ಅಹಮದಾಬಾದ್: ಏನಾದರೂ ವಸ್ತುವನ್ನು ಉಚಿತವಾಗಿ ಕೊಡುತ್ತೇವೆಂದರೆ ಯಾರು ಬೇಡೆವೆನ್ನುತ್ತಾರೆ ಹೇಳಿ? ಅದೇ ರೀತಿ ಉಚಿತವಾಗಿ ಒಳಬಟ್ಟೆಗಳನ್ನು (ಇನ್ನರ್ವೇರ್) ಕೊಡುತ್ತೇವೆ ಎಂದು ಬರುತ್ತಿದ್ದ ಜಾಹೀರಾತನ್ನು ನಂಬಿದ ಯುವತಿ ನಂತರ ಪೇಚಿಗೆ ಸಿಲುಕಿದ ಘಟನೆ ಗುಜರಾತ್ನ ಅಹಮದಾಬಾದ್ನಲ್ಲಿ ನಡೆದಿದೆ.
ಇದನ್ನೂ ಓದಿ: ಪೊಲೀಸ್ ಪಯಣದ ಅನುಭವದ ಬುತ್ತಿ ‘ಸ್ಟೆಪ್ಪಿಂಗ್ ಬಿಯಾಂಡ್ ಖಾಕಿ’ 18ರಂದು ಬಿಡುಗಡೆ
ಅಹಮದಾಬಾದ್ನ ಯುವತಿಯ ಮೊಬೈಲ್ಗೆ ಡಿಸೆಂಬರ್ 3ರಂದು ಒಂದು ಜಾಹೀರಾತಿನ ಸಂದೇಶ ಬಂದಿತ್ತಂತೆ. ನೀವು ಈ ಲಿಂಕ್ನಲ್ಲಿ ನೋಂದಣಿಯಾದರೆ ನಿಮಗೆ ಉಚಿತವಾಗಿ ಇನ್ನರ್ವೇರ್ಗಳನ್ನು ಕಳುಹಿಸಿಕೊಡಲಾಗುತ್ತದೆ ಎಂದು ಅದರಲ್ಲಿ ತಿಳಿಸಲಾಗಿತ್ತು. ಅದರ ಆಸೆಗೆ ಬಿದ್ದ ಯುವತಿ ಲಿಂಕ್ ತೆರೆದು, ಮೊಬೈಲ್ ಸಂಖ್ಯೆ ಕೊಟ್ಟು ನೋಂದಣಿ ಮಾಡಿಕೊಂಡಿದ್ದಾಳೆ. ಅದಾದ ಕೆಲ ದಿನಗಳ ನಂತರ ಆಕೆಗೆ ಯಾವುದೋ ಒಂದು ನಂಬರ್ ಇಂದ ಮೆಸೇಜ್ ಬಂದಿದೆ. ನೀವು ನಿಮ್ಮ ಫೋಟೋವನ್ನು ಕಳುಹಿಸಿದರೆ ನಿಮಗೆ ಉಚಿತ ಇನ್ನರ್ವೇರ್ ಕಳುಹಿಸಿಕೊಡಲಾಗುತ್ತದೆ ಎಂದು ತಿಳಿಸಲಾಗಿದೆ. ಅದರಂತೆ ಆಕೆ ಫೋಟೋ ಕಳುಹಿಸಿದ್ದಾಳೆ ಕೂಡ.
ಈ ಎಲ್ಲ ಘಟನೆಯಾಗಿ ಒಂದು ವಾರವಾದ ಮೇಲೆ ಮತ್ತೊಂದು ಸಂದೇಶ ಬಂದಿದೆ. ನಿಮ್ಮ ನಗ್ನ ಫೋಟೋಗಳನ್ನು ಕಳುಹಿಸಿಕೊಡಿ. ನಂತರ ನಿಮಗೆ ಉಚಿತ ಇನ್ನರ್ವೇರ್ ಕಳುಹಿಸಿಕೊಡಲಾಗುವುದು ಎಂದು ಮೆಸೇಜ್ ಮಾಡಲಾಗಿದೆ. ಈ ಸಂದೇಶವನ್ನು ಕಂಡು ಶಾಕ್ ಆದ ಯುವತಿ ಅದು ಸಾಧ್ಯವಿಲ್ಲ ಎಂದು ವಾಪಾಸು ಮೆಸೇಜ್ ಮಾಡಿದ್ದಾಳೆ. ನಂತರ ಅತ್ಯಂತ ಅಸಭ್ಯವಾಗಿ ಆ ನಂಬರ್ನಿಂದ ಮೆಸೇಜ್ಗಳು ಬರಲಾರಂಭಿಸಿವೆ. ಇದರಿಂದ ಸಿಟ್ಟಿಗೆದ್ದ ಯುವತಿ ಇದೀಗ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾಳೆ.
ಇದನ್ನೂ ಓದಿ: ಚಿಕನ್, ಮೊಟ್ಟೆ ಮಾರಾಟ ನಿಷೇಧ! ರೆಸ್ಟೋರೆಂಟ್ ಖಾದ್ಯಗಳ ಮೇಲೂ ನಿರ್ಬಂಧ
ಉಚಿತ ಇನ್ನರ್ವೇರ್ ಕೊಡುವುದಾಗಿ ಹೇಳಿ ಮೋಸ ಮಾಡಿರುವುದಾಗಿ ಪ್ರಕರಣ ದಾಖಲಸಿಕೊಳ್ಳಲಾಗಿದೆ. ಆರೋಪಿಗಳಿಗಾಗಿ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ. (ಏಜೆನ್ಸೀಸ್)
ಮಧ್ಯರಾತ್ರಿ ಮಹಿಳೆಯ ಬರ್ಬರ ಹತ್ಯೆ: ಫೋನ್ ಕರೆ ಸ್ವೀಕರಿಸಿದ ಮೃತಳ ಭಾವನಿಗೆ ಕಾದಿತ್ತು ಶಾಕ್!
ಎಂಗೇಜ್ಮೆಂಟ್ ಆದ್ಮೇಲೆ ಸೆಕ್ಸ್ ಮಾಡಿ ನೀ ಬೇಡ ಎಂದ; ಪೊಲೀಸರ ಮೊರೆ ಹೋದ ಯುವತಿ