ಆನ್​ಲೈನ್​ ಕ್ಲಾಸ್​ ಗುಮ್ಮ ತಂದ ಒತ್ತಡ; ಜೀವವನ್ನೇ ಕಳೆದುಕೊಂಡ 12 ವರ್ಷದ ಬಾಲಕಿ

ರಾಜ್​ಕೋಟ್​: ಕರೊನಾ ಲಾಕ್​ಡೌನ್​ನಿಂದಾಗಿ ಶಾಲೆಗಳೆಲ್ಲ ಬಂದ್​ ಆಗಿವೆ. ಈ ಮಧ್ಯೆ ಕೆಲವು ರಾಜ್ಯಗಳಲ್ಲಿ ಆನ್​ಲೈನ್​ ಕ್ಲಾಸ್​ಗಳೂ ಶುರುವಾಗಿದೆ. ಅದೆಷ್ಟೋ ತೊಡಕುಗಳ ಮಧ್ಯೆಯೂ ಶಿಕ್ಷಕರು ಆನ್​ಲೈನ್​ ಕ್ಲಾಸ್​ ನಡೆಸುತ್ತಿದ್ದಾರೆ. ಮಕ್ಕಳೂ ಕೂಡ ಪಾಲ್ಗೊಳ್ಳುತ್ತಿದ್ದಾರೆ.

ಆದರೆ ಬಡ ವಿದ್ಯಾರ್ಥಿಗಳಿಗೆ ಈ ಸ್ಮಾರ್ಟ್​ಫೋನ್​, ಕಂಪ್ಯೂಟರ್​ಗಳನ್ನು ಖರೀದಿಸುವುದೇ ಸಮಸ್ಯೆಯಾಗುತ್ತಿದೆ. ಮತ್ತೂ ಕೆಲವು ಮಕ್ಕಳು ಆನ್​ಲೈನ್​ ಕ್ಲಾಸ್​ ಒಗ್ಗುತ್ತಿಲ್ಲ. ಒತ್ತಡಕ್ಕೆ ಒಳಗಾಗುತ್ತಿದ್ದಾರೆ.

ಈಗ ಆನ್​ಲೈನ್​ ಕ್ಲಾಸ್​​ನಿಂದ ತೀವ್ರ ಒತ್ತಡಕ್ಕೆ ಒಳಗಾದ 12 ವರ್ಷದ ಬಾಲಕಿ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.

ಗುಜರಾತ್​ನ ರಾಜ್​ಕೋಟ್​​ನಲ್ಲಿ ಘಟನೆ ನಡೆದಿದೆ. ಖುಷಿ ಮೃತ ಬಾಲಕಿ. ಇವಳ ತಂದೆ ಆಟೋ ಗ್ಯಾರೇಜ್​ವೊಂದರಲ್ಲಿ ಕೆಲಸ ಮಾಡುತ್ತಿದ್ದರು. ಆಕೆಯ ಬಳಿ ಆನ್​ಲೈನ್​ ಕ್ಲಾಸ್​ಗೆ ಅಗತ್ಯವಾಗಿ ಬೇಕಾದ ಸ್ಮಾರ್ಟ್​ಫೋನ್​, ಕಂಪ್ಯೂಟರ್​ ಏನೂ ಇರಲಿಲ್ಲ. ಲಾಕ್​ಡೌನ್​ನಿಂದ ಖುಷಿಯ ಕುಟುಂಬವೂ ಸಂಕಷ್ಟದಲ್ಲಿತ್ತು. ಆದರೂ ಅವಳ ತಂದೆ ಕಷ್ಟಪಟ್ಟು ಆಕೆಗೆ 10,000 ರೂ. ಬೆಲೆಯ ಸ್ಮಾರ್ಟ್​ಫೋನ್​ ಕೊಡಿಸಿದ್ದರು. ತನ್ನ ಮಗಳು ಶಿಕ್ಷಣದಿಂದ ವಂಚಿತಳಾಗಬಾರದು ಎಂಬುದು ಅವರ ಆಶಯವಾಗಿತ್ತು. ಇದನ್ನೂ ಓದಿ: ಜೆಸಿಬಿ ಮಶಿನ್​ ಹೊತ್ತ ಟ್ರಕ್​ ಸಾಗುತ್ತಿತ್ತು…ಸೇತುವೆ ಕುಸಿದುಬಿತ್ತು; ಭಯಾನಕ ದೃಶ್ಯ ವೈರಲ್​

ಆದರೆ ವಿದ್ಯಾರ್ಥಿನಿ ಖುಷಿಗೆ ಆನ್​ಲೈನ್​ ಕ್ಲಾಸ್​ಗೆ ಹೊಂದಿಕೊಳ್ಳಲು ಸಾಧ್ಯವಾಗದೆ ತೀವ್ರ ಒತ್ತಡಕ್ಕೆ ಒಳಗಾಗಿದ್ದಳು. ಶಿಕ್ಷಕರು ಕೊಡುವ ಹೋಂವರ್ಕ್​ಗಳನ್ನು ಮಾಡುವುದು ಆಕೆಗೆ ಕಷ್ಟವಾಗುತ್ತಿತ್ತು. ತನ್ನ ಸಹಪಾಠಿಗಳನ್ನು ಭೇಟಿಯಾಗಲಾಗದೆ ತುಂಬ ಬೇಸರ ಮಾಡಿಕೊಂಡಿದ್ದಳು. ಇದೆಲ್ಲ ಸೇರಿ ಆಕೆ ಖಿನ್ನತೆಗೆ ಜಾರುತ್ತಿದ್ದಳು ಎಂದು ಸ್ಥಳೀಯ ಮಾಧ್ಯಮವೊಂದು ವರದಿ ಮಾಡಿದೆ. ಇದನ್ನೂ ಓದಿ: ನಟಿ ರಾಖಿ ಸಾವಂತ್​ ಹೊಟ್ಟೆಯಲ್ಲಿ ಹುಟ್ಟಿಬರಲಿದ್ದಾರಂತೆ ಸುಶಾಂತ್​ ಸಿಂಗ್​ ರಜಪೂತ್​…🤦‍♀️🙂

ಸೋಮವಾರ ಬೆಳಗ್ಗೆ ಸುಮ್ಮನೆ ಕುಳಿತಿದ್ದ ಖುಷಿಯ ಬಳಿ ಆಕೆಯ ಅಮ್ಮ, ನೀನು ಹೋಂ ವರ್ಕ್​ ಬೇಗ ಮುಗಿಸು ಎಂದು ಹೇಳಿದರು. ಆದರೆ ಖುಷಿ, ಸ್ವಲ್ಪ ಹೊತ್ತು ಇರಮ್ಮ..ಎಂದು ಹೇಳಿ ತನ್ನ ರೂಂಗೆ ಹೋದವಳು ಎಷ್ಟೊತ್ತಾದರೂ ವಾಪಸ್​ ಬರಲಿಲ್ಲ. ತಾಯಿ ಹೋಗಿ ನೋಡುವಷ್ಟರಲ್ಲಿ ಖುಷಿ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಳು.

ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಪ್ರಕರಣ ದಾಖಲಾಗಿದೆ. (ಏಜೆನ್ಸೀಸ್​)

https://www.vijayavani.net/coronavirus-found-in-sandalwood-actor-darsha-living-apartment/