 'ಗೇ'ಗಳನ್ನು ಪರಿಚಯಿಸಲು ಮತ್ತು ಅವರನ್ನು ಬ್ಲಾಕ್‌ಮೇಲ್ ಮಾಡಲು ಜೆಂಡರ್​ ಅಪ್ಲಿಕೇಶನ್‌ ಬಳಸುತ್ತಿದ್ದನು ಎಂಬುದು ತಿಳಿದುಬಂದಿದೆ. ಫರ್ಹಾನ್​ ಬೇಗ್​ ಈ ಹಿಂದೆಯೂ ಇದೇ ರೀತಿಯ ಬ್ಲಾಕ್​ಮೇಲ್​ ಮಾಡಿರುವುದು ತಿಳಿದುಬಂದಿದೆ. ಫಿಲ್ಮ್‌ನಗರ ಪೊಲೀಸರು ಈ ಪ್ರಕರಣದ ಹೆಚ್ಚಿನ ತನಿಖೆಯನ್ನು ನಡೆಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/saif-ali-khan-put-to-rest-the-conspiracy-theories-and-answer-several-questions-over-attack

https://www.vijayavani.net/in-this-indian-village-men-are-required-to-have-two-wives-do-you-know-why